Yibbaatoo 1:1 - Kafa Linguistics Project

¹ Hini macaafooch beeto, Israꞌeeleenaꞌo Moꞌabee showooch boonoshi beetaa, Muusi boonoshich yibbaateti yibbaatoone. Arooba kaamboon geddiꞌi boonoshi beeto, Yoordaanoosi aacoochaa aabi-keyo waan, Suufi ciinooch beeti Yoordaanoosi bambeexi barahoochiye. Ebiyoo Faraanin boonoshi ikke badd, Xofeelin, Labaanin, Hatserootinaa Dizaabinon wotta boonoshi bare badd geddiꞌiniye.

Yibbaatoo 1:1 ပူးပေါင်းရင်းမြစ်များ

Halloo 21:21

Bi beemi xaaꞌoon Faraani barahooch tuniihe. Bi indeyoo Gibitsee showoochee mecheen deebaa biich shaakkiihan.

1 Taateenaꞌo 11:18

Boonoshiyoo Miidiyamee showoochee tiyii, Faraanee barahooch hammiyeete. Faraanee barahoochee giisheche asheenaꞌon yechii, Gibitsee showooch, Gibitsee taatoo Faroon waan waaheete. Biyoo Hadaadich kexonaa maayoonon daaggiye; showoonoo biich immiye.

Imbaaqoomi 3:3

Yeeri wochinnoon Temaanee showoochee, Yaafe Yeeri, Faraani geppoochee waa beetone. Bi oogee yiiroo shimaayoon kaappitone; biin naadoo showoo bulliich ceennitone.

Haddoo 10:12

Israꞌeeleenaꞌo Siini barahoochee tiyii boonoshi gommon qaxiriyeete. Qubo Faraani barahooch kindii kotehe.

Haddoo 11:35

Asheenaꞌo ebi xaaꞌoochee Hatseroot qaxiriyeete; aroochoo koteheete.

Haddoo 12:16

Ebiyee gubb asheenaꞌo Hatserootee tiyii qaxiriyeete; Faraani barahooch kaamboon geddii koteheete.

Haddoo 13:26

Qiiddechinaꞌo Muusi, Harooninaa Israꞌeeleenaꞌochi iitoo bullina beeti Faraani barahooch, Qadeesh waaheete. Woroonoo boonoshinaa iitoo bullinoyich gettiyeete. Are showeexi manjeebeeti michi aafoon boonoshich bekkiiheete.

Haddoo 13:3

Ebich Muusi Doono Yeeri gettitoommon, Faraani barahoochee asheenaꞌon daachiihe. Boonoshi bulliyona Israꞌeeleenaꞌochi ukkireenaꞌone.

Haddoo 32:19

Yoordaanoosi aacoyee haqach, aabi-keyo waanee iristoon no woraashitoyich, boonoshina tookki Yoordaanoosi aacoyee beqachee iristoon woraashaachemmo noone” iyeete.

Haddoo 32:32

Ginooch qanniree Doono Yeeri aafooch, Kanaanee showooch kimmemmo noone. Tunebaani no woraashemmi iristo Yoordaanoosi aacoyee haqach, hiniich tunemmone” iyeete.

Haddoo 32:5

Ne aafoochaa gidoon no danegaata, ne guuno nooch ebi showoon iristo tuniiree imbe. Yoordaanoosi aacoyee beqach no kimmemmoyich tuniyaahine” iyeete.

Haddoo 33:20

Rimoon Feretsee tiyii qaxiriꞌi, Libina koteheete.

Haddoo 33:21

Libinee tiyii qaxiriꞌi, Risaaha koteheete.

Haddoo 34:15

Ebi gutte yoodaa qachi asheenaꞌo Yoordaanoosi aachee beqachee, Yaariki ciinoochee, aabi-keyo waanee boonoshi iristoon deqqitinaꞌone” iye.

Haddoo 35:14

Yoordaanoosi aachee beqachee keejje katemoon, Kanaanee showoochee keejje katemoon shoobi katemoon tunii immemmo ittoshine.

Yibbaatoo 2:8

“Ebina Seyiree showooch beeti, no maneenaꞌo tuneti Esayi yareenaꞌo showee gaꞌoona beshaꞌa hammehone. Tunebaani Etsiyoon Geberi katemoonaa Elaati katemoonoochee Yoordaanoosi bambooch besheꞌi Ceelle baharooch daammiibeeti gommona hamaano noone. Nowoo wottaꞌa Moꞌabee barahoo qannina hammehon.

Yibbaatoo 27:1

Aroochee Muusi Israꞌeelee geeneenaꞌona tookkii tuneꞌi asheenaꞌoyich ishichiye: “Hanaach ittoshich ta gettaabeeti geteenaꞌo bullin waayebote.

Yibbaatoo 29:1

Kooreebi guudoochaa bi giyiti wogee toommooch daakkiree Moꞌabee showoochaa Israꞌeeleenaꞌona tookki bi giyemmoyich, Doono Yeeri Muusich gettiti wogeechi mooyo ebine:

Yibbaatoo 31:1

Aroochee Muusi Israꞌeeleenaꞌoyich daakkiꞌi yibbaatehe;

Yibbaatoo 33:2

Biyoo ishichiye: “Doono Yeeri Siini guudoochee noon gaacheya waahe; aabe keyoommon kechiꞌi, Edoomee showoochaa bi asheenaꞌo toommooch koojjiye; bi bekko Faraani guudoochaa koojjii bekkehe. Aashire hume bi maraakeenaꞌo biinna tookkii beetinaꞌone; bi qanne kishoochee qaaqqoo aaxxehe.

Yibbaatoo 5:1

Muusiyoo Israꞌeeleenaꞌo bullin ceeggiꞌi boonoshich ishichiye: “Israꞌeeleenaꞌote, hanaach ittoshich ta gettaabeeti ebi qociyeenaꞌonaa doyeenaꞌonon elle waayebote. Eboshin doyibote; manjiireeshoo quyebote.

Yaasi 22:4

Andoo ittoshi Nuggishoo Doono Yeeri boonoshich bi gibenikkiti gibenoommon, ittoshi maneenaꞌon kashiitone. Ebich Doono Yeeri guuno Muusi Yoordaanoosi aachee beqach ittoshich iristo tuniiꞌi bi immiti showooch beeti ittoshi kexooch wottebote.

Yaasi 3:16

wocciibeeti aaco neexehe. Tsaretaani katemee gaꞌooch beeti, Addaami getteebeeti wohi katemee katinooch aaco kiceeꞌi guteehe; dugilloon Arabee baharo, ebi geto Kiikki baharo waan, wocciibeeti aaco ciroona kuxee neexehe. Asheenaꞌoo Yaariki ciino waanaa kimmiyeete.

Yaasi 9:1

Yoordaanoosi aacoochaa aabi-gimo waan beeti geppe showooch, worebe showooch, Libanoosi guudooch beddaahaa beeti, Meditiraanee baharee gashooch beeti, Hiteenaꞌochi taatoo, Amooreenaꞌochi taatoo, Kanaaneenaꞌochi taatoo, Ferizeenaꞌochi taatoo, Hiweenaꞌochi taatoonaa Yebuseenaꞌochi taatoona, eboshi bulli, Israꞌeeleenaꞌo tuniiti mooyon boonoshi waayehooba,

Yaasi 9:10

Ebiyoommon wotta Yoordaanoosi aachee beqach beeti, gutte Amooree taateenaꞌo, boonoshiyoo Heshiboni taatoo Sihooninaa Ashitarooti katemooch beechii qeejjiibee echeti, Bashaanee taatoo Ooginochi toommooch bi tuniito bullin waayeto noone.

1 Saameeli 25:1

Saameeli qitiye. Israꞌeeleenaꞌo bulli kiceeꞌi biich eeppiyeete. Bi kexo beeti Raama biin duukkiyeete. Aroochee Daawiti tiyiꞌi desh Faraani barahooch hammiye.