Yaasi 9:17 - Kafa Linguistics Project

¹⁷ Ebich Israꞌeeleenaꞌo qaxirii hammiꞌi keejjinnee qemooba, Gibeꞌooni, Kefiraahi, Beerootinaa Qiriyaat Yeꞌariimina getteebeeti Gibeꞌoonee asheenaꞌo beeti katemeenaꞌooch shaggiyeete.

Yaasi 9:17 ပူးပေါင်းရင်းမြစ်များ

2 Saameeli 4:2

Arooba Saaꞌooli bushoo Ishiboshesich bokkeenaꞌochi ukkireenaꞌo tuneti gutte asheenaꞌo beetinaꞌone. Ikkoochi shigo Banaahi, guttinnoocho wotta Rekaabi getteehe. Boonoshiyoo Biiniyaamee yoodo tuneti, Beerootechi Rimooni bushiisheenaꞌone. Beerooti katemee Biiniyaamee showeexi ikke kuxin tuniitaa haddeetine.

1 Kiinoo 12:4

shaasheenaꞌo daggooch ginee anaamo, boonoshi toommoochoo ukkiroo tuneti Gibeꞌoonechi Ishimaayi, Erimiyaasi, Yahazeli, Yohanaani, Gedeerechi Yozabaadi;

1 Kiinoo 2:50

Wotta eboshi Kaaleebichi shiijjereenaꞌone. Huuri Efiraat waanee bi shiyiti bi gutenee bushoone. Huuri bushoo Qiriyaat Yeꞌariimi katemoon shuuneti Shobaaline.

1 Kiinoo 2:52

Qiriyaat Yeꞌariimi katemoon shuuneti Shobaali Haroohee asheenaꞌochi qaabbechone. Menuhoot koteti asheenaꞌoochee qatinaꞌochi qaabbecho,

1 Kiinoo 2:53

Qiriyaat Yeꞌariim koteti Itireenaꞌochi, Fuuteenaꞌochi, Shumaateenaꞌonaa Mishireenaꞌonochi qaabbechone. Tsoriꞌeenaꞌonaa Eshitaꞌooleenaꞌona Mishireenaꞌochi yareenaꞌone.

1 Kiinoo 21:29

Barahoochaa Muusi shuuneti Doono Yeerichi yaafee duukkaanoonaa micciibeeti deejjoo giddeebeeti deejjee gudoona arooba Gibeꞌooni guudi toommeexi goyinnee xaaꞌooch beetone.

Iziri 2:25

Qiriyaat Yeꞌariimee asheenaꞌoochee, wotta Kefiraahee asheenaꞌonaa Beerootee asheenaꞌonoochee shabaatte ballaa aabbaa keemo;

Nehimi 7:29

Qiriyaat Yeꞌariimee asheenaꞌoochee, wotta Kefiraahee asheenaꞌonaa Beerootee asheenaꞌonoochee shabaatte ballaa aabbaa keemo,

Erimiyaasi 26:20

Doono Yeerichi shigoona keemoon keemmiti bare asho arooch beetone; biyoo Qiriyaat Yeꞌariimi asho Shemayaahichi bushoo Uuriyine; ebi katemoonaa ebi showoonochi toommooch Erimiyaasi keemmitoommon keemmiye.

Yaasi 10:2

Ebina biinnaa bi asheenaꞌona oogichiꞌi shattiyeete. Ebiyoo Gibeꞌooni, taatee katemoo bullichoommon ooge katemoo, Aayiyee beshe katemoo, wotta bi asheenaꞌoo ginee anaaminaꞌo boonoshi tunetoyichiye.

Yaasi 15:60

Gutte katemeenaꞌo: Qiriyaat Yeꞌariimi getteeti Qiriyaat Baꞌaalinaa Raabinane. Ebi katemeenaꞌochi guudoona gafeenaꞌo beetinaꞌone.

Yaasi 15:9

Aroochee daakkiꞌi guudi toommoochee tiyiꞌi, Nefitoohi aachi xuupheenaꞌooch, wotta Efirooni guudi gaꞌooch beeti katemeenaꞌooch shaggiꞌi, Qiriyaat Yeꞌariimi getteeti Baali katemooch guuddii beetone.

Yaasi 18:14

Aroochee bi dano bare badd guuddii, Desh Beet Horooni katemee ciinooch beeti geppee aabi-gimo waanee, deshi-waan guuddii, Yihudi yoodee katemoo tuneti Qiriyaat Baꞌaal, ebiyoo Qiriyaat Yeꞌariimi getteeti katemooch neexehe. Ebi illa aabi-gimo waan beeti danoone.

Yaasi 18:15

Deshi-waani dano wotta, Qiriyaat Yeꞌariimi katemee gocoochee tiijjiꞌi, aabi-gimo waanaa Nefitoohi aachi xuupheenaꞌooch beddiye.

Yaasi 9:16

Israꞌeeleenaꞌo Gibeꞌooni asheenaꞌona tookkii wogoon boonoshi giyiti keejje qemoyee gubb, ebi asheenaꞌo boonoshi katinooch beeti giyeenaꞌo boonoshi tunoon waayeheete.

Yaasi 9:18

Tunetaa iitee ukkireenaꞌo Israꞌeelee Nuggishoo Doono Yeerina wogetinaꞌo boonoshi tunetoyich, Israꞌeeleenaꞌo ebi asheenaꞌon wuxaaneenaꞌone. Ebich Israꞌeeleenaꞌo bulli, ukkireenaꞌo toommooch guruuxiyeete.

Yaasi 9:3

Tunebaani Yaasi Yaarikinaa Aayinochi toommooch bi tuniiton Gibeꞌooni asheenaꞌo waayehooba,

Yaasi 9:9

Boonoshiyoo ishichiꞌi wochiyeete: “No, ne guuno, ne Nuggishoo Doono Yeeri mooyon waayaꞌa, oogeti wohi showoocheeniye no waato. Gibits beeti asheenaꞌo toommooch bi tuniito bullin waayeto noone.

Woraaferasheenaꞌo 18:12

Boonoshiyoo Yihudee showooch beeti Qiriyaat Yeꞌariimi katemoochaa aabi-gimo waan kaamboon geddiꞌi koteheete. Ebi xaaꞌoo hanaach beddaahaa Daani Yoodeenaꞌochi Kaambo getaa bi ceekkeebeeto ebichiye.

1 Saameeli 6:21

Qiriyaat Yeꞌariimi katemooch beeti asheenaꞌo waan wocheyechinaꞌon daachiiꞌi ishichiyeete: “Filsixeemee asheenaꞌo Doono Yeerichi taabootoon wochitinaꞌone; no waan waaree, damba ittoshi katemooch daambote” iyeete.

1 Saameeli 7:1

Qiriyaat Yeꞌariimi asheenaꞌo waaꞌi, Doono Yeerichi taabootoon daammiyeete. Aroochee geppechi katemooch beeti, Abinadaabi kexooch daammiyeete. Ebi taabootoon bi quyemmoyich, bi bushoo Elazaarin yaafiyeete.