Yaasi 8:19 - Kafa Linguistics Project

¹⁹ Ebin bi tuniyahaa, aasheꞌi beeti ginechinaꞌo boonoshi aasheti xaaꞌoochee kechiꞌi, afaafinoona katemooch wocee giyiꞌi, katemoon yechiyeete. Bekkech katemoon qaaqqoona michiyeete.

Yaasi 8:19 ပူးပေါင်းရင်းမြစ်များ

Yaasi 8:18

Arooba Doono Yeeri Yaasin “Katemoon ne kishooch beshiiree immemmo taane. Ebich ne kisheexi ginoon Aay waan ballibe” iye. Yaasiyoo bi yechiti ginoon Aay waan balliye.

Yaasi 8:2

Yaarikinaa bi taatoonochi toommooch ne tuniitoommon, ebiyoommon Aayinaa bi taatoonochi toommooch tuniyemmo neene. Tunebaani ebiyooba kecoonaa miimo bullinon ittoshi qellich tuniyemmo ittoshine. Katemee gubbaa aasheree oti quyemmi ginechinaꞌon qanniibe” iye.

Yaasi 8:20

Aayi asheenaꞌo gubb wottee ciinniꞌi, boonoshi katemoo micci cufoo shimaayooch tuqii beeton beeggiyeete. Barahoo waan wocee aasheti Israꞌeeleenaꞌo boonoshin kocha boonoshi waan boonoshi wottetoyich, Aayi asheenaꞌo aabina boonoshi muriccemmo gaata gommon mucceheete.

Woraaferasheenaꞌo 20:33

Ebina Israꞌeelee ginee naayinaꞌo gubb shokiꞌi, Baꞌaal Tamaar yaaroona neexeheete. Areegaata, ottii quyeꞌi beeti Israꞌeelee ginee naayinaꞌo wotta boonoshi aasheꞌi beeti, Gibaahi katemoochaa aabi-gimo waanee afaafinoona kechiyeete.

Woraaferasheenaꞌo 20:37

Aashee ottiꞌi beeti asheenaꞌo afaafinoona Gibaaha wocee giyii katemee daggooch guuddiꞌi, asheenaꞌo bullin goraadoona ciichiyeete.