Yaasi 8:17 - Kafa Linguistics Project

¹⁷ Israꞌeeleenaꞌon yookkii dabboyich, Aayinaa Beeteelinoochee keyaani ikke anaamolla aalloone. Katemee uxeree kelloon qechii duppiichii, Israꞌeeleenaꞌon yookkii dabbiyeete.

Yaasi 8:17 ပူးပေါင်းရင်းမြစ်များ

Iyoobi 5:13

Yeeri accechi asheenaꞌon boonoshi acona yechiye; marechinaꞌochi maroon kaateree aalliyemmone.

Yibbaatoo 2:30

“Tunebaani Heshiboni taatoo Sihooni bi showoona no beshemmoyich daaggoon qajjiye. Ebiyoo no Nuggishoo Doono Yeeri and ebi bi tuniitoommon, no kishooch beshii biin imma iꞌi bi mulloon bi muumiitoyich, biinoo babberoo bi tuniitoyichiye.

Yaasi 11:20

Doono Yeeri Muusich bi gettitoommon, Israꞌeeleenaꞌona koyeree, ikke ariqqaalloon ciroona wuxaa boonoshi aallemmoyich, ebi katemeenaꞌooch beeti asheenaꞌo mulloon muumiito, Doono Yeerine.

Yaasi 8:16

Ebich Aayi asheenaꞌo bulli “Dabbi yoohote” getaa ceekkeheete. Boonoshiyoo Yaasin yookkii dabbiibee, katemoyee maach kechii wokkii hammiyeete.

Yaasi 8:18

Arooba Doono Yeeri Yaasin “Katemoon ne kishooch beshiiree immemmo taane. Ebich ne kisheexi ginoon Aay waan ballibe” iye. Yaasiyoo bi yechiti ginoon Aay waan balliye.

Yaasi 8:3

Ebich Yaasinaa bi ginechinaꞌo bullina Aayin kocha tiyiyeete. Yaasiyoo ginechinaꞌo daggoochee ginee anaaminaꞌo tuneti asheenaꞌon, shaashe hume ginechinaꞌon kaacciꞌi xumoona daachiihe.

Woraaferasheenaꞌo 20:31

Biiniyaameenaꞌo boonoshina koyeya kechiyeete. Katemoocheenoo boonoshi wokkemmoyich tunehe. Aroyee aaf boonoshi tuniitoommon, Beeteel daammiibeeti gommonaa Gibaaha daammiibeeti gommonooch beeti, gamini showoochaa Israꞌeeleenaꞌo daggoochee ikkikkeenaꞌon wuxiyeete. Boonoshiyoo shaasha bede Israꞌeeleenaꞌon wuxiyeete.