Yaasi 8:1 - Kafa Linguistics Project

¹ Aroochee Doono Yeeri Yaasich ishichiye: “Shattaahine; keqqiyaahine; ginechinaꞌo bullin yeshiree keyi, Aayin koye. Aayi taatoon, bi asheenaꞌon, bi katemoonaa bi showoo bullinon ne kishooch beshiyaꞌa immeto taane.

Yaasi 8:1 ပူးပေါင်းရင်းမြစ်များ

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 44:3

Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Erimiyaasi 46:27

“Tunebaani ta guuno Yaaqobo, shattaahine; Israꞌeelo, keqqiyaahine; neen wohoochee, ne yareenaꞌonoo boonoshi keccetoochee gaache wodiyemmo taane. Yaaqobi wotteree kashemmone; diggeree beeyemmone; koniyoona biin shatiyaachemmone.

Erimiyaasi 49:3

“Heshiboni asheenaꞌote! Aayi katemoo happeetoyich biich eefote; Raabi katemeexi maacheenaꞌote! Milikoomi, bi qeesheenaꞌonaa bi ukkireenaꞌona ikkittinoona kecceyemminaꞌo boonoshi tunetoyich eefote; dookoon taheree eefote; uxeree daggooch gaawaagaawebote.

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Maatiyoosi 8:26

Biyoo “Hini, ta toommooch mulloon tooꞌiyaaneenaꞌote, amoyich shattii beetote?” iye. Ebiyee gubb, tiyiꞌi yongoonaa baharee aachi aayonon noggehe; bekkech shashewimiye.

Yibbaatoo 1:21

Ebiyoche, no Nuggishoo Doono Yeeri are showoon nooch immitone. Hamiree, ittoshi qaabbechinaꞌochi Nuggishoo Doono Yeeri ittoshich gettitoommon, are showoon woraashibote. Shattaahote; keqqiyaahote’ iyoye.

Yibbaatoo 31:8

Doono Yeeri ne aafooch shiichemmone; neenna tookkishoo tunemmone. Neen dufaachemmone; neenoo qayaachemmone. Shattaahine; keqqishoo gettaahine” iye.

Yibbaatoo 7:18

Tunebaani boonoshin shattaahine. Ne Nuggishoo Doono Yeeri Gibitsee asheenaꞌo bullinaa boonoshi taatoonochi toommooch bi tuniiton shalligibe.

Yibbaatoo 7:21

Neenna tookkii beeti ne Nuggishoo Doono Yeeri giidechonaa shattiitona tuneti Nuggishoo bi tunetoyich, boonoshin shattaahine.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 10:7

Ebich Yaasinaa bi ginechinaꞌo bullina ginee anaaminaꞌo bullina tookkii, Galigalee kechiyeete.

Yaasi 10:8

Arooba Doono Yeeri Yaasich “Boonoshin shattaahine; boonoshi bullin ne kishooch beshii immeto taane; boonoshi daggoochee neenna koyeree neen wochemmo ikkolla aalloone” iye.

Yaasi 2:24

Boonoshiyoo daakkiꞌi, “Iberoon Doono Yeeri are showoo bullin no kishooch beshiiꞌi immitone; are showooch beeti asheenaꞌo bulli noon shatoochee tiyitona, keqqoona boonoshi muuyon beeggeto noone” iyeete.

Yaasi 6:2

Doono Yeeri Yaasich ishichiye: “Ebeege, Yaarikin bi taatoonaa bi ginee anaaminaꞌona tookkii ne kishooch beshiyaꞌa immeto taane.

Yaasi 7:9

Kanaaneenaꞌonaa hini showee daggeexi asheenaꞌo bullina ishin waayeree noon giichemminaꞌone; noon wuxi aalliyemminaꞌone. Illa ooge ne shigoyicha getiree amooniye ne tuniyemmo?” iye.