Yaasi 7:26 - Kafa Linguistics Project

²⁶ Hanaach beddaahaa bekkeebeeti, ooge xaqqee gutoon aree toommooch gutiyeete. Ebina Doono Yeeri bi kaaree shiixxoochee wottehe. Ebich hanaach beddaahaa, ebi are xaaꞌoo Akoori Bamboo getteehe.

Yaasi 7:26 ပူးပေါင်းရင်းမြစ်များ

2 Saameeli 21:14

Boonoshinoo Saaꞌoolichi shaawushoonaa bi bushoo Yonaataanichi shaawushoona tookkii Biiniyaamee showooch beeti Tselaah, Saaꞌooli nihoo Qiishichi maashee oppooch, taatoo gettitoommon tuniiꞌi duukkiyeete. Aroyee gubb, Yeeri boonoshi showoyich boonoshi qolleti qolloon waayehe.

2 Kiinoo 29:10

Andoo bi kaaree shiixxoo no waanee bi wottemmoyich, Israꞌeelee Nuggishoo Doono Yeerina tookki wogoon gimoyich ta mulloona gabito taane.

Iziri 10:14

Ebich no ukkireenaꞌo, iiteenaꞌo bullichi qoodooch neexebeete; no katemoo bulliich beeti, dallaawe maacheenaꞌon shaaggitinaꞌo bulli boonoshi katemi katemoo bulliichee taajji taajjee aabooba wobeete; boonoshi katemi katemeexi geeneenaꞌonaa nallechinaꞌona boonoshina tookki wobeete. Ebina no toommooch kinditi, no Nuggishoochi kaaree shiixxoo no waanee wokkemmone” iyeete.

Shoddo 85:4

Illa and aafi no beemooch noon wochibe; noon wodiyechi Yeero, no toommeexi ne kaaree shiixxoon wokkiibe.

Keyo 32:12

Gibitseenaꞌo ‘Guudinaꞌo toommoochaa boonoshin wuxiya, showee toommoocheenoo boonoshin ciroona aalliiya gabiiniye, boonoshin bi kichito’ getiree, amoyich geteeta? Kupphe ne kaaroochee wottebe. Ne asheenaꞌo toommooch kindiiya ne gabiti mooyon qaye.

Isiyaasi 40:2

“Bi guuchittinee yemeeno ciiroon, bi axaaxoo maareyoon, Doono Yeer waanee gutte kishoon, bi axaaxee sheeroon bi deꞌon, Yerusaalemich maanjoona getote; biich awaajjibote” iye.

Isiyaasi 65:10

Taan qaawiibeeti ta asheenaꞌoyich, Shaarooni bagee gaddo, Akoori bamboo miiminaꞌo miqqee xaaꞌoo tunemmone.

Shoosho 3:53

Kashoona ta beetaa taan oppooch duppiichii, oppee noonooch xaqqoon keddeheete.

Hosee'i 2:15

Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Yoꞌeeli 2:13

Ittoshi mulloonalli ittoshi tahoon keexxaahote. Ittoshi Nuggishoo Doono Yeer waan wottebote; biyoo maarecho, ariqqecho, kaaroyich nibbecho, wodde shoodecho, sheeroyich nibbechone.

Yoꞌeeli 2:18

Doono Yeeri bi showoyich qanaatehe; bi asheenaꞌonoo ariqqehe.

Yoonaasi 1:15

Aroochee Yoonaasin tiijjiꞌi baharooch duppiyeete. Aachi aayo bekkech shashewimiye.

Zakaariyaasi 6:8

Ebiyee gubb maraakoo “Dambi-waani showooch hammiti haresheenaꞌo Doono Yeeri kaaro aqqemmoyich tuniitinaꞌone” iꞌi ta waan cookiye.

Haddoo 25:8

ebi Israꞌeelee ashoon dabbii duukkaanooch giyiye; giyiꞌi ginoona Israꞌeelee ashoonaa ureenon xaaqqii kochiꞌi wuxiye. Ebina Israꞌeeleenaꞌo waanee naxo tooqqiye.

Yibbaatoo 13:18

Doono Yeeri ebin bi tuniyemmo, hanaach ittoshich ta gettaabeeti, ittoshi Nuggishoo Doono Yeerichi qaaroon waayeꞌi bi geto bullin ceechii ittoshi quyegaata, bi aafoochoo tato tuneti mooyon ittoshi tunii gaatane” iye.

Yaasi 10:27

Aabe giya iyaa, Yaasi ebi taateenaꞌo dubenoon mixoochee kindiiree, aaf boonoshi aasheti gofooch daami boonoshi duppemmoyich bi getaa, daammii duppiyeete. Gofee kelloonoo ogooge xaqqeenaꞌona keppheheete. Ebi xaqqeenaꞌo hanaach beddaahaa arooch beetinaꞌone.

Yaasi 7:24

Yaasinaa Israꞌeeleenaꞌo bullina Zaari yaroochee tuneti Akaanin, birewoon, gaaboon, nuuppheti aachoon, bi anaami bushiisheenaꞌonaa maache bushiisheenaꞌonon, bi miimon, bi kureenaꞌon, bi bageenaꞌonaa bi emmisheenaꞌonon, ebiyoommon bi duukkaanoonaa biicho tuneto bullinon Akoori bambooch daammiyeete.

Yaasi 8:29

Aayi taatoon mixooch yooddiye. Showoo xumemmi wottoon, are mixooch heechiihe. Aabe giyemmona, ebi dubenoon boonoshi kindiyemmoyich Yaasi getaa, kindiiꞌi katemee kellooch duppiyeete. Ooge xaqqee gutoon bi toommooch gutiyeete. Ebi are xaqqee gutoo hanaach beddaahaa arooch beetone.