Yaasi 7:21 - Kafa Linguistics Project

²¹ Kecceti qiiceenaꞌo daggoochee Shinaaree showoochee waati ikke macecikkiti gaaboon, gutte balle sheqeelee birewoonaa aache sheqeelee nuuppheti aachoonon ciinnaꞌa dakiyoye; eboshin daammoye. Ebi qiicoon, birewoon dechiich geddaa ta duukkaanee maac showooch duukkaꞌa aachito taane” iye.

Yaasi 7:21 ပူးပေါင်းရင်းမြစ်များ

Halloo 10:10

Shiichiꞌi bi taateti katemeenaꞌo Shinaaree showooch beeti Baablooni, Ereekinaa Akkaadinane.

Halloo 3:6

Ureyoo ebi michi aafo mamoyich shaawiibeeto, ciinoyich dakiibeeto, ariyoon imoyichoo gaaweto bi tunoon ciinnahan; ebi michi aafoochee daammaa maahan; wotta bi kenoyichoo immahan; aroo maahe.

Halloo 34:27

Ebiyee gubb, echeti Yaaqobi bushiisheenaꞌo boonoshi manee toommooch tuneti, yeelliibeeti mooyoyich nichoon kichoyich qititi asheenaꞌo waan waaꞌi, are katemooch beeti mooyo bullin hokkii daammiyeete.

Halloo 6:2

Yeerichi bushiisheenaꞌo, asheenaꞌochi maache bushiisheenaꞌo mallet gaaweenaꞌo boonoshi tunoon beeggiꞌi, boonoshi shunnii shunnitinaꞌon daammii shaaggiyeete.

2 Saameeli 11:2

Ikke areddoon, showoo womikkoo wotteechaa, Daawiti bi qeenoochee tiyiꞌi taatee kechi toommooch kechiye. Biyoo aroochaa okk hach shaꞌeebee ikke ure bi achoon machaa bi beetaa, beeggiye. Ureyoo oogeton mallet gaawe ureene.

2 Taateenaꞌo 7:8

Ebi qeddee shaddee biiyechinaꞌo kaambooch shaggii, duukkaanoochee ikkooch giyiꞌi maa uchiyeete. Aroochee aachoon, birewoonaa tahoonon tiijjiyeete; daammiinoo aachiyeete. Aroocheenoo wotteꞌi, bare duukkaanooch giyiyeete; wotta aroocheenoo baribare qiiceenaꞌon daammiꞌi aachiyeete.

Iyoobi 31:1

“ ‘Bare gaboona maache busheen ciinaache’ iyaꞌa, ta aafoona tookkaa wogoon giyeto taane.

Shoddo 119:37

Duube mooyon ciinoochee ta aafoon wochibe; ne gibenikkitoommon kashoona taan neechibe.

Keyo 20:17

“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Shaahiyoo 1:19

Bogona gaanneya qiicceebeeti asho bullichi ciiro ebine; ebiyoo bi doonochi kashoon aalliyoone.

Shaahiyoo 23:31

Woyinee uyo, bi ceelloon, burciqoochaa bi waccoon, naalliibee maac bi gimon, ciinnaahine.

Shaahiyoo 28:22

Hiriggecho gaanneya afaafinehe; giroo biin yechemmo bi tunoon ariyaache.

Shaahiyoo 4:23

Kashee tunoo bi tunetoyich, bulli mooyoyee beshiiree ne mulloon quyebe.

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 29:15

Boonoshi yameti yamoon Doono Yeer waanee aachiya qaawii beetinaꞌoyich, “Noon beeggesho konine? No shuunaa beeton ariyesho konine?” getona manderoon deebeꞌi aashoona shuunee beetinaꞌoyich, woowo!

Imbaaqoomi 2:9

Boggii ittoshi deqqiti mooyona ittoshi kexon gaanniiti, gonde mooyo ittoshi toommooch bi shagaachemmoyich, manje kexinaꞌon haggiti, ittoshich woowo!

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Luqaasi 12:2

Qereeto bulli gaxxeyoo, aacheeto bulliyoo aricho echeyaani mooyone.

Efesooni 5:3

Yaafoo tuneti ittoshich tato tuno bi qajjitoyich, yahoonaa eeꞌe mooyo bullina woyee hiriggoo ittoshi daggooch bi beemo ciroona waayeyaaye.

Efesooni 5:5

Ebin ariibote: Shunimaayo woyee eeꞌe shuunecho woyee hiriggecho Kiristoosinaa Yeerinochi taatittinee daggooch iristoon daneyaachemmone; hiriggoo shahalloyich goyinnoommone.

Yibbaatoo 7:25

Boonoshi shahalloon qaaqqoona michibe. Ne Nuggishoo Doono Yeer waanaa ciigeeto bi tunetoyich, boonoshi toommooch beeti birewoon woyee aachoon qaatiyaahine. Ebi aroona ne olleyaachemmoyich deqqaahine.

Qolaasiyaasi 3:5

Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Yaaqobi 1:15

Aroyee gubb ebi uroochi gonde qaatoo yeqqefeꞌi axaaxoon shiyihe; axaaxoo diccii oogeꞌi qitoon shiyihe.

Yaasi 7:20

Akaaniyoo wochiꞌi Yaasich ishichiye: “Iberoone, Israꞌeelee Nuggishoo Doono Yeerin xuqqeto taane. Ta tuniito ebine:

Yaasi 7:22

Ebiyooba Yaasi wocheyechinaꞌon wochee daachiihe. Boonoshiyoo Akaani duukkaanooch wocciyeete. Aroochoo birewoo dechiich tuniichaa, qiico duukketon daneheete.

2 Pheexiroosi 2:15

Kaame gommon qajjiꞌi muriccitinaꞌone; Beꞌoorichi bushoo Balaamichi gommon dabbitinaꞌone. Biyoo gondoon shuunoona daneebeeti gijjoon qaatiye.