Yaasi 6:6 - Kafa Linguistics Project

⁶ Ebich Nuuni bushoo Yaasi qeesheenaꞌon ceeggiꞌi, “Wogee taabootoon shaagote; shabaatte qeesheenaꞌo shabaatte tiroon yeshiree, Doono Yeerichi taabootee aafooch shiichibeete” iye.

Yaasi 6:6 ပူးပေါင်းရင်းမြစ်များ

Keyo 25:14

Taabootoo shaaggeyemmoyich, ebi yareenaꞌon taabootee naabooch geddeti qalibeteenaꞌochi aahoona beshiiree giijjibe.

Mishiraachechinaꞌo 9:1

Ebichi daggooch Sawuli “Boonoshin wuxi ciichemmo taane” iꞌi, Doono Yesuusichi dabbeenaꞌo toommooch daakkii miicheebee, qeeshee guudo waan hammiye.

Yaasi 24:11

“ ‘Aroochee Yoordaanoosin kimmiꞌi, Yaarika waahote. Yaariki asheenaꞌo ittoshina koyeheete. Aree hillooch Amooreenaꞌo, Ferizeenaꞌo, Kanaaneenaꞌo, Hiteenaꞌo, Girigaasheenaꞌo, Hiweenaꞌonaa Yebuseenaꞌona ittoshina koyeheete; tunebaani boonoshin ittoshi kishooch immehoye.

Yaasi 3:3

asheenaꞌoyich ishichiyeete: “Qeesheenaꞌo tuneti Leweenaꞌo ittoshi Nuggishoo Doono Yeerichi wogee taabootoon boonoshi shaagaa ittoshi beegiyooba, ittoshi kaamboon happi, hini xaaꞌoochee tiyiree, taabootoon dabbibote.

Yaasi 3:6

Ebichi hillooch Yaasi qeesheenaꞌoyich, “Wogee taabootoon shaagiree, asheenaꞌoyee shiichi aaf beshebote” iye. Boonoshiyoo wogee taabootoon shaaggiꞌi, asheenaꞌoyee aaf shiichii qaxiriyeete.

Yaasi 6:13

Shabaatte qeesheenaꞌo shabaatte tiroon yechiꞌi, Doono Yeerichi taabootee aaf hammiibee, tiroon kuxaanoon huggii beeheete. Eboshin shiichiti ginee naayinaꞌo qaxirii beetaa, gubbaa deebo tuneti ginee naayinaꞌo wotta Doono Yeerichi taabootoon dabbii beeheete. Tiroo kuxaanoon hukkee beehe.

Yaasi 6:5

Aroochee ikke wottoon tiroo kuxaanoon hukketaa ittoshi waayehooba, bekkech ginee naayinaꞌo bulli oogeti qaaroona bunnebeete. Arooba katemee xaqqee uxeroo gugummii dihemmone; ginee naayinaꞌoo boonoshi ikkikkoona keyiree, boonoshi neexetoochaa maac yixi gibeete” iye.

Yaasi 6:7

Ginee naayinaꞌonoo “Tiyiree hambote; katemoon guudote. Ittoshi daggoochee qatinaꞌo Doono Yeerichi taabootoyee shiichi aaf hambeete” iye.

Yaasi 6:8

Yaasi gettitoommon, shabaatte qeesheenaꞌo Doono Yeeri aafooch shabaatte tiroon yechiꞌi huggiibee, aaf shiichiyeete. Doono Yeerichi wogee taabootoo boonoshi hillooch dabbiye.

1 Saameeli 4:3

Echeti Israꞌeelee ginee naayinaꞌo kaambooch boonoshi wottemmona, Israꞌeeleenaꞌon qeejjiibeeti geeneenaꞌo ishichiyeete: “Doono Yeeri noon Filsixeemeenaꞌo kishooch bi duppito, amoyichiye? Noonna tookki bi hammemmonaa no etteenaꞌo kishoochee noon bi wodiyemmonoyich, Doono Yeerichi wogee taabootoon Shiloohee deebone” iyeete.