Yaasi 6:4 - Kafa Linguistics Project

⁴ Shabaatte qeesheenaꞌo bagee baaddoochi qaroochee shuuneeti shabaatte tiroon (waaringoon) yeshiree, taabootee aafooch hambeete. Shabaattinnee qemooba, qeesheenaꞌo tiroon hugi beetaa, katemoon shabaatte wottoon guudote.

Yaasi 6:4 ပူးပေါင်းရင်းမြစ်များ

Halloo 2:3

Yeeri halliya bi iton hallii ciichiꞌi, shuunoo bulliichee arooba bi kashetoyich, shabaattinnee qemon diiriꞌi yaafiye.

1 Taateenaꞌo 18:43

Bi aafee bushoyich, “Hamiree baharo waan ciine” iye. Bi aafee bushoo hammii ciinniꞌi, “Arooch amolla aalloone” iye. Eliyaasiyoo hami bi beeggemmoyich shabaatte wottoon wochehe.

2 Taateenaꞌo 5:10

Elisayiyoo, “Hamiree Yoordaanoosi aacoochaa shabaatte wottoon machebe; ne biiyoochee wodemmo neene; newoo xallemmo neene” iꞌi bi waan wocheyechon daachiihe.

2 Taateenaꞌo 5:14

Ebich Naꞌimaani Yoordaanoosi aacooch kindiye. Doono Yeer asho gettitoommon, shabaatte wottoon aacooch giyii kechiye. Bi qeddo wodiꞌi gaggere bushoochi qeddoon shaahiye; xalleenoo iye.

2 Kiinoo 13:12

Yeeri noonna tookkiiniye; noonoo yaabii beetone. Qeesheenaꞌoo boonoshi ginee tiroon hugi ittoshi toommooch timoyich noonna tookkii beetinaꞌone. Israꞌeeleenaꞌote, ittoshi qaabbechinaꞌochi Nuggishoo Doono Yeerina tookki koyeyaahote; ittoshich kaameyaachemmone” iye.

2 Kiinoo 20:17

Hini koyoon koyemmo ittoshi toonoone; ittoshi xaaꞌi xaaꞌoon yeshiree baach neexebote; manji neexebote. Doono Yeeri ta, wudoon ittoshich ta daniyoon beeggemmo ittoshine. Yihudee asheenaꞌonaa Yerusaalemi asheenaꞌonote, shati keqqiyaahote; yaach hamiree boonoshina koyebote. Doono Yeeri tawoo ittoshina tookki tunemmo taane’ itone” iye.

2 Kiinoo 20:19

Qohaatichi yareenaꞌonaa Qoraahichi yareenaꞌona tuneti Leweenaꞌo tiyii neexeechii, boonoshi qaaroon oogichiꞌi Israꞌeelee Nuggishoo Doono Yeerin galleteheete.

2 Kiinoo 20:21

Biyoo asheenaꞌona tookkii echeeꞌi, yaafeeti tahoon taheꞌi Doono Yeeri aafooch shoddeebeeti shoddechinaꞌon, “Bulli yemeenoon shoodecho bi tunetoyich, Doono Yeerin galletebote” getibee, bi ginee naayinaꞌo aafooch boonoshi hammemmoyich gettiye.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Leweenaꞌo 14:16

bi kishee madooch beeti zayitooch bi qanne kishee yapheroon haciree, Doono Yeeri ta aafoochaa shabaatte wottoon wucibe.

Leweenaꞌo 4:6

Bi kishee yapheroon damooch haciree, Doono Yeeri ta aafooch, Yaafe Xaaꞌeexi Yaafee maccillaatee maachi ciinooch shabaatte wottoon wucibe.

Zakaariyaasi 4:2

Aroocheenoo taan “Amooniye ne ciinnaabeeto?” iye. Tawoo “Bi hullimallo aachoo tuneti maqirajjooniye ta ciinnaabeeto; zayitee qullo bi toommooch beetone; shabaatte ceecheenaꞌoo biich beetinaꞌone; ceecheenaꞌo boonoshi ikkikkoyich woshiqoo giyemmi shabaatte aaheenaꞌo beetinaꞌone.

Zakaariyaasi 4:6

Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.

Haddoo 23:1

Balaamiyoo Balaaqich ishichiye: “Shabaatte deejjee gudoon taach hiniich shuunebe. Shabaatte wuronaa shabaatte bagee baaddoonon taach hiniich qanniibe” iye.

Yaasi 6:13

Shabaatte qeesheenaꞌo shabaatte tiroon yechiꞌi, Doono Yeerichi taabootee aaf hammiibee, tiroon kuxaanoon huggii beeheete. Eboshin shiichiti ginee naayinaꞌo qaxirii beetaa, gubbaa deebo tuneti ginee naayinaꞌo wotta Doono Yeerichi taabootoon dabbii beeheete. Tiroo kuxaanoon hukkee beehe.

Yaasi 6:3

Katemoon neennaa ne ginee naayinaꞌona heeyooch ikke wottoon guudote; eechibee shiritte qemon tuniibote.

Yaasi 6:5

Aroochee ikke wottoon tiroo kuxaanoon hukketaa ittoshi waayehooba, bekkech ginee naayinaꞌo bulli oogeti qaaroona bunnebeete. Arooba katemee xaqqee uxeroo gugummii dihemmone; ginee naayinaꞌoo boonoshi ikkikkoona keyiree, boonoshi neexetoochaa maac yixi gibeete” iye.

Yaaꞌoo 1:20

Ta qanne kishooch ne beeggeti shabaatte xojjenoonaa aachoochee shuuneeti shabaatte maqirajjoonochi maacee mooyo ebine: Shabaatte xojjeneenaꞌo geto, shabaatte kittinnee guuphinaꞌochi maraakeenaꞌone; shabaatte maqirajjeenaꞌo geto wotta, shabaatte kittinnee guuphinaꞌo getone.

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,

Yaaꞌoo 10:3

Daaheroochoommon oogeti qaaroona ciddiye; bi ciddimmona, shabaatte xeeyo xeejjiye.

Yaaꞌoo 15:1

Wotta bare worganikkiti ooge malletoon shimaayooch beeggeho. Yeerichi kaaree shiixxoo eboshina ceennemmi ciireexi shabaatte naxeenaꞌon yechiti shabaatte maraakeenaꞌo bekkeheete.

Yaaꞌoo 15:7

Kashechi awudde halleenaꞌo daggoochee ikkoo bulli yemeenoon beeyechi Yeerichi kaaree shiixxoo ceenniti shabaatte aachee xoofeenaꞌon shabaatte maraakeenaꞌoyich immiye.

Yaaꞌoo 16:1

Aroyee gubb shabaatte maraakeenaꞌoyich “Hamiree Yeerichi kaaree shiixxoo ceenniti shabaatte xoofeenaꞌon showee toommooch ukkibote” immi ooge qaaro yaafee kexoochaa getaa waayeho.

Yaaꞌoo 5:1

Aroyee gubb taatee qeechi toommooch kotetochi qanne kishooch maacinaa maachina kooreeti, qoddeti macaafoon beeggeho; aroo shabaatte maatemoona nashaa dooggitone.

Yaaꞌoo 5:6

Taatee qeeno dagg beetaa, bi guudoona kashechi awudde halleenaꞌo beetaa, boonoshi guudoona geeneenaꞌo beeti gutte daggooch guureetoommi Bago neexeꞌi beeton beeggeho; shabaatte qaroonaa shabaatte aafoona biich beetone; ebi shabaatte aafo showoo bulliich wocheeti, Yeerich maddeebeeti shabaatte ayaaneenaꞌone.

Yaaꞌoo 8:2

Aroochee Yeeri aafooch neexeebeeti shabaatte maraakeenaꞌon beeggeho; shabaatte tiroo boonoshich ichehe.

Yaaꞌoo 8:6

Aroyee gubb shabaatte tiroon yechiti shabaatte maraakeenaꞌo tiroon hugga qanniyeete.