Yaasi 6:23 - Kafa Linguistics Project

²³ Ebich ebi are gutte gurimaashe qiiddechinaꞌo giyiꞌi, Rahaabin, bi nihoonaa bi indeenon, anaami bi maneenaꞌonaa biicho tuneto bullinon aroochee kichiyeete. Bi kechi asheenaꞌo bullin kichiꞌi Israꞌeeleenaꞌochi kaamboyee maach tuniiheete.

Yaasi 6:23 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 18:24

Aache cadiqe asheenaꞌo ebi katemee daggooch danegaatoche? Ebi katemooch beeti aache cadiqe asheenaꞌoyicha getiree are katemoon maaraanoon iberoon bullin hidi aalliyenne?

Halloo 19:29

Eechiꞌi Yeeri ebi Yoordaanoosi bakkooch beeti katemeenaꞌon bi aalliihooba, Abrahamin gabiye. Looxi beebee echeti katemoon hidii bi aalliihooba, ebi are naxoochee Looxin kichiye.

Haddoo 31:19

“Ittoshi daggoochee ashoon wuxito woyee dubenoon yechito bulli shabaatte qemon kaamboyee maach kotebe. Keejjinnee qemoobinaa shabaattinnee qemoobinon ittoshi qelloonaa keceenaꞌonon xalliibote.

Mishiraachechinaꞌo 10:28

Biyoo boonoshich ishichiye: “Ayihudeenaꞌo Aageteenaꞌona tookkii ikkotto woyee boonoshi kexooch gimo Muusichi Sheeree shaaddoo tunoon ariibeeto ittoshine. Tunebaani asho koninolla ‘Yaafoo tuneyaanoone; eeꞌoone’ ta getaachemmoyich Yeeri taach shiichiꞌi bekkiitone.

Mishiraachechinaꞌo 27:24

‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye.

1 Qorontoosi 5:12

Kittinnoo tuneyaani asheenaꞌo toommooch nallemmo ta toonoone; areenaꞌo toommooch nallemmo Yeerine. Tunebaani kittinneenaꞌo daggoochee gondoon shuunee beetinaꞌo toommooch nallaachemmo ittoshine? Yaafe Macaafooch bi kooreetoommon, “Ebiyoommi gonde ashoon ittoshi daggoochee wokkiibote.”

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.

Hibireena'o 11:31

Yahechi Rahaabi mulloon Yeeri toommooch tooꞌiiꞌa, Yaariki katemoon qiidi (maaci) boonoshi beeggemmoyich, Israꞌeeleenaꞌo waanee wochetaa waati asheenaꞌon diggoona bi kexooch bi iibbiitoyich, Yeerich deꞌa getaani Yaariki asheenaꞌona tookkaa aalleyaaneene.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

Yaasi 2:13

Ta nihoonaa ta indeenon, ta maneenaꞌon, ebiyoommon boonoshicho tuneto bullinoo wodiibote. No bulliyoo kashoona no beeyemmoyich tuniibote” iyan.

Woraaferasheenaꞌo 1:25

Biyoo katemee kelloon boonoshich bekkiihe. Boonoshiyoo hini are uroonaa bi kechi asheenaꞌonoyee besh, are katemooch beeti asheenaꞌo bullin goraadoona ciichiyeete.