Yaasi 6:19 - Kafa Linguistics Project

¹⁹ Aachoo, birewoo, gooshoonaa xuuroonoochee shuuneeti qiico bulli Doono Yeerich yaafeeto bi tunetoyich, Doono Yeerichi kechi ginjabeetooch gedote” iye.

Yaasi 6:19 ပူးပေါင်းရင်းမြစ်များ

2 Saameeli 8:11

Taatoo Daawiti ebi qiiceenaꞌon, shiichiꞌi kochii bi wochiti asheenaꞌo showoochee bi daneti aachoonaa birewoona tookkii Doono Yeerich kichiye.

1 Taateenaꞌo 14:26

Doono Yeerichi yaafee kexonaa taatee kexonooch beeti aaxxi qiico bullin daammiye; Solomooni shuuneti aachee gaacheenaꞌooch beddaahaa bulli mooyon daammiye.

1 Taateenaꞌo 7:51

Ebiyoommi gommona Solomooni Doono Yeerichi yaafee kexooch bi shuuneti shuunoo bulli ciirehe. Biyoo bi nihoo Daawiti Doono Yeerich kichiti birewoon, aachoonaa qiico bullinon deebiꞌi yaafee kechi ginjabeetooch kotiihe.

2 Taateenaꞌo 24:13

Taatee kexonaa yaafee kexonooch beeti gaanno bullin Baabloonee showooch daammiye. Shiichiꞌi Doono Yeeri gettiti qaaroommon, Doono Yeerichi yaafee kexooch beeti, ebiyoo taatoo Solomooni shuuniiti aachee qiico bullin daammiye.

1 Kiinoo 18:11

Taatoo Daawiti Edoomeenaꞌochi, Moꞌabeenaꞌochi, Amooneenaꞌochi, Filsixeemeenaꞌonaa Amaleeqeenaꞌonochi taatoo bulli waanee bi kecciti aachoonaa birewoona tookkii ebi qiiceenaꞌon wotta Doono Yeerich kichiye.

1 Kiinoo 26:20

Leweenaꞌo daggoochee Akiyi, Nuggishoo Yeerichi yaafee kechi ginjabeetoonaa yaafeeti qiiceenaꞌo koteebeeti kexinaꞌonooch ukkiroone.

1 Kiinoo 26:26

Shelomotinaa bi maneenaꞌona, taatoo Daawiti, yaree ukkireenaꞌo, humee iraasheenaꞌo, ballee iraasheenaꞌonaa bi ginee iraasheenaꞌona kichiꞌi giddiiti yaafeeti qiiceenaꞌochi ukkireenaꞌone.

1 Kiinoo 26:27

Koyoochee daneti kecoochee qaton, Doono Yeerichi yaafee kexon andiriyoyich kichiyeete.

1 Kiinoo 26:28

Yaaꞌechi Saameeli, Qiishi bushoo Saaꞌooli, Neeri bushoo Abeneerinaa Tseruuyi bushoo Yoꞌaabina kichiti yaafee kechi qiico bulli beeto Shelomotinaa bi maneenaꞌonochi kishoochiye.

1 Kiinoo 28:12

Wotta Doono Yeerichi yaafee kechi addibaaboonaa bi guudoona beeti gato bullina, Yeerichi yaafee kechi qiicoonaa Yeerich kechiti mooyinaꞌonochi ginjabeeteenaꞌo shuuneyemmoyich bi gabiti yamoon immiye.

2 Kiinoo 15:18

Bi nihoonaa biinna kichiti qiicoon, ebiyoo aachoon, birewoonaa baribare qiicoonon deebiꞌi Yeerichi kexooch giijjiye.

2 Kiinoo 31:12

Aroochee maayi buuroon, asraatoonaa Yeerich kechiti wojjeenaꞌonon gibeneyoona deebiꞌi arooch geddiyeete. Lewoo Konaniyi ebi qiiceenaꞌo toommooch ukkirehe. Bi manoo Shimeꞌiyoo ukkirittinoona biyee guttinnoone.

Nehimi 10:38

Leweenaꞌo ebi asraatoon boonoshi deqqii beegaata, Harooni yaroochee tuneti qeeshoo boonoshina tookki beebe. Leweenaꞌo ebi asraatoochee wotta asraatoon kichiree, no Nuggishoochi kechi qiicee kexooch deebeete.

Erimiyaasi 38:11

Ebina Ebeedmeleeki asheenaꞌon biinna tookkii yechii taatee kechi qiicee kexoyee desh beeti gatooch hammiye; aroochee geene butoonaa kuxe tahoonon deebiye; ebinoo woderoona Erimiyaasich oppooch daachiihe.

Leweenaꞌo 19:24

Awuddinnee natooba, ebi michi aafo bulli Doono Yeeri taach yaafeeti galletee deejjoo tunebe.

Mikiyaasi 4:13

Doono Yeeri ishichiye: “Yerusaalemi asheenaꞌote, tiyiree ittoshi etteenaꞌon maayo bushoommon bushote! Bi qaro xuuroo, bi shanekkoo gooshoo tuneti gattoochoommon ittoshin kupphiyemmo taane; meeti aageteenaꞌon yiikkemmo ittoshine; ashoon xuꞌona boonoshi kiciti boonoshi gaannoon showoo bullichi Doono tuneti Doono Yeeri taach giddiyemmo ittoshine” iye.

Haddoo 31:11

Boonoshi kecciti ashoonaa gijjoona bullin yechiꞌi,

Haddoo 31:12

Muusi, qeeshoo Elazaarinaa Israꞌeelee iitoona beetooch, Yoordaanoosi aachi gashooch, Yaariki katemee ciinooch beeti Moꞌabi gaddeexi kaambooch deebiyeete.

Haddoo 31:22

Qaaqqoona miccii aalloon hakkaani aachoon, birewoon, gooshoon, xuuroon, shombeqoonaa budoonon qaaqqoona xalliibote. Ebina xallemmone. Tunebaani wotta xalliyee aacona xalliyoo qaawiihe. Qaaqqoon hakkaani mooyon xalliyee aacona baach xalliibote.

Maatiyoosi 27:6

Aroyee gubb qeeshee ukkireenaꞌo birewoon tiijjiꞌi, “Kashee gatiyoone; ebich no sheeroo yaafee kechi gijjee daggooch no baccemmoyich daaggaache” iyeete.

Maariqoosi 12:41

Yesuusi yaafee kechi daggooch gijjoo kiceebeeti qiicee aafooch koteechii, asheenaꞌo qiicee daggooch gijjoon boonoshi duppii beetaa ciinnii beehe. Meeti gaannechinaꞌo woddoon duppiyeete.

Yaasi 7:11

Israꞌeeleenaꞌo xuqqitinaꞌone; boonoshi quyemmoyich ta getteti ta wogoon shaaddetinaꞌone. Timeeti mooyon tiijjii daammitinaꞌone; gaajjitinaꞌone; koottitinaꞌone; eboshin boonoshi hajjee qiiceenaꞌona tookkii baccitinaꞌone; koottiinoo itinaꞌone.