Yaasi 6:17 - Kafa Linguistics Project

¹⁷ Katemoonaa bi daggooch beeto bullina Doono Yeerich yaafeeto bi tunetoyich, ciroona aalliibote; no wochetaa hammiti qiiddechinaꞌon bi aachitoyich, yahechi Rahaabinaa biinna tookkii bi kexooch beetinaꞌona baach echebeete.

Yaasi 6:17 ပူးပေါင်းရင်းမြစ်များ

Halloo 12:3

Neen diirimmon diiremmo taane; neen uppimmon uppemmo taane; showee toommooch beeti ashi yareenaꞌo bulli neenna diireyemminaꞌone” iye.

Isiyaasi 34:6

Doono Yeeri Botsiraa deejjoon, Edoomaa oogeti meechi bashoon bi qanniitoyich, Doono Yeerichi goraado damoona muureetone; awuyonoo michitone. Deejjee bagee baaddoonaa emmishoonochi damoon, ooge bagee baaddoochi yeyitee awuyonoo michitone.

Erimiyaasi 46:10

Ebi aabo Beshe Mawe Nuggishoo Doono Yeeri aaboone; bi etteenaꞌo toommooch nichoon bi gaaccemmi aaboone. Bi goraado bi michimmi wottoon maayemmone; bi shachewoo tooqqimmi wottoon damoon uchemmone. Ebiyoo Beshe Mawe Nuggishoo Doono Yeeri dambi-waan, Efiraaxisee aachi gashooch deejjoon deejjemmo bi tunetoyichiye.

Hiziqeeli 39:17

“Ashi bushoocho, shimaajji gaco bullinaa kubbi cooxonoyich ishichibe: ‘Israꞌeelee guudinaꞌoochaa ittoshich ta qanniiti ooge deejjee gifirooch, meenon mamonaa damoon uyonoyich bulli xaaꞌoochee kiceeree wobote.

Leweenaꞌo 27:21

Tunebaani showoo Yobeelee natooba bi gawukkeehooba, Doono Yeeri taach yaafeebe; taachoo gawukkeebe; qeesheenaꞌo showoo tunebe.

Mikiyaasi 4:13

Doono Yeeri ishichiye: “Yerusaalemi asheenaꞌote, tiyiree ittoshi etteenaꞌon maayo bushoommon bushote! Bi qaro xuuroo, bi shanekkoo gooshoo tuneti gattoochoommon ittoshin kupphiyemmo taane; meeti aageteenaꞌon yiikkemmo ittoshine; ashoon xuꞌona boonoshi kiciti boonoshi gaannoon showoo bullichi Doono tuneti Doono Yeeri taach giddiyemmo ittoshine” iye.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

1 Qorontoosi 16:22

Doono Yesuusin shunaano koniyoona bi beegaata, aroo uppeto tunebe! No Doonocho, kaate wotteree wobe!

1 Qorontoosi 2:7

Hini shalligoo Yeerichi maacee mooyone; Yeeri yemeeno bulliyee aaf “Hini shalligoona oogee yiiroon boonoshich immemmo taane” iꞌi nooch gabiꞌi bi kotiiti yemeenoochee tiijjiꞌi hanaach beddaahaa, aacheeti mooyone.

Galaati 3:10

“Sheeroon ceechii no quyoona wodemmo noone” iꞌi gibenee beetinaꞌo uppeꞌiniye boonoshi beeto. Ebiyoo, “Muusichi Sheeree macaafooch kooreeti sheereenaꞌo bullin ceechii quyeyaano bulli uppetone” getaa bi kooreetoyichiye.

Galaati 3:12

Sheeroon quyo Yeeri toommooch mullee tooꞌiyoona daneebeeto toonoone. “Asho sheerooch kooreeto bullin ceechii bi quyegaata kashecho tuneree beeyemmone” getaa kooreetone.

Yibbaatoo 20:17

Ne Nuggishoo Doono Yeeri neech bi gettitoommon, Hiteenaꞌon, Amooreenaꞌon, Kanaaneenaꞌon, Ferizeenaꞌon, Hiweenaꞌonaa Yebuseenaꞌonon ciroona hidi aalliibe.

Hibireena'o 11:31

Yahechi Rahaabi mulloon Yeeri toommooch tooꞌiiꞌa, Yaariki katemoon qiidi (maaci) boonoshi beeggemmoyich, Israꞌeeleenaꞌo waanee wochetaa waati asheenaꞌon diggoona bi kexooch bi iibbiitoyich, Yeerich deꞌa getaani Yaariki asheenaꞌona tookkaa aalleyaaneene.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

Yaaqobi 2:25

Ebiyoommon wotta yahechi Rahaabi Yaasi wocheti asheenaꞌon bi kexooch giijjaa aachaꞌa, bare gommona boonoshi muriccemmoyich bi gaachehooba, bi shuuneti shuunoona cadiqitine.

Yaasi 2:1

Aroochee Nuuni bushoo Yaasi “Hami, Kanaanee showoon aashoona qiidote. Bulliyee beshoon Yaarikin qiidote” iꞌi, Shixiimee gutte qiiddechinaꞌon wochee daachiihe. Boonoshiyoo hammii shaggiꞌi, Rahaabi getteebeeti yahechi ure kexooch qeya giyiyeete.

Yaasi 2:22

Boonoshiyoo kechii, geppoo beetooch hammiyeete. Boonoshin yecha qaawii hammiti asheenaꞌo gommo bulliich qaawii mucceꞌi boonoshi wottemmi wottoon, keejje qemon arooch aasheheete.

Yaasi 7:1

Tunebaani timeeti mooyon aalliyoo qayona Israꞌeeleenaꞌo Doono Yeerich gibeneyoon qajjiyeete. Yihudi yoodoochee tuneti, Zaari bushoo, Zabidi bushoo, Karimi bushoo Akaani timeeti mooyoochee bi daammitoyich, Doono Yeeri kaaro Israꞌeeleenaꞌo toommooch aaxxehe.

1 Saameeli 15:3

And hamiree Amaleeqeenaꞌon koye; boonoshich beeti mooyo bullin ciroona aalliibe; koninolla echiyaahine; anaamon, maacheen, bushoonaa gaggeroonon wuxibe; wotta boonoshi gattoon, bagoonaa emmishoonon, gaaleenaa kuroonon wuxibe’ itone” iye.

1 Saameeli 15:6

Saaꞌooliyoo Qeeneenaꞌoyich ishichiye: “Ittoshi Israꞌeeleenaꞌo Gibitsee keyiyooba, boonoshich deꞌe mooyon tuniito ittoshine. Amaleeqeenaꞌo waanee wohote. Ebi tuno qayigaata, boonoshina tookki ittoshin aalliyemmo taane” iye. Ebich Qeeneenaꞌo Amaleeqeenaꞌo waanee wokkiyeete.