Yaasi 5:5 - Kafa Linguistics Project

⁵ Boonoshi keyoyee aaf anaaminaꞌo bulli dokireetinaꞌone; tunebaani Gibitsee boonoshi kechitoyee gubb, gommooch boonoshi beetaa, barahoochaa shiijjetinaꞌo bulli dokireyaaneenaꞌone.

Yaasi 5:5 ပူးပေါင်းရင်းမြစ်များ

Maatiyoosi 12:7

Wotta Yeeri ‘Deejjoyee ariqqoon shunnoye’ bi ito ama geto gaata bi tunoon ittoshi ariito gaata, axaaxoon shuuneyaaneenaꞌo toommooch nallaachesho ittoshine.

Roomi 2:26

Illa dokireyaani aagetee asho Muusichi Sheerooch kooreeton ceechii bi quyegaata, dokireeti Ayihudee ashoommon tuniiree Yeeri ciinaachehe?

1 Qorontoosi 7:19

Yeerichi getoon ceechoani besho, dokireyoo woyee dokireyee qayo bi hallemmi mooyo aalloone.

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Galaati 6:15

Kiristoos Yesuusina andire halloon tunoani, dokireyoo woyee dokireyee qayo gaaccemmo toonoone.

Yaasi 5:4

Yaasi Israꞌeeleenaꞌon dokiriti naboo ebine: Ginee koyoyich bedditi anaaminaꞌo bulli Gibitsee boonoshi kechitoyee gubb, barahoochaa qititinaꞌone.

Yaasi 5:6

Gibitsee kechiti, ginee koyoyich bedditi anaaminaꞌo bulli Doono Yeerich deꞌa getaaneenaꞌo boonoshi tunetoyich, eboshi qitii ciiremmi wottoon, Israꞌeeleenaꞌo barahooch aabbe naton qaxirii beeheete. Ebiyoo Doono Yeeri nooch imma boonoshi qaabbechinaꞌoyich wogoon bi giyiti, ejjoonaa eeyona xuupphiibeeti showoon boonoshi beegaachemmoyich, bi wogetoyichiye.