Yaasi 5:14 - Kafa Linguistics Project

¹⁴ Uroo “Toonoo taane; and ta waato, Doono Yeerichi ginee iraashoo tunaꞌaaniye” ii wochiye. Yaasiyoo baroona guufee goyinneꞌi, “Ta Doono ta tuniyemmoyich, bi guuno taach bi gettemmi mooyo, amoone?” iye.

Yaasi 5:14 ပူးပေါင်းရင်းမြစ်များ

Halloo 17:17

Arooba Abrahami bi baroona showooch guufehe; miicciibee bi mulloona ishichii gabiye: “Iberoon balle nati asho bushoon shiyehe? Yixena natteti Saariyoo shimon hakkehane?” iye.

Halloo 17:3

Abraamiyoo bi baroona showooch guufehe. Yeeriyoo biich ishichiye:

2 Saameeli 7:19

Nuggishoo Doono Yeero, ebi ne tuniiti mooyo, ne aafoochaa giisheche mooyon tuneꞌi bekkehe; gubb woyemmi ta shiijjereenaꞌochon gibenikkihine. Nuggishoo Doono Yeero, halla ashich ebiyoommi mooyon tuniyaabeeto neene?

2 Saameeli 7:20

Nuggishoo Doono Yeero, ne guuno taan ariyaabeeto ne tunetoyich, illa ebiyee beshe amoon neech geton hakkehote.

Shoddo 110:1

Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

Shoddo 24:10

Ebi oogechi Taatoo konine? Beshe Mawe Doono Yeerine; aroo oogechi Taatoone.

Keyo 4:10

Muusiyoo Doono Yeerich ishichiye: “Ta Doonocho, aaf tuneba ne guuno taanna tookkaa ne yibbaatetoyee gubb, andoo yibbaatoon hakkechi asho toono taane. Eciya tippo, yibbaatoonoo hakkaani asho taane” iye.

Keyo 4:13

Tunebaani Muusi “Ta Doonocho, bare ashoon wochebe” iye.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Isiyaasi 6:8

Aroochee Doonochi qaaro, “Konin wochebote? Konine nooch hammemmo?” ii bi beetaa waayeho. Tawoo “Taan wochebe; ta hammemmo taane” iyo.

Hiziqeeli 3:23

Tawoo tiyaꞌa are yimaane showooch hammo; ebiyoche Kebaari aachi gashoochaa ta beeggeti oogee yiiroommi Doono Yeerichi oogee yiiroo arooch neexeꞌi beete; tawoo baroona showooch guufeho.

Daaneeli 10:13

Tunebaani Faariisee showoon quyeebeeti maraakoo hiyaa ikke qemi wottoon ta gommon hicciꞌi bajjiye. Faariisee showooch ta ikkeeto echetoyich, maraakeenaꞌochi iraasheenaꞌoochee ikkoo tuneti Mikaꞌeeli waaꞌi taan gaachehe; tawoo biin Faariisee taatoona tookkii arooch qajjeho.

Daaneeli 12:1

“Arooba ne asheenaꞌon quyeebeeti, giidechi maraakoo Mikaꞌeeli tiyemmone. Aroochee ne asheenaꞌo ikke aagetoon boonoshi tunetoochee tiijjiꞌi, tunee ariyaani xuuxee yemeeno tunemmone. Tunebaani arooba boonoshi shigo macaafooch kooree daneti ne asheenaꞌo bulli wodemminaꞌone.

Daaneeli 8:11

Shimaayeexi ginee iraashoo tuneti Yeerina tookkii bi tatemmi wottoon bi qelloon oogiihe; Yeerich qemi qemona micciibeeti deejjoon echiihe; yaafee kexonoo eeꞌiihe.

Leweenaꞌo 9:24

Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Haddoo 16:45

“Boonoshi bullin ikke wottoona ta aalliyemmoyich, hini iiteenaꞌo daggoochee ikibote” iye. Boonoshiyoo baroona guufeheete.

Haddoo 22:31

Doono Yeeriyoo Balaami aafoon qechaa, goraadoon kaaccii yechiꞌi gommooch neexeebeeti maraakoon beeggiye. Ebi maraakoyichoo yittii, baroona showooch guufehe.

Maatiyoosi 22:44

‘Doono Yeeriyoo ta Doonon, “Ne etteenaꞌon ne baatee dechiich ta dichimmi wottoon ta qannooch kotebe” itone’ iye.

Maatiyoosi 8:2

Arooba qeddee shaddee biiyechi ikke uro bi waan giddeꞌi, “Ta Doonocho, ne daaggigaata, taan wodiyoon hakkihine” iibee goyinnehe.

Luqaasi 20:42

Daawiti bi qelloona Shoddee Macaafoochaa: ‘Doono Yeeriyoo ta Doonon, “Ne etteenaꞌon ne baatee dechiich ta tuniimmi wottoon ta qannooch kotebe” itone’ iye.

Luqaasi 5:12

Yesuusi ikke katemooch bi beetaa, bi ashittino bullin qeddee shaddee biiyoona biiyeti ikke uro hini are katemooch beehe. Biyoo Yesuusin beeggiꞌi bi baroona guufeechii, “Ta Doonocho, ne daaggigaata, taan wodiyoon hakkihine” iꞌi qollehe.

Yowannisi 20:28

Toomaasi “Ta Doonocho, ta Nuggishoocho!” iꞌi wochiye.

Mishiraachechinaꞌo 9:6

And tiyiree katemooch gibe; ne tuniyemmo neech getteyemmone” iye.

Filipphisiyoosi 3:8

Ebi ikkeeto tuneyaanoon, bulliyee beshiton danoyich, ebiyoo Kiristoos Yesuusi ta Doonon ariyoyicha iyaꞌa ebi mooyinaꞌon ciroona gaacaachemminaꞌon tuniiꞌa haddito taane. Biicha iyaꞌa eboshi bullin qajjeto taane. Kiristoos Yesuusi toommooch mullee tooꞌiyoona daneebeeti cadiqoo, ebiyoo sheeroon ceechii ta quyoona daneti cadiqoo tuneyaanoon, mullee tooꞌiyoona Yeer waanee daneebeeti cadiqoo taach bi beeyemmoyich, Kiristoosin danoyicha iyaꞌa bullin guudoon shaahiiꞌa duppeto taane.

Hibireena'o 2:10

Bulli mooyon halliti, bulli mooyo biich beeti Yeeri meeti bushiisheenaꞌon oogee yiirooch deeboyich, boonoshi wodee shimbo tuneti Yesuusin xuuxoon beegona beddito bi tunemmoyich bi tuniyoo tatoone.

Yaasi 20:1

Aroochee Doono Yeeri Yaasich ishichiye:

Yaaꞌoo 12:7

Shimaajji taatee xaaꞌooch ginee koyo tunehe; Mikaꞌeelinaa bi yeshi maraakeenaꞌona dareboonaa bi hilleexi bare maraakeenaꞌona koyeheete.