Yaasi 4:6 - Kafa Linguistics Project

⁶ Ebiyoo asheenaꞌoyich malletoo tunemmone. Gubbich ittoshi bushiisheenaꞌo ‘Ebi xaqqeenaꞌo ameechinaꞌone?’ iꞌi ittoshin boonoshi echehooba,

Yaasi 4:6 ပူးပေါင်းရင်းမြစ်များ

Shoddo 44:1

Yeero, no waamona waayeto noone; wonna, boonoshi yemeenooch ne tuniiton, no qaabbechinaꞌo nooch gettitinaꞌone.

Shoddo 71:18

Yeero, ne hakkoonaa ne giidoonon, woyemmi shiijjeroyich ta awaajjimmi wottoon, geeneꞌa ta bukketaanona taan duppaahine.

Keyo 12:14

“Ebi aaboon shalligee aaboon tuniibote. Gubbi ittoshi shiijjeroo bulliich beddaahaa, kuxaanoon Doono Yeeri taach doyoon tuniiree bulli yemeenoon baaribote.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:9

Doono Yeeri giidechi bi mochoona Gibitsee neen bi kichitoyich, Doono Yeerichi sheeroo ne noonooch bi tunemmoyich, ne kishooch beeti malletoommon, ne barooch beeti shalligichoommonoo tunebe.

Keyo 31:13

“Israꞌeeleenaꞌoyich ishichibe: ‘Doono Yeeri ta, ittoshin yaafiibeeto ta tunoon ittoshi ariyemmoyich, taannaa ittoshinochi daggooch, gubbi ittoshi shiijjeroo bulli daggoochoo malletoo bi tunetoyich, ta shambetoon quyebote.

Isiyaasi 38:19

Hanaach ta tuniyaa beetoommon, neen galletemminaꞌo kashechinaꞌone; niheenaꞌo boonoshi bushiisheenaꞌoyich, gibeneeto ne tunoon arichiiheete.

Isiyaasi 55:13

Angichi keroon ciidee mixo, guccini keroon hadaasee mixo, collemmone; ebiyoo Doono Yeeri ta shalligeyemmo tunemmone; bulli aabooch aalleyaani malletoo tunemmone” iye.

Hiziqeeli 20:12

Ebiyeenoo boonoshin yaafiibeeto Doono Yeeri ta tunoon boonoshi ariyemmoyich, boonoshinaa taannochi daggooch malletoo bi tunemmoyich ta shambetoon boonoshich immeho.

Hiziqeeli 20:20

Ta, Doono Yeeri ittoshi Nuggishoo ta tunoon ittoshi ariyemmoyich taannaa ittoshina daggooch malletoo bi tunemmoyich, ta shambetoon yaafeeti aabo tuniibote” iyoye.

Haddoo 16:38

Eboshiyoo boonoshi kashoon aalliyoyich axaaxoon shuuneti asheenaꞌochi ixaano shookkeebeeti qiiceenaꞌone. Ebi qiiceenaꞌo, Doono Yeeri ta aafooch giddetinaꞌonaa yaafeetinaꞌona boonoshi tunetoyich, deejjee gudee qeroon boonoshi tunemmoyich qici shishiibe. Ebiyoo Israꞌeeleenaꞌoyich cuuꞌiyoo tunebe” iye.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Yibbaatoo 11:19

Ittoshi bushiishoyichoo dojjibote. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo ne noonoochee kuxaanoon gete.

Yaasi 22:27

No, ebi deejjee gudoon no shuuneto, Doono Yeerichi yaafee duukkaanee aafoochaa biich goyinneebee, micciibeeti deejjoonaa bare deejjoonon, ebiyoommon ikkittinee deejjoon giddiibee no beemoyich, noonnaa ittoshina daggooch malletoo bi tunemmoyichiye; wotta gubbi no shiijjereenaꞌoyich miixoo bi tunemmoyichiye. Ebiyoo gubbi ittoshi shiijjereenaꞌo no shiijjereenaꞌon ‘Doono Yeer waanee qoodoo ittoshich aalloone’ geton boonoshi hakkaachemmoyichiye.

Yaasi 4:21

Israꞌeeleenaꞌoyichoo ishichiye: “Gubbich ittoshi shiijjereenaꞌo ‘Ebi xaqqeenaꞌo ameechinaꞌone?’ iꞌi boonoshi echehooba,

Yaasi 4:5

boonoshich ishichiye: “Ittoshi Nuggishoo Doono Yeerichi taabootoyee aaf shiichi, Yoordaanoosi aachi daggooch hambote. Ittoshi ikkikkoona Israꞌeelee yoodee haddoona ikkikke xaqqoon tiijji ittoshi gogooch shaagote.