Yaasi 4:24 - Kafa Linguistics Project

²⁴ Ebin bi tuniito, Doono Yeerichi mochoo giidecho bi tunoon showee toommeexi aageteenaꞌo bulli ariyemmonaa ittoshiyoo, ittoshi Nuggishoo Doono Yeerin bulli yemeenoon ittoshi shattemmonoyichiye” iye.

Yaasi 4:24 ပူးပေါင်းရင်းမြစ်များ

1 Taateenaꞌo 8:40

Ebiyoo no qaabbechinaꞌoyich ne immeti showooch kashoona boonoshi beemmi aabo bulliich, neen boonoshi shattemmoyichiye.

1 Taateenaꞌo 8:60

Ebiyoo showee toommeexi aagetoo bulli Doono Yeeri baach Nuggishoo bi tunoonaa biyee damba bare nuggishoo aallo bi tunoonon bi ariyemmoyichiye.

2 Taateenaꞌo 19:19

Andoo no Nuggishoo Doono Yeero, showee taateenaꞌo bulli Doono Yeeri ne ikkeeto baach Nuggishoo ne tunoon boonoshi ariyemmoyich, bi kishoochee noon ne wodiyemmoyich, neen qollehoye” iye.

2 Taateenaꞌo 5:15

Aroochee Naꞌimaani bi naayinaꞌo bullina tookkii Yeer asho waan wottehe. Waaꞌinoo bi aafooch neexeechii, “Ebiyoche, Israꞌeelee showoyee besh, showoo bulliich Nuggishoo aallo bi tunoon ariito taane. Andoo ne guuno ta waanee wojjoon ne deqqemmoyich neen qollehoye” iye.

1 Kiinoo 29:12

Gaannoonaa oogoona daneebeeto ne waaneeniye; newoo bullin hajjito neene; asho koninolla oogiyoyich, hakkoonoo imoyich, hakkoonaa giidoona ne kishoochiye.

Iyoobi 40:9

Ta mochoommi mochoo neech beete? Ta qaaro gigoommon, ne qaaro gigeebeete?

Shoddo 106:8

Tunebaani Doono Yeeri ooge bi hakkoon arichiyoyich, bi shigoyicha ii boonoshin wodiihe.

Shoddo 89:13

Giidechi mochecho neene. Ne kishoo kupphoone; ne qanne kishoo kaama tiyitone.

Shoddo 89:7

Shimaajji iitee daggoochaa Yeeri shattiitone; bi guudoona beetinaꞌo bulliyee beshoon oogoonaa shattiitonane.

Keyo 14:31

Doono Yeeri Gibitseenaꞌo toommooch bi tuniiti ooge bi giidoon beeggiꞌi, Doono Yeerin shattiyeete; Doono Yeerinaa bi guuno Muusinon gibeneheete.

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Keyo 20:20

Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.

Keyo 9:16

tunebaani kashoona ne beeyemmoyich ta tuniito, ta giidoon neech ta bekkiyemmonaa ta shigo showee toommo bulliich bi arichemmonoyichiye.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Erimiyaasi 32:40

Gaawe mooyon boonoshich tuniyoochee gubb wottee qayoyich, boonoshina tookki bulli yemeenee wogoon giyemmo taane; ta waanee bara boonoshi wotteyaachemmoyich, taan shaton boonoshi mullooch kotiyemmo taane.

Yibbaatoo 28:10

Aroochee showee toommooch beeti asheenaꞌo bulli Doono Yeeri biich neen bi kaacon beeggemminaꞌone; ebina neen shattemminaꞌone.

Yibbaatoo 6:2

Kashoona ittoshi beemmi yemeeno bullin ittoshi, ittoshi bushiisheenaꞌonaa bushaa bushiisheenaꞌona ittoshi Nuggishoo Doono Yeerin shatote. Ittoshich ta immaabeeti qociyoo bullinaa geto bullinon quyebote. Ebin ittoshi tuniigaata, are showooch koteree yagemmo ittoshine.

1 Saameeli 17:46

Hanaach Doono Yeeri neen ta kishooch beshiiree immemmone. Tawoo neen yexi dichiree, ne qettoon kuxxemmo taane. Filsixeemee ginee naayinaꞌo dubenoonoo shimaajji gacoonaa kubbi cooxonoyich hanaach immemmo taane. Showee toommooch beeti asho bulli Israꞌeeleenaꞌo waan Nuggishoo beemon ariyemmone;