Yaasi 4:18 - Kafa Linguistics Project

¹⁸ Qeesheenaꞌo Doono Yeerichi wogee taabootoon shaaggii, Yoordaanoosi aachi daggoochee kechiꞌi, showoon boonoshi neexximmona, Yoordaanoosi aaco wonnee bi goorooch wottehe; aafichoommon ceennii beshii, gaagemoon capphiye.

Yaasi 4:18 ပူးပေါင်းရင်းမြစ်များ

1 Kiinoo 12:15

Ebi asheenaꞌo ikke areddoon, Yoordaanoosi aaco batti batti agenooch ceenniꞌi gaagemoon bi capphiyooba, aacon kimmiꞌi, bambooch, aabi-keyo waaninaa aabi-gimo waaninooch, koteti asheenaꞌo bullin yookkiyeete.

Isiyaasi 8:8

ufebee Yihudee showooch shaggemmone; qooxibeeshoo beshemmone; qettooch beddaahaa beddemmone. Amanuꞌeelo! Yaggeeti bi qosheenaꞌo ne showoon tuggoochee tuggooch beddaahaa qerii beetinaꞌone” iye.

Yaasi 3:13

Bulli showee Doono, Doono Yeerichi taabootoon shaaggiti qeesheenaꞌo boonoshi baatoon batt aacooch boonoshi geddimmona, dugilla wocciibeeti Yoordaanoosi aaco bekkech kuxemmone; gutoochoommonoo neexemmone” iye.

Yaasi 3:15

Arooba maayi qecci gooroo bi tunetoyich, Yoordaanoosi oogeton ceennii gaagemoon capphitone. Taabootoon shaaggiti qeesheenaꞌo Yoordaanoos shaggiꞌi, boonoshi baatoon aacooch boonoshi geddimmona,

Yaasi 4:11

Boonoshi bulli kimmitoyee gubb, qeesheenaꞌo Doono Yeerichi taabootoon shaaggii kimmiꞌi, asheenaꞌoyee aaf shiichiyeete.

Yaasi 4:17

Ebich Yaasi qeesheenaꞌon “Yoordaanoosi aacoochee keyote” iye.

Yaasi 4:19

Ikkinnee ageno giyiti aashirinnee qemooba, asheenaꞌo Yoordaanoosin kimmiꞌi, Yaarikaa aabi-keyo waani gocooch, Galigala boonoshi kaamboon geddii koteheete.