Yaasi 3:7 - Kafa Linguistics Project

⁷ Doono Yeeriyoo Yaasich ishichiye: “Muusina tookkii ta tunetoommon, ebiyoommon neenna tookkii ta tunoon boonoshi ariyemmoyich, hanaachiyee tiijjiree, Israꞌeeleenaꞌo bulli aafooch neen oogiyemmo taane.

Yaasi 3:7 ပူးပေါင်းရင်းမြစ်များ

1 Kiinoo 29:25

Doono Yeeriyoo Solomoonin Israꞌeeleenaꞌo bulli aafoochaa oogichiꞌi oogiihe. Biyee aaf taateti Israꞌeelee taateenaꞌoyich bi imaani oogee yiiroon biich immiye.

2 Kiinoo 1:1

Daawiti bushoo Solomooni, bi Nuggishoo Doono Yeeri biinna tookkii tuneꞌi oogeton aricheton biin bi tuniitoyich, bi taatittinoon manjiihe.

Iyoobi 7:17

“Biin ne aaxxiyemmoyich, biin ne shalligemmoyichoo, asho amoone?

Shoddo 18:35

Taan wodiyemmi ne gaachoon taach immehine; ne qanne kishoo taan deggiye; ne gaachoo taan oogiihe.

Yowannisi 17:1

Yesuusiyoo bi dabbeenaꞌoyich ebi bullin bi gettitoyee gubb, kaama shimaajj ciinniꞌi ishichiye: “Ta Nihoocho, saato shaggitone; ne Bushoo ta neen oogiyemmoyich taan oogiibe.

Filipphisiyoosi 1:20

Kashoona ta beemo Kiristoosichiye; ta qitenoo gaacechi mooyone. Ebich kashoona ta beetaa woyee ta qititaa, ikke mooyonona yeelleyaanoon aafoon kupphaꞌa gettaabee ebiyee aafichoommon andoo wotta ta tuniyaabeeti mooyo bullina Kiristoosin oogiyoo ta qaatoonaa ta gibenoonane.

Yaasi 1:17

bulli mooyona Muusich deꞌa no getoommon, neechoo deꞌa gettemmo noone. Ne Nuggishoo Doono Yeeri baach Muusina tookkii bi tunoommon, neenna tookki tunebe.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 3:6

Ebichi hillooch Yaasi qeesheenaꞌoyich, “Wogee taabootoon shaagiree, asheenaꞌoyee shiichi aaf beshebote” iye. Boonoshiyoo wogee taabootoon shaaggiꞌi, asheenaꞌoyee aaf shiichii qaxiriyeete.

Yaasi 3:8

Wogee taabootoon shaaggiti qeesheenaꞌoyich, ‘Yoordaanoosi aachi gashooch ittoshi shagiyooba, aachi daggooch giyi neexebote’ gete” iye.

Yaasi 4:14

Ebi arooba Doono Yeeri Yaasin Israꞌeeleenaꞌo bulli aafooch oogiihe. Boonoshiyoo Muusin boonoshi shatoommon, Yaasin kashoona bi beeti yemeeno bullin shattiyeete.