Yaasi 3:5 - Kafa Linguistics Project

⁵ Aroochee Yaasi asheenaꞌoyich, “Yaach Doono Yeeri ittoshi daggooch gaakkechi shuunoon shuunemmo bi tunetoyich, yaafeebote” iye.

Yaasi 3:5 ပူးပေါင်းရင်းမြစ်များ

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Shoddo 77:15

Yaaqobinaa Yooseefinochi yareenaꞌo tuneti ne asheenaꞌon, ne mochoona biisheto neene.

Shoddo 86:10

Ebiyoo oogoo ne tunetoyich, worganeeti mooyonoo ne tuniitoyichiye; ne ikkeeto baach Nuggishoo neene.

Yoꞌeeli 2:16

Asheenaꞌon kicibote! Iitoonoo yaafibote! Geeneenaꞌon kicibote! Bushiisheenaꞌon kicibote! Xammii beetinaꞌon beddaahaa kicibote! Woꞌee keno bi kollee kexoochee; woꞌeyoo ebi aroochee, keyeete.

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Leweenaꞌo 20:7

“ ‘Illa ebich ittoshi qelloon yaafiree yaafoon tunebote. Ta, ittoshi Nuggishoo Doono Yeeri taane.

Haddoo 11:8

Asheenaꞌo hammii ebi mannoon maciyeete; xaqqoona yiikkeꞌi woyee bottoona kochiꞌi, qondooch guppii beeheete; wotta xekee kachii beeheete. Ebi mannoo, bi shaawo zayitoona baccee kachiti koshoommone.

Yowannisi 17:19

Boonoshiyoo wotta iberittinoona yaafeetinaꞌo boonoshi tunemmoyich ta boonoshicha iyaꞌa ta qelloon neech yaafito taane.

Yaasi 3:13

Bulli showee Doono, Doono Yeerichi taabootoon shaaggiti qeesheenaꞌo boonoshi baatoon batt aacooch boonoshi geddimmona, dugilla wocciibeeti Yoordaanoosi aaco bekkech kuxemmone; gutoochoommonoo neexemmone” iye.

Yaasi 3:15

Arooba maayi qecci gooroo bi tunetoyich, Yoordaanoosi oogeton ceennii gaagemoon capphitone. Taabootoon shaaggiti qeesheenaꞌo Yoordaanoos shaggiꞌi, boonoshi baatoon aacooch boonoshi geddimmona,

Yaasi 3:4

Ebiyee aaf ebi gommona hammii ariyaano ittoshi tunetoyich, aabi waanaa ittoshi hammemmo gaata, ebina ariyemmo ittoshine. Tunebaani taabootoyee gutte hume hira bedoon wohiree qaxiribote. Taabooto waan katinnaahote” iyeete.

Yaasi 3:6

Ebichi hillooch Yaasi qeesheenaꞌoyich, “Wogee taabootoon shaagiree, asheenaꞌoyee shiichi aaf beshebote” iye. Boonoshiyoo wogee taabootoon shaaggiꞌi, asheenaꞌoyee aaf shiichii qaxiriyeete.

Yaasi 7:13

“Tibe! Asheenaꞌo yaafeyemmoyich tuniibe. Boonoshichoo ishichibe: ‘Israꞌeelee Nuggishoo Doono Yeeri ishichiye: “Israꞌeeleenaꞌote, timeeti mooyo ittoshi daggooch bi beetoyich, ebin ittoshi wokkiimmi wottoon, ittoshi etteenaꞌona tookki koyoon hakkaachemmo ittoshine” iye. Ebich, yaachich ittoshi qelloon qanniiree yaafeebote.

1 Saameeli 16:5

Saameeliyoo “Eeha, diggoone. Ta waato, Doono Yeerich deejjoon giddiyoyichiye. Ittoshi qelloon yaafiree, taanna tookki deejjee xaaꞌooch wobote” iye. Aroochee Iseyinaa bi bushiisheenaꞌonon yaafiye. Deejjee xaaꞌooch boonoshi woyemmoyichoo ceeggiye.