Yaasi 3:3 - Kafa Linguistics Project

³ asheenaꞌoyich ishichiyeete: “Qeesheenaꞌo tuneti Leweenaꞌo ittoshi Nuggishoo Doono Yeerichi wogee taabootoon boonoshi shaagaa ittoshi beegiyooba, ittoshi kaamboon happi, hini xaaꞌoochee tiyiree, taabootoon dabbibote.

Yaasi 3:3 ပူးပေါင်းရင်းမြစ်များ

2 Saameeli 6:13

Doono Yeerichi taabootoon shaaggii daammiibeeti asheenaꞌo shiritte shaaddoon hammimmona, ikke gattoonaa ikke gubbenoonon deejjiye.

2 Saameeli 6:3

Yeerichi taabootoon geppooch beeti Abinadaabi kexoochee kichiꞌi, andire gaari toommooch kotiiheete. Abinadaabi bushiishoo Uuzinaa Ahiyohina andire gaarin gashee beeheete.

1 Taateenaꞌo 8:3

Israꞌeelee geeneenaꞌo bulli waammona, qeesheenaꞌo taabootoon tiijjiyeete.

Erimiyaasi 33:18

Qeesheenaꞌo tuneti Leweenaꞌoochee micciibeeti deejjoon giddiyoyich, maayi buuroon michoyich, bare deejjoonoo deejjoyich, bulli aabooch ta aafooch neexemmi asho mucceyaachemmone” iye.

Haddoo 10:33

Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye.

Haddoo 4:15

“Kaamboon waaxxii hamma ittoshi tiyiyooba, Harooninaa bi bushiisheenaꞌona yaafee duukkaanee qiicoonaa baribare bi qiico bullinon kaappii boonoshi ciichitoyee gubb, ebi qiicoon shaagoyich Qohaateenaꞌo wobeete. Tunebaani boonoshi qitaachemmoyich, ebi yaafeeti qiicoon ciroona yechaayeete. Illa danee duukkaanoo tiyimmi haddoona Qohaati yareenaꞌo shuunoo ebine.

Maatiyoosi 16:24

Arooba wotta Yesuusi daakkiꞌi bi dabbeenaꞌoyich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Maatiyoosi 8:19

Aree hillooch ikke Muusichi Sheeree dojjecho waaꞌi, “Dojjechocho, ne hammemmo bulliich neen dabbemmo taane” iye.

Yibbaatoo 31:25

Koorii bi ciichitoyee gubb, Doono Yeerichi wogee taabootoon shaaggiibeeti Leweenaꞌoyich ishichiꞌi gettiye:

Yibbaatoo 31:9

Muusiyoo hini sheeroon kooriꞌi, Doono Yeerichi wogee taabootoon shaaggiibeeti, Lewi yoodoochee tuneti, qeesheenaꞌonaa Israꞌeelee geeneenaꞌo bullinoyich immiye.

Yaasi 3:4

Ebiyee aaf ebi gommona hammii ariyaano ittoshi tunetoyich, aabi waanaa ittoshi hammemmo gaata, ebina ariyemmo ittoshine. Tunebaani taabootoyee gutte hume hira bedoon wohiree qaxiribote. Taabooto waan katinnaahote” iyeete.

Yaasi 3:6

Ebichi hillooch Yaasi qeesheenaꞌoyich, “Wogee taabootoon shaagiree, asheenaꞌoyee shiichi aaf beshebote” iye. Boonoshiyoo wogee taabootoon shaaggiꞌi, asheenaꞌoyee aaf shiichii qaxiriyeete.

Yaasi 3:8

Wogee taabootoon shaaggiti qeesheenaꞌoyich, ‘Yoordaanoosi aachi gashooch ittoshi shagiyooba, aachi daggooch giyi neexebote’ gete” iye.

Yaasi 4:10

Muusi Yaasich gettitoommon, Doono Yeeri asheenaꞌoyich bi gettemmoyich Yaasich gettiti mooyo bulli ceennimmi wottoon, taabootoon shaaggiti qeesheenaꞌo Yoordaanoosi aachi gutte daggooch neexee beeheete. Asheenaꞌo kimmito, afaafinoonane.

Yaasi 6:6

Ebich Nuuni bushoo Yaasi qeesheenaꞌon ceeggiꞌi, “Wogee taabootoon shaagote; shabaatte qeesheenaꞌo shabaatte tiroon yeshiree, Doono Yeerichi taabootee aafooch shiichibeete” iye.

Yaaꞌoo 14:4

Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.