Yaasi 3:16 - Kafa Linguistics Project

¹⁶ wocciibeeti aaco neexehe. Tsaretaani katemee gaꞌooch beeti, Addaami getteebeeti wohi katemee katinooch aaco kiceeꞌi guteehe; dugilloon Arabee baharo, ebi geto Kiikki baharo waan, wocciibeeti aaco ciroona kuxee neexehe. Asheenaꞌoo Yaariki ciino waanaa kimmiyeete.

Yaasi 3:16 ပူးပေါင်းရင်းမြစ်များ

1 Taateenaꞌo 4:12

Tanaaki, Megidi, Beet Sheꞌaani gaꞌooch beeti showoo bulliich, Tsaretaani gaꞌooch, Yezireelaa deshi-waan, Abeel Meholinaa Yokimeꞌaminooch beddaahaa beeti showoo bulliich, Ahiluudi bushoo Baꞌaani;

1 Taateenaꞌo 7:46

Taatoo Solomooni eboshin bi shuuniito, Yoordaanoosi bambeexi Sukootinaa Tsaretaaninochi gutte daggooch beeti, nuuqqoo acheebeeti xaaꞌoochaanane.

Shoddo 114:3

Baharo ebin beeggiꞌi woccii aallehe; Yoordaanoosiyoo gubb kishehe.

Shoddo 114:5

Baharoocho, woccaa ne aalleto amoon beeggaꞌaniye? Yoordaanooso, gubb ne wotteto amoon beeggaꞌaniye?

Shoddo 29:10

Doono Yeeri ceeni aachi toommooch taatetone; Doono Yeeri bulli yemeenoon bi taatee qeenooch kotetone.

Shoddo 33:7

Baharee aaco bullin ikkooch kiciye; waarwaare aaconoo ikke xaaꞌooch gutiye.

Shoddo 66:6

Baharoon shuuꞌi showoon tuniihe; aacon baatoona kimmiyeete; nowoo ebi bi tuniitona emiriyone.

Shoddo 74:15

Gishiishi aaconaa tunoona xuupphemmoyich tuniihine; ogooge aaco shuuqqemmoyich tuniihine.

Shoddo 77:19

Ne gommo baharee daggooch beetone; ne kaattoo ooge aachi daggoochiye; tunebaani ne hilloo arooch bekkeyaanoone.

Shoddo 78:13

Baharoon bi qoodaa aroona besheheete; aacoo daabboochoommon bi neexemmoyich tuniihe.

Keyo 14:21

Muusiyoo bi kishoon baharee toommooch yaggiye. Doono Yeeriyoo aabi-keyo waanee yongeebeeti, giidechi yongoon deebiꞌi, xumo bullin baharoon gubb wochiye; baharoon gutte beera qoodiꞌi, shuuꞌi showoon tuniihe.

Keyo 14:22

Baharee aaco Israꞌeeleenaꞌochi qanninaa yoochinooch daabboochoommon neexeꞌi bi beetaa, baharee daggeexi shuuꞌi showoona kimmiyeete.

Keyo 14:29

Tunebaani Israꞌeeleenaꞌo baharee aaco boonoshi qanninaa yoochinooch daabboochoommon neexeechaa, baharee daggeexi shuuꞌi showoona kimmitinaꞌone.

Keyo 15:8

Baharoon ne hugaa, aaco ikkooch guteehe. Wocciibeeti aaco daabboochoommon neexehe; gejje aaco baharee daggooch shiꞌee nagiye.

Isiyaasi 50:2

Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Hiziqeeli 47:8

Aroochee taach ishichiye: “Ebi aaco aabi-keyo waani showooch, desh Yoordaanoosi bambooch woccemmone; aroochee Kiikki baharooch bi giyaa areexi aaco xallemmone.

Naahoomi 1:4

Biyoo baharoon noggeꞌi bi shuuqqemmoyich tuniihe; woce aacinaꞌonoo shuuꞌiihe. Bashaaninaa Qermeloosinooch beeti mocoonaa mixona shuuqqiye; Libanoosi beeti mocee bungoo oojjiye.

Imbaaqoomi 3:8

Doono Yeero, ne kaaremmoyich tuniitinaꞌo aacinaꞌone? Ne kaareto aacinaꞌoniye? Ne kaaree shiixxoon ne kindiito bahareenaꞌo toommoochiye? Ne asheenaꞌo wudoon danemmoyich ne tuniihooba, quboon hareshoochoommon, gaarichoommonoo yebbehine.

Haddoo 34:3

Deshi-waani ittoshi daaro Tsiini barahoochee tiijji Edoomee showee danooch beddaahaa tunemmone. Ebi deshi-waani daaro bi tiyemmo aabi-keyo waanaa, Kiikki baharee deshi ciiroocheeniye.

Yibbaatoo 1:1

Hini macaafooch beeto, Israꞌeeleenaꞌo Moꞌabee showooch boonoshi beetaa, Muusi boonoshich yibbaateti yibbaatoone. Arooba kaamboon geddiꞌi boonoshi beeto, Yoordaanoosi aacoochaa aabi-keyo waan, Suufi ciinooch beeti Yoordaanoosi bambeexi barahoochiye. Ebiyoo Faraanin boonoshi ikke badd, Xofeelin, Labaanin, Hatserootinaa Dizaabinon wotta boonoshi bare badd geddiꞌiniye.

Yibbaatoo 3:17

Ebi keejje yoodeenaꞌo showee daaro aabi-gimo waanaa Yoordaanoos aacooch bedoone. Wotta dambi-waanaa Kinerootee baharoochee tiijjiꞌi deshi-waan dugilla beeti Kiikki baharoonaa aabi-keyo waan beeti Fisigi guudi baatoonooch beddaahaa bedoone.

Yaasi 12:3

Ebiyoommon Kinerootee baharoochee tiijjiꞌi, aabi-keyo waan beeti Kiikki baharee gaꞌooch beeti, Beet Yeshimooti katemoonaa aroochee deshi-waan beeti, Fisigi guudi baatoonooch beddaahaa beeti Yoordaanoosi bamboo bullin hajjitone.

Yaasi 15:2

Ebi deshi-waani Yihudichi showee dano, Kiikki baharee deshi-waanee tiijjiꞌi,

Yaasi 16:7

Yanoohee tiyiꞌi, dugilla beeti Axarooti katemoonaa Naari katemoonooch shaggii, Yaarikin besheꞌi, Yoordaanoos neexehe.

Yaasi 3:13

Bulli showee Doono, Doono Yeerichi taabootoon shaaggiti qeesheenaꞌo boonoshi baatoon batt aacooch boonoshi geddimmona, dugilla wocciibeeti Yoordaanoosi aaco bekkech kuxemmone; gutoochoommonoo neexemmone” iye.

Yaasi 4:22

‘Israꞌeeleenaꞌo hini Yoordaanoosin shuuꞌi showoona kimmiyeete’ getote” iye.

Yaasi 5:1

Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.

Woraaferasheenaꞌo 7:22

Keejje balle tiroon boonoshi huggimmona, Doono Yeeri ebi etteenaꞌo boonoshinaa boonoshina wochiree goraadoona koye boonoshi ciiremmoyich tuniihe. Ebi ginee naayinaꞌo Tsereree showoo waan beeti, Beet Shixaaha beddaahaa, Xabaati katemee gaꞌooch beeti Abeel Meholi katemee gocooch beddaahaanoo wocciyeete.