Yaasi 22:5 - Kafa Linguistics Project

⁵ Ittoshi Nuggishoo Doono Yeerin ittoshi shunnemmoyich, bi gommo bullin ittoshi dabbemmoyich, bi getoon ittoshi ceechemmoyich, biin manjiiree ittoshi yechemmoyich, ebiyoommon ittoshi ceeni mulloonaa ittoshi ceeni kashoona biich ittoshi maddemmoyich, Doono Yeeri guuno Muusi ittoshich bi gettiti getoonaa sheeroonon quyoyich, ittoshi qelloon ariibote” iye.

Yaasi 22:5 ပူးပေါင်းရင်းမြစ်များ

Shoddo 106:3

Dayinneto dabaachemmoyich quyee beetinaꞌo, cadiqoon bulli aabooch tunii beetinaꞌo, diireetinaꞌone.

Shoddo 78:7

Ebina Yeerin gibenemminaꞌone; bi shuuneti shuunoon batteyaachemminaꞌone; bi geteenaꞌonoo quyemminaꞌone.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Keyo 20:6

Tunebaani taan shunnii beetinaꞌonaa ta getoon quyee beetinaꞌonoyich, hume shiijjerooch beddaahaa ta shoodoon bekkiibeeto taane.

Keyo 23:13

“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.

Keyo 23:25

Ne Nuggishoo Doono Yeeri taach goyinne maddebe. Ta diiroo ne maayemmi maayoonaa ne uchemmi aaconooch tunemmone; biiyoon ne waanee wokkiyemmo taane;

Shaahiyoo 4:23

Kashee tunoo bi tunetoyich, bulli mooyoyee beshiiree ne mulloon quyebe.

Isiyaasi 55:2

Maayo tuneyaani mooyoyich ittoshi gijjoon ittoshi shacciibeeto amoyichiye? Michiyaani mooyoyich ittoshi giidoon ittoshi ciichiibeeto amoyichiye? Ta waanee waayebote, waayebote! Gaawe mooyon mamote; awuyon mamona emiribote.

Erimiyaasi 12:16

Baꞌaaloonaa boonoshi wogemmoyich ta asheenaꞌon boonoshi dojjoommon ‘Beeyechi Doono Yeeri beege!’ iꞌi ta shigoona wogoyich, ta macceenaꞌochi gommon boonoshi doyigaata, ebiyooba ta asheenaꞌo daggooch becheeree aaremminaꞌone.

Maatiyoosi 22:37

Yesuusiyoo wochiꞌi ishichiye: “ ‘Ne Nuggishoo Doono Yeerin ceeni ne mulloona, ceeni ne kashoona, ceeni ne shalligoona shune’ ii beetone.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Luqaasi 1:74

Wotta noon shixxii beetinaꞌo kishoochee noon wodiiree, no beemi yemeeno bulliich shataanoon yaafoonaa cadiqoona tuneree beebee, biich no maddemmon bi hakkiyemmoyichiye.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 27:23

Ishichii ta beeto, biicho ta tuneti, biichoo ta maddaabeeti Yeeri deejjiti maraakoo yiichi xum ta gaꞌooch neexeꞌi,

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yibbaatoo 11:1

Muusi Israꞌeeleenaꞌoyich ishichiye: “Illa ebich ne Nuggishoo Doono Yeerin shune. Ne tuniyemmoyich bi qaawiibeeti mooyo bullin, bi qociyoon, bi dojjiti doyoonaa bi getoonon bulli aaboon ceechi quyebe.

Yibbaatoo 11:13

“Hanaach ittoshich ta gettaabeeti geteenaꞌon ceechi quyebote. Ittoshi Nuggishoo Doono Yeerin shunote. Ceeni ittoshi mulloona, ceeni ittoshi kashoonoo biich goyinne maddebote.

Yibbaatoo 11:22

“Ittoshi Nuggishoo Doono Yeerin ittoshi shunnemmoyich, bi gommo bullina ittoshi hammemmoyich, biinna tookkishoo ittoshi ikkottemmoyich, ittoshi ceechi quyemmoyich ittoshich ta gettaabeeti ebi geto bullin ceechii ittoshi quyegaata,

Yibbaatoo 13:4

Ittoshi Nuggishoo Doono Yeerichi hillooch dabbibote. Biinoo shatote. Bi getoyichoo deꞌa getote. Bi qaaroonoo waayebote. Biich goyinne maddebote. Biinna tookki ikkottebote.

Yibbaatoo 4:29

Tunebaani aroochaa ittoshi Nuggishoo Doono Yeer waan corootemmo ittoshine. Ceeni ittoshi mulloonaa ceeni ittoshi kashoona bi waan ittoshi corootigaata, biyoo ittoshi qolloon waayemmone.

Yibbaatoo 4:4

Tunebaani ittoshi Nuggishoo Doono Yeerich gibeneeti ittoshi bulli ebiyoche, hanaach beddaahaa kashoona beeto ittoshine.

Yibbaatoo 4:6

Ebi ittoshich ta dojjiton manjiiꞌi ittoshi quyegaata, oogeti shalligechi asho ittoshi tunoon aagetee asheenaꞌoyich bekkiyemmo ittoshine. Ebi qociyoon boonoshi waayegaata, ‘Iberoon meetonaa arichetona tuneti ebi asheenaꞌo shalligechinaꞌonaa yiiteenaꞌona tuneti asheenaꞌone’ gettemminaꞌone.

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 5:10

Tunebaani taan shunnii beetinaꞌonaa ta getoon waayee beetinaꞌonoyich hume shiijjerooch beddaahaa ta shunoon bekkiibeeto taane.

Yibbaatoo 6:17

Ittoshi Nuggishoo Doono Yeeri ittoshich gettiti getoon, doyoonaa qociyoonon manjii quyebote.

Hibireena'o 12:15

Koniyoona Yeerichi wojjoon qayiree gubb bi wotteyaachemmoyich, meetinaꞌon eeꞌiyemmi, caammiibeeti xepphoommi amee mooyolla kaama diciree kittinnee guuphon bi xuuxiyaachemmoyich,

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaasi 23:8

Hanaach beddaahaa ittoshi tuniitoommon, ittoshi Nuggishoo Doono Yeerin manjiiree yeshote.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!

1 Saameeli 12:20

Saameeliyoo asheenaꞌoyich ishichiye: “Shattaahote; ebi shaahe axaaxoon shuuneto ittoshi tunetaanoona, Doono Yeerich ceeni ittoshi mulloona goyinne maddebotani, biin dabboon qayiree badd wotteyaahote.

1 Saameeli 12:24

Ittoshi baach Doono Yeerin shatote; biich gibeneeton tuneree, ceeni ittoshi mulloona biich goyinne maddebote; ittoshich bi tuniiti worganikkiti mooyinaꞌon shalligibote.

1 Saameeli 7:3

Aroochee Saameeli Israꞌeeleenaꞌo bullich ishichiye: “Ibere mulloona Doono Yeer waan wottoon ittoshi qaawigaata, dallaawe nuggisheenaꞌonaa Ashitarooti misileenaꞌonon ittoshi waanee wokkiibote; ittoshi mulloonoo Doono Yeer waan wochibote; biich baach goyinne maddebote; biyoo Filsixeemeenaꞌo kishoochee ittoshin wodiyemmone” iye.