Yaasi 22:25 - Kafa Linguistics Project

²⁵ Roobeelinaa Gaadinochi shiijjereenaꞌote, Doono Yeeri Yoordaanoosi aacon no gutte daggooch danoon tuniiꞌi bi gedditoyich, Doono Yeer waanee qoodoo ittoshich aalloone’ getona, ittoshi shiijjereenaꞌo no shiijjereenaꞌon Doono Yeerin boonoshi shataachemmon tuniyemminaꞌone, iyaꞌa no shattetoyichiye.

Yaasi 22:25 ပူးပေါင်းရင်းမြစ်များ

2 Saameeli 20:1

Arooba Bikiri bushoo, Sheebi getteebeeti ikke gaacaalli Biiniyaamee asho arooch beehe. Biyoo tiroon (waaringoon) huggiꞌi ishichiye: “Daawit waanee nooch qoodoo aalloone, Iseyi bushoo waanee nooch danemmi mooyo aalloone; Israꞌeeleenaꞌote, ittoshi kexi kexooch wottebote” iye.

1 Taateenaꞌo 12:16

Israꞌeeleenaꞌo bulli taatoo boonoshi mooyon waayee qayon beeggiꞌi, ishichii wochiyeete: “Daawit waanee no danemmi mooyo amoone? Iseyi bushoo waanee no woraashemmi mooyo aalloone. Israꞌeeleenaꞌote, ittoshi duukkaani duukkaanooch wottebote; Daawito, and ne hajjee kexon quyebe” iyeete. Ebina Israꞌeeleenaꞌo boonoshi duukkaani duukkaanooch wotteheete.

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

1 Taateenaꞌo 15:30

Ebi tuneto, Yeroboꞌami shuuneti axaaxee naboonaa Israꞌeeleenaꞌon bi shuuniiti axaaxee naboona tunemmona, wotta Israꞌeelee Nuggishoo Doono Yeerin bi ippiitoyichiye.

Nehimi 2:20

Tawoo wochaꞌa, “Shimaajji Nuggishoo nooch kaachemmone. Ebich bi guuno no tiyiree shuunemmo noone. Tunebaani Yerusaalem ittoshich qoodoo, woraashee taroonaa shalligeyemmi mooyolla aalloone” iyaꞌa boonoshich getto.

Shoddo 16:5

Doono Yeero, ta qoodee iristo, ta xoofoo neene; ta ixoo ne kishoochiye.

Mishiraachechinaꞌo 8:21

Ne mullo Yeeri aafooch kaamoo toonoone; ebich hini shuunee gogecho tunoon hakkaachine.

Yaasi 22:24

“No, ebin no tuniito, gubbich ittoshi shiijjereenaꞌo no shiijjereenaꞌoyich, ‘Israꞌeelee Nuggishoo Doono Yeerina tookkii amee yesho ittoshich beete?

Yaasi 22:26

Ebich deejjee gudoon shuunehone; tunebaani ebi deejjee gudoon no shuuneto, micciibeeti deejjoon woyee bare deejjoon giddiyoyich toonoone.

Yaasi 22:27

No, ebi deejjee gudoon no shuuneto, Doono Yeerichi yaafee duukkaanee aafoochaa biich goyinneebee, micciibeeti deejjoonaa bare deejjoonon, ebiyoommon ikkittinee deejjoon giddiibee no beemoyich, noonnaa ittoshina daggooch malletoo bi tunemmoyichiye; wotta gubbi no shiijjereenaꞌoyich miixoo bi tunemmoyichiye. Ebiyoo gubbi ittoshi shiijjereenaꞌo no shiijjereenaꞌon ‘Doono Yeer waanee qoodoo ittoshich aalloone’ geton boonoshi hakkaachemmoyichiye.

1 Saameeli 26:19

Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone.