Yaasi 22:22 - Kafa Linguistics Project

²² “Giidechi Nuggishoo, Doono Yeeri beege! Giidechi Nuggishoo, Doono Yeeri beege! Aroo arii beetone. Israꞌeeleenaꞌoo ebin ariibeete. Ebin no tuniito, hukkoona woyee Doono Yeerich gibeneyee qayona bi tunegaata, hanaach noon maariyaahote.

Yaasi 22:22 ပူးပေါင်းရင်းမြစ်များ

1 Taateenaꞌo 8:39

ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.

Iyoobi 10:7

Gondo ta toommooch aallo bi tunoon, ne kishoochee taan wodiyemmo koniyoona aallo bi tunoonoo, ariyaabeeto neene.

Iyoobi 23:10

Tunetaa bi ta shaaddoon ariihe; taan bi phiretoyee gubb, aachoochoommon aaxxemmo taane.

Iyoobi 31:22

ta mochoo hollibe; ta kishoo qulloochaa tiishebe.

Shoddo 136:2

Nuggisheenaꞌochi Nuggishoon galletebote; bulli yemeenoon shoodechone.

Shoddo 37:6

Ne cadiqittinoon ceechoommon, ne dayinnetoon areddee aaboommon, bi aaxxemmoyich tuniyemmone.

Shoddo 40:9

Ooge iitee daggoochaa ne wodiyee woroon gettehoye; Doono Yeero, ne arii beetoommon geton kuxaano taane.

Shoddo 44:21

mullooch aacheeti mooyon bi arii beetoyich, Yeeri ebin xalla kichi beegaacheshe?

Shoddo 44:22

Ne naboyich qemi qemona noon wuxii beeheete; guureyemmi bagoon shaahiiꞌi noon haddiyeete.

Shoddo 50:1

Giidechi Nuggishoo Doono Yeeri gettiye. Aabi keyoochee aabi gimmooch beddaahaa ashoon ceeggiye.

Shoddo 82:1

Yeeri shimaajji iitee daggoochaa bi xaaꞌooch beshehe; nuggisheenaꞌo toommooch ishichii nalliye:

Shoddo 95:3

Doono Yeeri ooge Nuggishoone; nuggisheenaꞌo bulli toommooch ooge Taatoone.

Shoddo 97:7

Shahalleenaꞌoyich goyinnee beetinaꞌonaa boonoshina yebenee beetinaꞌona, yeellemminaꞌone; nuggisheenaꞌote, bi aafooch goyinnebote.

Keyo 18:11

Israꞌeeleenaꞌon geecoona hajjitinaꞌo toommooch ebin bi tuniitoyich, Doono Yeeri, asho goyinneebeeti nuggisheenaꞌo bulliyee beshe giidecho bi tunoon and ariito taane” iye.

Erimiyaasi 12:3

Tunebaani Doono Yeero, taan ariibeeto neene; taan beeggaabeeto neene; neech ta gabii beeton boshaabeeto neene; basheyemmi bageenaꞌochoommon boonoshin geechi daambe; bashee aaboobich boonoshin bariree kotiibe.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Mikiyaasi 7:9

Doono Yeerin xuqqeto taane; ta mooyon bi taggemmi wottoon, nalloon taach bi kichimmi wottoonoo Doono Yeeri kaaroon haaꞌiyemmo taane. Biyoo bekkooch taan kichemmone; bi wodiyoonoo beeggemmo taane.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

Mishiraachechinaꞌo 25:11

Illa xuqqeto ta gaata woyee qitooch bechemmi mooyon ta shuuneto gaata, ‘Qitoochee wodibona’ getaache; tunebaani hini asheenaꞌo ta toommooch boonoshi yaaqqiibeeti taggoo kooto bi tunegaata, boonoshich beshiiꞌi taan imon koniyoona hakkaache. ‘Qesaari aafooch ta mooyo giddebe’ ito taane” iye.

2 Qorontoosi 11:11

Ittoshi toommooch shaagoon tuneyaache iyaꞌa ta getteto, ittoshin shuno ta qajjetoyichiye? Ittoshin shunnaabeeto ta tunoon Yeeri arii beetone.

2 Qorontoosi 11:31

Bulli yemeenoon galleteeti Doono Yesuusichi Nuggishoonaa Nihoona tuneti Yeeri kootti ta qayon arii beetone.

2 Qorontoosi 5:11

Illa Doono Yeerin shato geto ama geto gaata no arii beetoyich, asheenaꞌo bi waan boonoshi wottemmoyich qollaabeeto noone; no mullooch beeto amo gaata Yeeri arii beetone; ittoshiyoo wotta ittoshi mulloona amoommi asho no gaata ariibeeto ittoshine immi gibeno taach beetone.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

Yaasi 22:21

Aroochee Roobeelinaa Gaadinochi yoodeenaꞌonaa Minaasi yoodoochee qatinaꞌona Israꞌeelee yoodee yaree ukkireenaꞌoyich ishichiyeete:

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

1 Saameeli 15:23

Hukkoon shuuno kaayee axaaxoon shuunoommone; babberittinoo shahalloyich goyinnoommi gonde mooyone. Ne, Doono Yeerichi getoon ne qajjetoyich, biyoo taatoo ne tuneyaachemmoyich neen qajjitone” iye.

1 Saameeli 2:3

Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.