Yaasi 21:4 - Kafa Linguistics Project

⁴ Batti batti ixoo Leweenaꞌoochee, Qohaatichi yareenaꞌoyich kechiye. Qeeshoo Haroonichi shiijjereenaꞌoyich Yihudi, Simooninaa Biiniyaaminochi yoodeenaꞌo showoochee, aaraa keejje katemeenaꞌo ixoona icheheete.

Yaasi 21:4 ပူးပေါင်းရင်းမြစ်များ

1 Kiinoo 6:39

Bi qanne badd neexeto bi manoo Asaafine. Biyoo Lewi bushoo, Gerishooni bushoo, Yahaati bushoo, Shimeꞌi bushoo, Zimaahi bushoo, Etaani bushoo, Adaayi bushoo, Zaari bushoo, Etaani bushoo, Malikiyi bushoo, Baꞌaseyi bushoo, Mikaꞌeeli bushoo, Shimeꞌi bushoo, Beraakiyi bushoone.

Keyo 6:16

Lewi yagiti yemeeno balli shaashaa shabaatte natone. Bi anaami bushiisheenaꞌo Gerishooni, Qohaatinaa Meraarinane. Boonoshi shiijjereenaꞌo eboshine:

Keyo 6:20

Amiraami bi nihoo manee Yokebeedin shaaggiye. Biyoo Harooninaa Muusinon shiyahan. Amiraami yagiti yemeeno balli shaashaa shabaatte natone.

Haddoo 3:27

Qohaatichi asheenaꞌoyich Amiraami gumbee asheenaꞌo, Yitsaari gumbee asheenaꞌo, Kebirooni gumbee asheenaꞌonaa Uzeeli gumbee asheenaꞌona beetinaꞌone. Eboshiyoo Qohaatichi gumbeenaꞌone.

Yaasi 21:3

Ebich Doono Yeeri gettitoommon, Israꞌeeleenaꞌo boonoshich icheti katemeenaꞌoochee ebi katemeenaꞌonaa boonoshi guudoona beeti miinji gaddoonon Leweenaꞌoyich immiyeete.

Yaasi 21:5

Wotta echeti Qohaatichi shiijjereenaꞌoyich, Efreeminaa Daaninochi yoodeenaꞌo showoochee, Minaasi yoodoochee qatinaꞌo showoocheenoo aashire katemeenaꞌo ixoona icheheete.

Yaasi 24:33

Ebiyee gubb, Harooni bushoo Elazaari qitiye. Aroo geppechi Efreemee showooch beeti, bi bushoo Finihaasich icheti Gibaahi katemooch duukkehe.