Yaasi 2:9 - Kafa Linguistics Project

⁹ boonoshich ishichiyan: “Doono Yeeri hini showoon ittoshich bi imon, oogeti shato ittoshi naboona no toommooch bi kindoon, hini showeexi asheenaꞌo bulla keqqoona muuyonoo ariiti taane.

Yaasi 2:9 ပူးပေါင်းရင်းမြစ်များ

Halloo 35:5

Aroochee are xaaꞌoon gawukkii hammiyeete. Yeeriyoo boonoshi guudoona beeti katemeenaꞌooch beeti asheenaꞌo bulli toommooch oogeti shaton bi kindiitoyich, Yaaqobinaa bi bushiishoonon yookkii dabbito koniyoona aalloone.

2 Saameeli 17:10

Ne nihoo giidechi koyecho, wotta biinna tookkii beetinaꞌo ginee anaaminaꞌo boonoshi tunoon Israꞌeeleenaꞌo bulli boonoshi arii beetoyich, ginee anaamo tuneti, daaheree mulloommi mullechi shataani asheenaꞌona keqqoona boonoshi mullo muujjemmone.

2 Taateenaꞌo 5:15

Aroochee Naꞌimaani bi naayinaꞌo bullina tookkii Yeer asho waan wottehe. Waaꞌinoo bi aafooch neexeechii, “Ebiyoche, Israꞌeelee showoyee besh, showoo bulliich Nuggishoo aallo bi tunoon ariito taane. Andoo ne guuno ta waanee wojjoon ne deqqemmoyich neen qollehoye” iye.

2 Taateenaꞌo 7:6

Ebiyoo Yeeri Sooriyee ginee naayinaꞌo haresheenaꞌonaa gaarinaꞌonochi, wotta meeti ginee naayinaꞌochi qaaroommi qaaroon boonoshi waayemmoyich bi tuniitoyich, boonoshinaa boonoshina, “Israꞌeelee taatoo, noon boonoshi kochemmoyich, Hiteenaꞌonaa Gibitseenaꞌonochi taateenaꞌon gijjoona kemee no toommooch deebitone” iyeete.

Nehimi 6:16

No guudoona beeti aageteenaꞌo daggooch beeti no etteenaꞌo bulli ebin boonoshi waayehooba, shattiyeete; boonoshi gaboona oogichii yeelleheete; ebi shuunoo qannito, no Nuggishoochi gaachoona bi tunoon ariiheete.

Asteeri 8:17

Taatoochi awaajjo shaggiti woraafeenaꞌonaa katemeenaꞌo bullinooch beeti Ayihudeenaꞌo oogeton emiriyeete; emiroonoo wucwucciyeete; gifiroon geddiꞌi baaroon baariyeete. Ebina Ayihudeenaꞌon shatoochee tiyitona, meeti aagetee asheenaꞌo Ayihud wotteheete.

Iyoobi 19:25

Taach shaxoo neexemmo kashecho bi tunoon, ciiroochaa nallee gabberooch, ta gaꞌooch neexemmo bi tunoon, ariyaabeeto taane;

Shoddo 112:10

Gonde asho ebin beegiree ippemmone; gasho shaaccemmone; muuyishoo gettemmone; gondeenaꞌochi qaatoo duubemmone.

Shoddo 115:16

Shimaayeexi shimaayoo Doono Yeerichone; tunebaani showoon ashi bushiishoyich immiye.

Keyo 18:11

Israꞌeeleenaꞌon geecoona hajjitinaꞌo toommooch ebin bi tuniitoyich, Doono Yeeri, asho goyinneebeeti nuggisheenaꞌo bulliyee beshe giidecho bi tunoon and ariito taane” iye.

Keyo 23:27

“Neen shixxiibeeti aageteenaꞌo bulli oogichiree taan boonoshi shattemmoyich tuniyemmo taane; boonoshin betiyemmo taane; ne etto bulli gubb kisheree ne waanee woci bi aallemmoyich tuniyemmo taane.

Dojjecho 8:12

Axaaxecho balle wottoon gondoon shuuneebee bi eeno genjetaanona, mooyo bi kaamemmo Yeerin shattii beetinaꞌonaa biin oogii beetinaꞌonoyich bi tunoon ariiho.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Isiyaasi 23:5

Xiroosichi aallee woroo Gibitseenaꞌo waan shagiyooba, Gibitseenaꞌo maaceremminaꞌone.

Erimiyaasi 27:5

‘Showoon, showee toommooch beeti asheenaꞌonaa cooxinaꞌonon ooge ta hakkoona wottoo yaggeeti ta mochoona hallito taane; ta ciinaa gaawetoyich ebin immemmo taane.

Naahoomi 2:10

Nanawi katemoo duppetoche; duubetoche; aalletoche! Mullo muujjitone; tingoo qewetone; giidoo qajjitone; halloo shaddeetone.

Haddoo 20:14

Muusi Qadeeshee ishichiꞌi wocheyechinaꞌon Edoomee taatoo waan daachiihe: “Ne manoo Israꞌeeli ishichii beetone: ‘No toommooch shaggiti iritoo bullin ariibeeto neene.

Haddoo 20:24

“Harooni bi qaabbechinaꞌo waan xaꞌeyemmone. Meriibi aacoochaa ta getee toommooch hukkoon ittoshi tiijjitoyich, Israꞌeeleenaꞌoyich ta immeti showooch giyaachemmone.

Maatiyoosi 20:15

Ta gijjoona ta shunnemmon shuuno hakkaachehote? Woyee deꞌe asho ta tunetoyich qanaataa beetine?’ iye.

Yibbaatoo 11:25

Ittoshi aafooch kuppheree neexemmo koniyoona aalloone. Ittoshi Nuggishoo Doono Yeeri ittoshich bi gibenikkitoommon, ittoshi shaggimmi showoo bulliich beeti asheenaꞌo ittoshin shatiree boonoshi qewemmoyich tuniyemmone.

Yibbaatoo 2:25

Hanaachina tiijji showee toommo bulliich beeti asheenaꞌo ittoshin oogichi boonoshi shattemmoyich tuniyemmo taane. Ittoshi mooyo getteetaa boonoshi waayegaata, keqqoona qewemminaꞌone’ itone” iye.

Yibbaatoo 28:10

Aroochee showee toommooch beeti asheenaꞌo bulli Doono Yeeri biich neen bi kaacon beeggemminaꞌone; ebina neen shattemminaꞌone.

Yibbaatoo 32:8

Beshoo Yeeri aageteenaꞌoyich iristoon bi imiyooba, ashi yaroonoo bi barbariihooba, Israꞌeelee bushiisheenaꞌo haddi haddoommona macceenaꞌoyich daaroon geddiye.

Hibireena'o 11:31

Yahechi Rahaabi mulloon Yeeri toommooch tooꞌiiꞌa, Yaariki katemoon qiidi (maaci) boonoshi beeggemmoyich, Israꞌeeleenaꞌo waanee wochetaa waati asheenaꞌon diggoona bi kexooch bi iibbiitoyich, Yeerich deꞌa getaani Yaariki asheenaꞌona tookkaa aalleyaaneene.

Yaasi 2:11

Ebin no waayehooba, no mullo keqqoona goojjitone. Ittoshin shatoochee tiyitona keqqaani ikke asholla aalloone. Ittoshi Nuggishoo Doono Yeeri damba shimaayooch, desh showoochoo Nuggishoone.

Yaasi 2:24

Boonoshiyoo daakkiꞌi, “Iberoon Doono Yeeri are showoo bullin no kishooch beshiiꞌi immitone; are showooch beeti asheenaꞌo bulli noon shatoochee tiyitona, keqqoona boonoshi muuyon beeggeto noone” iyeete.

Yaasi 2:8

Qiiddechi asheenaꞌo tokketeyaan beetaa, ure boonoshi beeti kechi toommooch kechaꞌa,

Yaasi 5:1

Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.

Yaasi 6:2

Doono Yeeri Yaasich ishichiye: “Ebeege, Yaarikin bi taatoonaa bi ginee anaaminaꞌona tookkii ne kishooch beshiyaꞌa immeto taane.

Yaasi 9:10

Ebiyoommon wotta Yoordaanoosi aachee beqach beeti, gutte Amooree taateenaꞌo, boonoshiyoo Heshiboni taatoo Sihooninaa Ashitarooti katemooch beechii qeejjiibee echeti, Bashaanee taatoo Ooginochi toommooch bi tuniito bullin waayeto noone.

Yaasi 9:24

Boonoshiyoo Yaasich ishichiꞌi wochiyeete: “Ne Nuggishoo Doono Yeeri, bi guuno Muusi hini showoo bullin ittoshich bi immemmonaa arooch beeti asheenaꞌon ittoshi aafoochee wuxi bi aalliyemmonoyich, bi geto xiishaa ne guuno nooch getteetone. Ebich ittoshiichee tiyitona no kashoyich oogichaa shattaꞌa, ebin tuniito noone.

Yaasi 9:9

Boonoshiyoo ishichiꞌi wochiyeete: “No, ne guuno, ne Nuggishoo Doono Yeeri mooyon waayaꞌa, oogeti wohi showoocheeniye no waato. Gibits beeti asheenaꞌo toommooch bi tuniito bullin waayeto noone.

Woraaferasheenaꞌo 7:14

Bi nuuchoo wochiꞌi, “Ebi mooyo Israꞌeelee asho tuneti, Yoꞌaashi bushoo Geediyoonichi goraadoani bare mooyo toonoone. Yeeri Miidiyameenaꞌonaa boonoshi ginee naayinaꞌo bullinon bi kishooch beshiiꞌi immitone” iye.