Yaasi 2:14 - Kafa Linguistics Project

¹⁴ Asheenaꞌo ishichiyeete: “No giyeti wogoommon no ceechoo qayigaata, Yeeri noon aalliibe. No tuniyaabeeti mooyon konichona geto ne qayigaata, Doono Yeeri hini showoon nooch bi imiyooba, gaawe mooyon neech tuniyemmo noone” iyeete.

Yaasi 2:14 ပူးပေါင်းရင်းမြစ်များ

Halloo 24:49

Illa ta doonoyich gibeneeto tuneree, deꞌittinoon bekkiyemmo ittoshi tunegaata, ittoshi gaboon taach getote. Ebi tuno qayigaata, taach ittoshi getaa, ikke mooyon maacona” iye.

Halloo 47:29

Israꞌeeliyoo bi qitemmi aabo katinaa, bi bushoo Yooseefin ceeggii deebiꞌi ishichiye: “Taan shunnaabeeto ne tunegaata, ne kishoon ta doshee dechiich gediree, deꞌittinoonaa iberittinoonon taach ne bekkiyemmoyich wogebe. Gibitsee showooch taan duukkaahine.

2 Saameeli 2:5

Daawiti ebin bi waayehooba, Gilaadee showooch beeti Yabeeshi asheenaꞌo waan wocheyechinaꞌon daachiiꞌi ishichiye: “Ittoshi doono Saaꞌoolich ebi shaahoon gibeneeto ittoshi tunetoyich, bi dubenoonoo ittoshi duukkitoyich, Doono Yeeri ittoshin diiribe.

2 Saameeli 2:6

Andoo Doono Yeeri bi deꞌittinoonaa bi gibeneyoonon ittoshich bekkiibe. Ebin ittoshi tuniitoyich, tawoo ittoshich deꞌe mooyon tuniyemmo taane.

2 Saameeli 9:1

Ikke areddoon taatoo Daawiti “Yonaataanicha getiree biich deꞌoon ta deeyemmoyich, Saaꞌooli kechi asheenaꞌo daggoochee echeti asho beete?” iꞌi echehe.

1 Taateenaꞌo 20:39

Taatoo beshemmona, bunneꞌi taatoyich, “Ne guuno ta, koyee daggooch hammoye. Aroochaa ikke ginee naayo ta waan ikke kecceti uroon deebiꞌi, ‘Ebi uroon quyebe; bi aallegaata, ne kashe bi kashee keroon qocceyemmine; woyee shaashaa awudde kiilo giraamee birewoon qoccemmo neene’ iye.

Shaahiyoo 14:22

Gondoon gabii beetinaꞌo muriccii beetinaꞌone; tunebaani deꞌoon gabii beetinaꞌo, shoodoonaa gibeneyoonon daneheete.

Shaahiyoo 18:24

Nuuchoon meechii beeti asho aallemmone; tunebaani manoyee beshe katini shunecho beetone.

Maatiyoosi 5:7

Ariqqee beetinaꞌo diireetinaꞌone; Yeeri boonoshich ariqqemmone.

Mishiraachechinaꞌo 23:22

Hume ginee iraashoo ebin bi waayetoyee gubb, “Taach ne getteti mooyon konichona gettaahine” iꞌi bushoon daachiihe.

Yaasi 2:13

Ta nihoonaa ta indeenon, ta maneenaꞌon, ebiyoommon boonoshicho tuneto bullinoo wodiibote. No bulliyoo kashoona no beeyemmoyich tuniibote” iyan.

Yaasi 2:15

Boonoshichoo ishichiyan: “Ittoshin yeshoyich yichiibeeti asheenaꞌo ittoshin boonoshi daneyaachemmoyich, geppooch hambote. Asheenaꞌo wottemmi wottoon, arooch keejje qemon aashebote. Aroyee gubb ittoshi gommon hambote” iyan. Asheenaꞌo ureyich ishichiyeete: “Noon ne wogiiti wogoon quyoon no hakkemmo, hini showooch no giyiyooba, ebi ceelle woderoon noon ne kindiiti mallee kellooch ne yeenderikkigaata, ebiyoommon ne nihoonaa ne indeenon, ne anaami maneenaꞌonaa ne nihoochi kechi asheenaꞌo bullinon ne kexooch ne kici gaatane. Koniyoona ne kexoochee maach bi keyigaata, bi damoo bi toommoochiye bi tunemmo; no echeyaachemmo noone. Neenna tookkii kexooch beeto koniyoona bi tunegaata, bi toommooch shaggimmi mooyoyich bi damoo no toommooch tunemmone. Tunebaani no tuniyaabeeti mooyon konichona ne getigaata, noon ne wogiiti wogee mangoo no toommooch shagaachemmone” iyeete. Ureyoo “Ittoshi gettitoommon tunebe” iyan. Ureechi kexo katemee xaqqee uxeroona yeshiitaa shuuneeto bi tunetoyich, asheenaꞌon mallee kelloona kichaa, woderoona maach kindiihan; ebina boonoshin daachiihan. Boonoshiyoo kechii hammiyeete. Boonoshi hammitoyee gubb, are ceelle woderoon bi mallee kellooch yeenderikkiyan.

Yaasi 6:17

Katemoonaa bi daggooch beeto bullina Doono Yeerich yaafeeto bi tunetoyich, ciroona aalliibote; no wochetaa hammiti qiiddechinaꞌon bi aachitoyich, yahechi Rahaabinaa biinna tookkii bi kexooch beetinaꞌona baach echebeete.

Yaasi 6:22

Yaasi showoon qiidditi gutte asheenaꞌon “Yahechi Rahaabi kexooch gibote; biich ittoshi wogetoommon, biinnaa biicho tuneto bullinon aroochee kichibote” iye.

Yaasi 6:25

Wotta Yaarikin boonoshi qiiddemmoyich, wochee bi daachiiti asheenaꞌon bi aachitoyich, Yaasi yahechi Rahaabin, bi kechi asheenaꞌonaa biicho tuneto bullinon wodiihe. Bi yareenaꞌoo hanaach beddaahaa Israꞌeelee showooch beetinaꞌone.

1 Saameeli 20:8

Illa deꞌe mooyon taach tuniibe; ne guuno taanna tookkaa Doono Yeerina wogoon giyeto neene. Tunebaani gondo taach bi beegaata, ne taan wuxibe; amoyichiye ne nihoo taan wuxemmoyich, beshiiree ne immemmo?” iye.