Yaasi 2:1 - Kafa Linguistics Project

¹ Aroochee Nuuni bushoo Yaasi “Hami, Kanaanee showoon aashoona qiidote. Bulliyee beshoon Yaarikin qiidote” iꞌi, Shixiimee gutte qiiddechinaꞌon wochee daachiihe. Boonoshiyoo hammii shaggiꞌi, Rahaabi getteebeeti yahechi ure kexooch qeya giyiyeete.

Yaasi 2:1 ပူးပေါင်းရင်းမြစ်များ

Halloo 42:16

Iberoon yibbaateebeeto ittoshi tunegaata, ittoshi iberittino bi arichemmoyich, ittoshi daggoochee ikkoon ittoshi wochetaa, hamiree ittoshi guuche manoon deꞌi wobe; echeti ittoshi cuyee kexooch beeyemmo ittoshine; tunebaani ittoshi gettitoommon tuno bi qayigaata, Faroonina wogehoye; iberoon ittoshi bulli qiiddecho ittoshine” iye.

Halloo 42:9

Ebiyooba ebiyee aaf bi maneenaꞌochon bi gummiti gumon gabiye. Boonoshichoo ishichiye: “Qiiddecho ittoshine. Ittoshi waato, no showoo aabiichaa gimoyich kaamoo bi gaata qiidi beeggane” iye.

Mikiyaasi 6:5

Ta asheenaꞌote, Moꞌabee taatoo Balaaqi ittoshi qaabbechinaꞌo toommooch bi gabiti mooyon, wotta Beꞌoori bushoo Balaami ama iꞌi biich bi wochito gaata shalligibote. Shixiimi kaamboochee tiijjiꞌi Galigal beddaahaa tuneti mooyon shalligibote. Ebin shalligoona ittoshin wodiyoyich ta tuniiti mooyon xiishemmo ittoshine” iye.

Haddoo 13:1

Doono Yeeri Muusich ishichiye:

Haddoo 13:2

“Israꞌeeleenaꞌoyich ta immaabeeti showoon boonoshi qiiddemmoyich asheenaꞌon daachiibe. Qaabbechinaꞌochi yoodoochee boonoshi ikkikkoo daggooch ukkiroo tuneti ashoon daachiyemmo ittoshine” iye.

Haddoo 25:1

Israꞌeeleenaꞌo Shixiim beebee, Moꞌabee maacheenaꞌona tookkii shaddooch giyiyeete.

Haddoo 33:49

Yoordaanoosi aachi gashooch, Moꞌabi gaddooch, Beet Yeshimootee tiijjiꞌi Abeel Shixiim beddaahaa beeti xaaꞌooch koteheete.

Maatiyoosi 1:5

Salimooni Rahaab waanee Boꞌaazin shiyihe; Boꞌaazi Ruut waanee Obeedin shiyihe; Obeedi Iseyin shiyihe;

Maatiyoosi 10:16

Daakkiꞌi Yesuusi ishichiye: “Ellebote, bagoochoommon okereenaꞌo daggooch ittoshin wochemmo taane. Ebich dingeroochoommon accecho, uggechoommon duuroo tunebote.

Efesooni 5:5

Ebin ariibote: Shunimaayo woyee eeꞌe shuunecho woyee hiriggecho Kiristoosinaa Yeerinochi taatittinee daggooch iristoon daneyaachemmone; hiriggoo shahalloyich goyinnoommone.

Hibireena'o 11:31

Yahechi Rahaabi mulloon Yeeri toommooch tooꞌiiꞌa, Yaariki katemoon qiidi (maaci) boonoshi beeggemmoyich, Israꞌeeleenaꞌo waanee wochetaa waati asheenaꞌon diggoona bi kexooch bi iibbiitoyich, Yeerich deꞌa getaani Yaariki asheenaꞌona tookkaa aalleyaaneene.

Yaaqobi 2:25

Ebiyoommon wotta yahechi Rahaabi Yaasi wocheti asheenaꞌon bi kexooch giijjaa aachaꞌa, bare gommona boonoshi muriccemmoyich bi gaachehooba, bi shuuneti shuunoona cadiqitine.

Yaasi 1:18

Ne geto bullin qajjimmo, ne getaa waayeyaano bulli qitibe. Ne baach kupphebe; maac kuxoonoo tunebe” iyeete.

Yaasi 2:2

Arooba Yaariki taatoo Israꞌeeleenaꞌo daggoochee ikkikkeenaꞌo showoon qiidda aroobee xum katemooch giyitinaꞌo boonoshi tunoon waayehe.

Yaasi 3:1

Bi dechara maaddoona Yaasinaa Israꞌeeleenaꞌo bullina Shixiimee tiyiꞌi Yoordaanoosi aacooch hammiyeete. Boonoshi kimoyee shiichii, kaamboon geddiꞌi koteheete.

Yaasi 5:10

Israꞌeeleenaꞌo Yaariki bakkooch boonoshi kaamboon geddii Galigala beebee, ikkinnee agenee aaraa awuddinnee qemoobee xum Beshee Baaroon baariyeete.

Woraaferasheenaꞌo 18:14

Layishi katemee guudoona beeti showoon qiidooch hammiti uuche asheenaꞌo boonoshi maneenaꞌoyich “Ebi kexinaꞌo daggoochee ikkooch efoodo, terafimeenaꞌo, qiicaa shuuneeti shahalloonaa qaaqqooch wociitaa shuuneeti shahalloona beeto bi tunoon arii beetote? Ebin aabichi ittoshi gettemmo gaata gabibote” iyeete.

Woraaferasheenaꞌo 18:17

qeeshoo ebi koyoyich cuyee qanniti shiritte balle asheenaꞌona tookkii neexeꞌi bi beetaa, showoon qiidooch hammiti uuche asheenaꞌo kexooch giyiꞌi qiicaa shuuneeti shahalloon, efoodoon, terafimeenaꞌonaa qaaqqooch wociitaa shuuneeti shahalloonon daammiyeete.

Woraaferasheenaꞌo 18:2

Ebi Daani yoodee asheenaꞌo boonoshi yoodo bulli daggoochee uuche giidechi asheenaꞌon kaacciꞌi, hami showoon qiidiree xiishi ciini, boonoshi woyemmoyich, Tsoriꞌi katemoonaa Eshitaꞌooli katemoonoochee wochee daachiiheete. Boonoshinoo “Hamiree showoon qiidi beegote” iyeete. Ebi wocheeti asheenaꞌo geppechi Efreemee showooch hammii Miki kexooch shaggiꞌi, arooch qeyiyeete.