Yaasi 18:1 - Kafa Linguistics Project

¹ Showoon kochii boonoshi yechitoyee gubb, Israꞌeeleenaꞌo bulli Shiloohi katemooch kiceeheete. Danee duukkaanoonoo arooch xogiyeete.

Yaasi 18:1 ပူးပေါင်းရင်းမြစ်များ

2 Saameeli 7:6

Israꞌeeleenaꞌon Gibitsee ta kichiti aaboochee tiijjaꞌa hanaach beddaahaa, duukkaanoon ta beeyi xaaꞌoo tuniyaꞌa, xaaꞌoochee xaaꞌooch guuddaa beehoani, kexooch beetaano taane.

1 Taateenaꞌo 14:2

Yeroboꞌamiyoo bi mecheyich ishichiye: “Ta mechee ne tuno aricheyaachemmoyich, ne tahoon shaddiree, Shilooha hambe; hini asheenaꞌo toommooch ta taatemmoyich taach gettiti keemechi Akiyi arooch beetone.

1 Taateenaꞌo 14:4

Yeroboꞌamichi mecheyoo bi gettitoommon tuniihan; tiyaa Shilooha beeti Akiyi kexooch hammahan. Ebiyooba Akiyi geenoochee tiyitona, bi aafo yaametone.

1 Taateenaꞌo 2:27

Aroochee Solomooni Abiyataarin qeeshittinoochee kichiye; ebina Doono Yeeri Shiloohaa Eeli kechi asheenaꞌochon bi gettiti qaaro ceenniye.

Nehimi 9:24

Ebich boonoshi shiijjereenaꞌo giyiꞌi woraashiyeete. Are showee asheenaꞌo tuneti Kanaaneenaꞌon koyi boonoshi wochemmoyich tuniihine. Kanaaneenaꞌo toommooch, boonoshi taateenaꞌonaa boonoshi showee asheenaꞌonochi toommooch boonoshi shunnimmon boonoshi shuunemmoyich, boonoshi kishooch beshiyaꞌa immehine.

Shoddo 78:60

Asheenaꞌo daggooch bi kotiiti bi duukkaanoon, Shilooha beeti bi beeyi xaaꞌoon, qajjiye.

Shoddo 78:66

Bi etteenaꞌon gubb wochii yookkiye; bulli aaboon boonoshi yeellemmoyich tuniihe.

Erimiyaasi 26:6

Shiloohi toommooch ta tuniitoommon, hini yaafee kechi toommooch tuniyemmo taane; hini katemoonoo showee toommeexi aagetoo bulliich ufon tuniyemmo taane’ itone gete” iye.

Erimiyaasi 26:9

‘Shiloohi katemee toommooch tunetoommo hini Yeerichi yaafee kexooch tunemmone; hini katemoo shokkoonaa onoonon tunemmone’ iyaꞌa Doono Yeerichi shigoona amoyich keemoon keemmenne?” iyeete. Asho bulliyoo Doono Yeerichi yaafee kexoochaa kiceeꞌi Erimiyaasi toommooch tiyiye.

Erimiyaasi 41:5

shinne asheenaꞌo boonoshi ishaanoon cakkeꞌi, boonoshi tahoon keexxiꞌi, boonoshi achoonoo gariꞌi, Shekeemi katemoochee, Shiloohi katemoochee, Shamaari katemoochee, maayi buuroonaa ixaanoonon yechiꞌi Doono Yeerichi yaafee kexooch giddiyoyich waaheete.

Haddoo 32:22

showee Doono Yeerich hajjeetoyee gubb, wottoon hakkiyote. Ebin ittoshi tuniigaata, Doono Yeerinaa Israꞌeeleenaꞌonoyich ceechoo ittoshich qaawiibeeti mooyon ceechemmo ittoshine. Hini showoo Doono Yeeri aafooch ittoshich iristo tunemmone.

Mishiraachechinaꞌo 7:45

No qaabbechinaꞌo wotta Yaasi boonoshin yaabee, Yeeri boonoshi aafoochee yookkii kichiti aageteenaꞌo showoon boonoshi yechiyooba, hini are boonoshi deqqiti duukkaanoon yechiꞌi giyiyeete; Daawiti yemeenooch beddaahaa arooch kotehe.

Yaasi 18:2

Israꞌeeleenaꞌo daggoochee batt boonoshi qoodee showoon daneyaani shabaatte yoodeenaꞌo beetinaꞌone.

Yaasi 18:8

Aroochee showee mooyon koorii deeboyich asheenaꞌo tiyimmona, Yaasi boonoshich, “Hami showoon guudi beegote; ebi showee mooyon kooribote; aroochee ta waan wotte wobote. Tawoo hini Shiloohaa, Doono Yeeri aafoochaa ixoon ittoshich duppemmo taane” iye.

Yaasi 19:51

Ebina qeeshoo Elazaari, Nuuni bushoo Yaasinaa Israꞌeelee yoodeexi yaree ukkireenaꞌona Shiloohaa, danee duukkaanee kelloochaa, Doono Yeeri aafoochaa, ixoon duppiꞌi Israꞌeeleenaꞌoyich boonoshi qoodi qoodee showoon immiyeete. Showoon ebiyoommi gommona qoodii ciichiyeete.

Yaasi 21:2

Kanaanee showooch beeti Shiloohaa boonoshi waan giddeꞌi, “Doono Yeeri no beeyemmi katemeenaꞌonaa boonoshi guudoona beeti miinji gaddoona nooch ichemmoyich, Muusina gettitone” iyeete.

Yaasi 22:12

Ebich boonoshin kocha, Israꞌeeleenaꞌo bulli Shilooha kiceeheete.

Yaasi 22:19

Ittoshich icheti showoo eeꞌeto tunegaata, Doono Yeerichi yaafee duukkaanoo xoggeeti Doono Yeerichi showooch waaree, no daggooch, no showoochee qoodeebote. Tunebaani no Nuggishoo Doono Yeerichi deejjee gudoyee besh bare deejjee gudoon shuunoona Doono Yeeri toommooch hukkoon shuuneyaahote; noonoo hukkechon tuniyaahote.

Yaasi 22:9

Ebich Roobeelinaa Gaadinochi yoodeenaꞌo, ebiyoommon Minaasi yoodoochee qatinaꞌo Kanaanee showooch beeti Shiloohi katemoochaa Israꞌeeleenaꞌo waanee bariꞌi, Doono Yeeri Muusina bi gettitoommon, boonoshi kochii yechiti, boonoshi hajjoo tuneti showoo Gilaad wotteheete.

Woraaferasheenaꞌo 18:31

Boonoshiyoo Doono Yeerichi kexo Shilooha bi beeti yemeeno bullin Miki shuuneti, qiicaa shuuneeti shahalloon arooch neechiyeete.

Woraaferasheenaꞌo 21:12

Boonoshiyoo Gilaadee showeexi Yabeeshee anaamona tookkii daneyaani awudde balle gidiide bushiisheenaꞌon daneheete. Boonoshinoo kaambo beeti, Kanaanee showooch beeti Shilooha deebiyeete.

Woraaferasheenaꞌo 21:19

Aroochee “Nati natona Shiloohaa Doono Yeerich baareebeeti baaroo katinnitone” iꞌi gabiyeete. Shiloohi katemoo beeto, Beeteelaa dambi-waan, Beeteelee Shekeem daammiibeeti gommoochaa aabi-keyo waan, wotta Lebooni katemoochaa deshi-waaniye.

1 Saameeli 1:24

Bushoo xano bi kuxxitoyee gubb, Shilooha beeti Doono Yeerichi kexooch daammahan. Wotta biinna tookkaa keejje nati ikke gubbenoon, keejje qunnee buddinoonaa ikke mollexxee woyinee uyoonon yechaꞌa hammahan. Arooba bushoo batt nallefoone.

1 Saameeli 1:3

Are uro Beshe Mawe Doono Yeerich goyinnoonaa deejjoon deejjoonoyich bi beeti katemoochee Shilooha nati natona hammii beehe. Eelichi gutte bushiisheenaꞌo, Hoofininaa Finihaasina, qeesheenaꞌo tuneꞌi arooch beetinaꞌone.