Yaasi 17:11 - Kafa Linguistics Project

¹¹ Wotta Yisakoorichi showoonaa Aseerichi showoonochi daggooch Beet Sheꞌaani, Ibilaami, Nafooti getteeti Doori, En Doori, Tanaakinaa Megidina, boonoshi guudoona beeti gafeenaꞌona tookkii Minaasi yoodoochinaꞌone.

Yaasi 17:11 ပူးပေါင်းရင်းမြစ်များ

2 Saameeli 21:12

Biyoo hammiꞌi, Gilaadee showooch beeti Yabeeshi asheenaꞌo waanee Saaꞌoolinaa bi bushoo Yonaataaninochi shaawushoon deqqiye. Ebi Yabeeshi asheenaꞌo Filsixeemeenaꞌo Saaꞌoolin Giliboꞌaa boonoshi wuxiyooba, Saaꞌoolinaa Yonaataaninochi dubenoon daammiꞌi boonoshi yoodditi Beet Shani addibaaboochee aashoona deebiti asheenaꞌone.

1 Taateenaꞌo 9:15

Taatoo Solomooni Doono Yeerichi yaafee kexonaa bi taatee kexonon, Miiloo getteebeeti xaaꞌoon, Yerusaalemi xaqqee uxeroon, Hatsoori, Megidinaa Gezeerina getteebeeti katemoonoo shuunoyich, maddechinaꞌon kaaccitone.

2 Taateenaꞌo 9:27

Yihudee taatoo Akaziyaasi ebin beeggiꞌi, Beet Hagaani katemee gommona bi gaarin yookkiꞌi wocciye. Yehiyoo, “Hini aroonoo wotta koyote” iibee yookkii dabbiye. Ibilaami katemee gaꞌooch beeti Guuri qaalloochaa bi gaariich bi beetaa, kochiyeete. Biyoo Megidi katemooch beddaahaa hammiꞌi, aroochaa qitiye.

1 Kiinoo 6:70

Minaasi yoodoochee qatinaꞌo showoochee, echeti Qohaati yareenaꞌoyich Israꞌeeleenaꞌo immito Aneeri, Bileꞌaminaa boonoshi guudoona beeti miinji gaddoononiye.

1 Kiinoo 7:29

Minaasichi yareenaꞌo wotta Beet Sheꞌaanin, Tanaakin, Megidin, Doorinaa ebi katemeenaꞌochi guudoona beeti gishiishi katemeenaꞌonon yechitinaꞌone. Israꞌeeli bushoo Yooseefichi shiijjereenaꞌo ebi xaaꞌeenaꞌooch koteheete.

2 Kiinoo 35:22

Tunebaani Yosiyaasi koyeya kuxxiyani, bi waanee wotteyaanoone. Doono Yeeri Nekina gettiton waayoon qaawaanoone. Bi aricheyaachemmoyich bi tahoon shaddiꞌi, Megidi gaddoochaa biinna koyeya hammiye.

Shoddo 83:10

En Dooraa boonoshin aalliihine; boonoshi dubeno showooch duppeꞌi oqqiye.

Erimiyaasi 49:2

Ebich Amoonee asheenaꞌochi katemoo tuneti Raabi toommooch kokkoree qaaroon ta waayiyemmi aabo woyemmone” iye Doono Yeeri. “Buriceechi gutoo tunemmone; bi gafeenaꞌoo qaaqqoona miccemminaꞌone; Israꞌeeliyoo biin woraashitinaꞌon woraashemmone” iye Doono Yeeri.

Zakaariyaasi 12:11

Megidi gaddoochaa Hadaad Rimoonich bi eeppeyoommon ebiyooba Yerusaalemaa ooge eefo eeppeyemmone.

Yaasi 11:2

Ebiyoommon wotta dambi-waan beeti geppe showooch, Kinerootee baharoochee deshi-waan beeti Yoordaanoosi bambooch, worebe showoonaa aabi-gimo waan Doori katemee gaꞌooch beeti baharee gasheexi showoonooch beeti taateenaꞌo waan wochoon daachiihe.

Yaasi 12:21

Tanaaki taatoo, Megidi taatoo,

Yaasi 12:23

baharee gashooch beeti Doori taatoo, Galigal beeti Goyimi taatoonaa

Yaasi 16:9

Wotta Minaasi yoodoochi showee daggooch, Efreemi yoodoyich qoodeeti katemeenaꞌonaa boonoshi guudoona beeti gafeenaꞌona beetinaꞌone.

Yaasi 17:10

Deshi-waan beeto Efreemi yoodoocho bi tunemmona, dambi-waan beeto wotta Minaasi yoodoochone; Minaasi yoodee showee daaro Meditiraanee baharoone. Dambi-waan beeto Aseeri yoodoocho bi tunemmona, aabi-keyo waan beeto Yisakoori yoodoochone.

Yaasi 17:16

Yooseefi yoodo wochiꞌi, “Geppechi showoo nooch bedaache; ebiyeenoo wotta Beet Sheꞌaani katemoonaa bi guudoona beeti gafeenaꞌonooch, wotta Yezireeli bamboochoo beeti Kanaaneenaꞌo bullich xuuroochee shuuneeti ogooge gaari beetone” iye.

Woraaferasheenaꞌo 1:27

Minaasi yoodo Beet Sheꞌaan, Tanaak, Door, Ibilaam, Megidinaa ebi katemeenaꞌochi guudoona beeti gafeenaꞌonooch beeti asheenaꞌon yookkii kichaanoone. Ebich Kanaaneenaꞌo are showoochee shuuraanoon manjiꞌi koteheete.

Woraaferasheenaꞌo 5:19

“Megidee aachi gaꞌooch beeti Tanaaki katemoochaa, taateenaꞌo waaꞌi koyeheete; Kanaanee taateenaꞌo waaꞌi koyeheete; tunebaani boonoshi keccii daammiti birewoo aalloone.

1 Saameeli 28:7

Saaꞌooliyoo bi naayinaꞌon “Eke qititi asheenaꞌona yibbaataabeeti ureen ittoshi qaawaa hamiree bi waanee eche waayebona” iye. Bi naayinaꞌo biich “Qititinaꞌona yibbaataabeeti ure En Door beetine” iyeete.

1 Saameeli 31:10

Bi ginee qiicoonoo boonoshi nuggishee Ashitarooti yaafee kexooch kotiiheete. Bi dubenoonoo Beet Shani katemee xaqqee uxerooch yooddiyeete.

1 Saameeli 31:12

ginee anaaminaꞌo tiyii, xumo bullin shaꞌeebee Beet Shan hammiyeete. Boonoshiyoo Saaꞌoolichi dubenoonaa bi bushiisheenaꞌochi dubenoonon xaqqee uxeroochee kindiiꞌi, Yabeesh deebii, aroochaa qaaqqoona goggiyeete.