Yaasi 16:7 - Kafa Linguistics Project

⁷ Yanoohee tiyiꞌi, dugilla beeti Axarooti katemoonaa Naari katemoonooch shaggii, Yaarikin besheꞌi, Yoordaanoos neexehe.

Yaasi 16:7 ပူးပေါင်းရင်းမြစ်များ

1 Kiinoo 7:28

Ebi Efreemichi yareenaꞌo yechiꞌi boonoshi koteti showoo, Beeteelinaa bi guudoona beeti gishiishi katemoona, aabi-keyo waanaa Naaraan beddaahaa beeti showoo, aabi-gimo waanaa Gezeer beddaahaa beeti showoonaa bi guudoona beeti gishiishi katemoona, Shekeemi katemoonaa bi guudoona beeti gishiishi katemoona, Ayaahi katemoonaa bi guudoona beeti gishiishi katemoonane.

Haddoo 33:48

Abariimi guudoochee tiyii qaxiriꞌi, Yoordaanoosi aachi gashooch, Yaariki katemee ciinooch beeti Moꞌabi gaddooch koteheete.

Yaasi 16:6

Meditiraanee baharooch beddii beetone. Dambi-waanaa Mikimetaati katemoo beetone. Showee daaro aabi-keyo waanaa Tanaat Shiloohi katemooch guuddii, aabi-keyo waan beshee, Yanoohi katemooch beddii beetone.

Yaasi 3:16

wocciibeeti aaco neexehe. Tsaretaani katemee gaꞌooch beeti, Addaami getteebeeti wohi katemee katinooch aaco kiceeꞌi guteehe; dugilloon Arabee baharo, ebi geto Kiikki baharo waan, wocciibeeti aaco ciroona kuxee neexehe. Asheenaꞌoo Yaariki ciino waanaa kimmiyeete.

Yaasi 6:1

Ebiyooba Yaariki asheenaꞌo Israꞌeeleenaꞌon shatoochee tiyitona, boonoshi katemee uxeree kelleenaꞌon hicciꞌiniye boonoshi beeto; katemoochee maach kechii beetonaa maaxoochee katemooch giyii beetona koniyoona aalloone.

Yaasi 6:26

Arooba Yaasi ishichiꞌi callehe: “Hini Yaariki katemoon wochinnoon shuunemmo koniyoona Doono Yeeri aafooch uppeton tunebe. Katemoon shuuneya bi baashihooba, bi gutenee bushoo qitemmone; katemee kellooch shaaqqoon bi xogihooba, guuche ciire bi bushoo qitemmone” iye.