Yaasi 15:8 - Kafa Linguistics Project

⁸ Aroochee showee dano Hinoomi bushoo bamboon dabbiꞌi, Yebuseenaꞌochi katemoo tuneti Yerusaalem beeti geppoochaa deshi-waan besheꞌi, Refayee bamboochaa deshi-waanaa tuniiꞌi, Hinoomi bamboochaa aabi-gimo waan beeti geppee cillooch shaggii beetone.

Yaasi 15:8 ပူးပေါင်းရင်းမြစ်များ

2 Saameeli 5:18

Filsixeemeenaꞌo waa Refayee bambooch shaceꞌi koteheete.

2 Saameeli 5:22

Filsixeemeenaꞌo wochinnoon waaꞌi, Refayee bambooch shaceꞌi koteheete.

2 Taateenaꞌo 23:10

Hinoomi bushoochi bambooch beeti, Tofeeti goyinnee xaaꞌoon eeꞌiihe; ebiyoo koniyoona Molookich bi bushoon woyee bi busheen bi deejjaachemmoyichiye.

1 Kiinoo 11:4

Daawitinaa Israꞌeeleenaꞌo bullina hammii Yebuseenaꞌochi beeyi xaaꞌoo tuneti Yerusaalemin kochiyeete. Yerusaalemi arooba Yebusi getteehe.

2 Kiinoo 28:3

Hinoomi bushoo bamboochaa ixaanoon shookkiye. Doono Yeeri Israꞌeeleenaꞌo aafoochee yookkii kichiti aageteenaꞌochi ciigiiti doyoon dabboona bi anaami bushiisheenaꞌon qaaqqooch goggiꞌi deejjiye.

Nehimi 11:30

Zanoohi katemoonaa bi guudoona beeti gafoonooch, Adulaami katemoonaa bi guudoona beeti gafoonooch, Lakishi katemoonaa bi goyee budinaꞌonooch, Azeqi katemoonaa bi guudoona beeti gafoonooch koteheete. Ebina Beershaabi katemoochee tiijjiꞌi Hinoomi bambooch beddaahaa koteheete.

Isiyaasi 17:5

Israꞌeeli maayi qeccecho neexeexi maayoon bi kishoona qecciꞌi yuulloon bi maciichaa echeti goyoommon, maayo butteechaa shokko echeti Refayee bamboommon tunemmone.

Erimiyaasi 19:14

Aroochee Erimiyaasi keemoon bi keemmemmoyich Doono Yeeri biin daachiiti Tofeetee waahe; Doono Yeerichi yaafee kechi addibaabooch neexeechi asho bullich ishichiye:

Erimiyaasi 19:2

Aroochee Gochee Kellee gaꞌooch beeti Hinoomi bushoo bambooch hambe; aroochaa neech ta gettemmi qaaroon gete;

Erimiyaasi 19:6

hini xaaꞌoo Guuree bamboani bi getteyemmo Tofeeti woyee Hinoomi bushoo bamboo wochinnoon bi getteyaachemmi yemeeno woyemmone, iye Doono Yeeri.

Yaasi 15:63

Tunebaani Yihudee yoodeenaꞌo Yerusaalem beeti Yebuseenaꞌon yookkii kichoon hakkaaneenaꞌone. Ebich hanaach beddaahaa Yebuseenaꞌo Yihudee asheenaꞌona tookkii Yerusaalem beetinaꞌone.

Yaasi 18:16

Aroochee Refayee bambee dambi-waani ciirooch beeti Hinoomi bushoo bambee ciinoona besheꞌi, guudi baatooch shaggiye; wotta aroochee tiijjiꞌi, Yebuseenaꞌochi katemee deshi-waan beeti sharebe showoona tuneꞌi, Hinoomi bambooch shaggii, En Rogeeli beddiye.

Woraaferasheenaꞌo 1:21

Tunebaani Biiniyaami asheenaꞌo Yerusaalem beeti Yebuseenaꞌon yookkii kichaaneenaꞌone. Ebich Yebuseenaꞌo hanaach beddaahaa Biiniyaami asheenaꞌona tookkii arooch koteꞌi beetinaꞌone.

Woraaferasheenaꞌo 1:8

Yihudi yoodee asheenaꞌo Yerusaalemin kochii yechiyeete; are katemeexi asheenaꞌon goraadoona wuxiyeete; katemoonoo qaaqqoona michiyeete.

Woraaferasheenaꞌo 19:10

Tunebaani uro arooba arooch qemon qaawaanoone; biyoo koroo haxxeti gutte bi kureenaꞌonaa bi naamacheenon yechii hammiꞌi, and Yerusaalemi getteebeeti Yebusi katemee katinooch shaggiye.