Yaasi 15:4 - Kafa Linguistics Project

⁴ Aroochee Azimoon shaggiꞌi, Gibitsee aacon dabbiꞌi, Meditiraanee baharooch shaggiye. Illa deshi-waani Yihudichi showee dano ebine.

Yaasi 15:4 ပူးပေါင်းရင်းမြစ်များ

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

1 Taateenaꞌo 8:65

Arooba Solomooni biinna tookkii beeti Israꞌeeleenaꞌo bullina tookkii, ebiyoo Hamaati katemooch beshe kaattoochee tiijjii Gibitsee aacooch beddaahaa beeti showoochee kiceeti ooge iitoona tookkii, no Nuggishoo Doono Yeeri aafooch shabaatte qemi baaroon baariye.

Keyo 23:31

“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Isiyaasi 27:12

Arooba, goyecho teepphoon kalloochee bi bariiyoommon, Doono Yeeri Efiraaxisi aacoochee tiijjii Gibitsee showee danooch beddaahaa beeti bi asheenaꞌo tuneti Israꞌeeleenaꞌon boonoshi ikkikkoona kicemmone.

Haddoo 34:5

Ebi daaro Azimoonee Gibitsee aaco waan guudi, Meditiraanee baharooch tuggemmone.

Yaasi 13:3

Aweenaꞌo showoonane. Gibitsaa aabi-keyo waan beeti Shihoori aacoochee tiijjiꞌi, dambi-waan beeti Eqirooni katemee daarooch beddaahaa beeti showoo bulli Kanaaneenaꞌo showoo tuniitaa haddeetone. Gaazi, Ashidoodi, Ashiqelooni, Gaatinaa Eqirooninooch beechii hajjiti uuche Filsixeemee taateenaꞌo beetinaꞌone.

Yaasi 15:3

Aqirabiimi deshee dambaa deshi-waanina besheꞌi, Tsiin beddiichii, Qadeesh Barinaa deshi-waanina, Hetsiroon besheꞌi Adaar shaggiichii, Karika guudditone.

Yaasi 15:47

Ashidoodinaa Gaazina, wotta boonoshi guudoona beeti, katemeenaꞌonaa gafeenaꞌonoochee tiijjiꞌi, Gibitsee aaconaa Meditiraanee baharee gashoonooch beddaahaa beeti showoonane.