Yaasi 15:13 - Kafa Linguistics Project

¹³ Yaasi, Doono Yeeri biich gettitoommon, Yihudi yoodee qoodoochee qoodiꞌi Qiriyaat Aribi getteeti Kebiroonin Yefuuni bushoo Kaaleebich immiye. Aribi Anaaqichi nihoone.

Yaasi 15:13 ပူးပေါင်းရင်းမြစ်များ

Halloo 13:18

Ebich Abraami bi duukkaanoon waaxxiꞌi tiyii qaxiriye. Hammiꞌinoo Kebirooni gaꞌooch beeti, Mamirichi gorooch shaggiꞌi, arooch kotehe. Aroochoo Doono Yeerich deejjee gudoon shuunehe.

Halloo 23:2

Kanaanee showooch beeti Qiriyaat Aribaa, ebiyoo Kebiroonaa qitiyan. Abrahami oogeton eeppii muushenehe.

2 Saameeli 2:1

Ebiyee gubb Daawiti “Yihudee katemeenaꞌoochee ikkooch hambote?” iꞌi Doono Yeerin echehe. Doono Yeeriyoo “Eeha, hambe” iye. Daawitiyoo “Aabiich hambote?” iye. Doono Yeeriyoo “Kebiroon hambe” iye.

1 Kiinoo 6:56

Tunebaani ebi katemee guudooch beeti goyee budonaa gafoona Yefuuni bushoo Kaaleebich ichehe.

2 Kiinoo 11:10

Tsoriꞌi, Ayalooninaa Kebirooninane. Ebi Yihudee showoonaa Biiniyaamee showoonooch beeti katemeenaꞌooch kupphe mishigoon shuuniihe.

Haddoo 13:30

Kaaleebi, asheenaꞌo Muusi aafoochaa cikki ellemmoyich tuniiꞌi, “Ikke wottoona tiyi keyone. Showoon woraashoyich kochaa yeshon hakkemmo noone” iye.

Haddoo 13:6

Yihudi yoodoochee Yefuuni bushoo Kaaleebi;

Yaasi 11:21

Arooba wotta Yaasi geppe showoo, ebiyoo Kebiroon, Debiirinaa Anaabinooch, ebiyoommon Yihudee showeexi geppe showoonaa Israꞌeelee showeexi geppe showoo bullinooch beeti Anaaqeenaꞌon wuxii aalliihe; boonoshi katemoo bullinoo ciroona aalliihe.

Yaasi 20:7

Ebich geppechi Nifitaalee showee daggooch, Galiilee showooch beeti Qedeeshin, geppechi Efreemee showooch beeti Shekeemin, geppechi Yihudee showooch beeti Kebirooni getteeti Qiriyaat Aribin bariiheete.

Yaasi 21:11

Geppechi Yihudee showooch beeti, Kebirooni getteeti Qiriyaat Aribinaa bi guudoona beeti miinji gaddoonane. Aribi Anaaqichi qaabbechi nihoone.

Woraaferasheenaꞌo 1:10

Boonoshiyoo Kebiroon koteti Kanaaneenaꞌon kocha hammiyeete. Aroochaa Sheshaayi, Ahimaaninaa Talimayinochi shiijjereenaꞌon kochii wochiyeete. Kebirooni arooba Qiriyaat Aribi getteehe.

Woraaferasheenaꞌo 1:20

Muusi gettitoommon tuniiꞌi, Kebiroonin Kaaleebich immiyeete. Biyoo Anaaqichi keejje bushiisheenaꞌo shiijjereenaꞌon yookkii kichiye.

1 Saameeli 30:14

Nowoo Negeebi barahooch beeti Kereetee showoon, Yihudee showoonaa Kaaleebichi showoonon kochehone. Tsiqilaaginoo qaaqqoona michiyone” iye.

1 Saameeli 30:31

Kebiroon, ebiyoommon wotta Daawitinaa bi asheenaꞌona guudditi katemeenaꞌo bulliich beetinaꞌoyich daachiihe.