Yaasi 15:11 - Kafa Linguistics Project

¹¹ Wotta showee dano Eqiroonaa dambi-waan beeti geppee gaadoona tuniiꞌi, Shikerooni katemooch guuddii, Baali guudooch besheꞌi, Yabineeli katemooch shaggii beetone; aroochee danee ciiro Meditiraanee baharooch neexehe.

Yaasi 15:11 ပူးပေါင်းရင်းမြစ်များ

2 Taateenaꞌo 1:16

Aroochee taatoyich, “Doono Yeeri ishichiye: ‘Eqirooni katemee nuggishoo Baꞌaal Zebuubin echii waayoyich wocheyechinaꞌon ne daachiito, Israꞌeelee showooch Nuggishoo aalletenane? Ebin ne tuniitoyich, ne qeyeti qeenoochee tiyaachemmo neene. Iberoochaa qitemmo neene’ itone” iye.

2 Taateenaꞌo 1:6

Boonoshiyoo biich, “Ikke uro noonna daneya waaꞌi, ‘Hambote; ittoshin wocheti taatoo waan wotteree, Doono Yeeri ishichiye: “Eqirooni katemee nuggishoo Baꞌaal Zebuubin echii waayoyich wocheyechinaꞌon ne daachiito, Israꞌeelee showee daggooch Nuggishoo aalletenane? Ebich ne qeyeti qeenoochee tiyaachemmo neene. Iberoochaa qitemmo neene” itone getote’ iye” iyeete.

2 Kiinoo 26:6

Uziyaahi hammiꞌi, Filsixeemeenaꞌona koyehe. Gaati uxeroon, Yabineehi uxeroonaa Ashidoodi uxeroonon happiye. Ashidoodi gaꞌooch beeti showoonaa Filsixeemee showoonoochoo katemeenaꞌon shuunehe.

Haddoo 34:6

“ ‘Aabi-gimo waani ittoshi daaro Meditiraanee baharo tunemmone. Aabi-gimo waani ittoshi daaro ebine.

Yaasi 15:10

Aroochee Baalaa aabi-gimo waanaa tuniiꞌi, Seyiree guudooch guuddii, Kesalooni getteeti Yeꞌariimi guudoochee dambi-waani gaadooch besheꞌi, dugilla Beet Shemeeshi katemooch shaggii, Timinaahi katemee gaꞌoona beshee beetone.

Yaasi 15:12

Aabi-gimo waani bi dano Meditiraanee baharee gocone. Illa Yihudi yoodoochi yari yaree showee dano ebine.

Yaasi 15:45

Wotta Eqirooni, bi guudoona beeti katemeenaꞌonaa gafeenaꞌonane; Eqiroonee tiijjiꞌi, Meditiraanee baharooch beddaahaa Ashidoodi gaꞌooch beeti katemeenaꞌo bullinaa ebi katemeenaꞌochi guudoona beeti gafeenaꞌonane.

Yaasi 15:9

Aroochee daakkiꞌi guudi toommoochee tiyiꞌi, Nefitoohi aachi xuupheenaꞌooch, wotta Efirooni guudi gaꞌooch beeti katemeenaꞌooch shaggiꞌi, Qiriyaat Yeꞌariimi getteeti Baali katemooch guuddii beetone.

Woraaferasheenaꞌo 1:18

Yihudi yoodo Gaazin, Ashiqelooninaa Eqirooninon, ebi katemeenaꞌochi guudoona beeti showoona tookkii yechiye.

1 Saameeli 17:52

Israꞌeeleenaꞌonaa Yihudee asheenaꞌona kokkorii cookiibee Gaat beddaahaa, wotta Eqirooni katemee kellooch beddaahaa yookkii dabbiyeete. Shaꞌarayimi katemooch daammiibeeti gommooch beeti Gaatinaa Eqirooninooch beddaahaa Filsixeemeenaꞌo dubeno dihiꞌi beehe.

1 Saameeli 5:10

Ebich Yeerichi taabootoon Filsixeemeenaꞌochi bare katemoo tuneti Eqiroon daachiiheete. Tunebaani Yeerichi taabooto Eqiroon waammona, are katemeexi asheenaꞌo “Israꞌeelee Nuggishoochi taabootoon no waan boonoshi deebito, noonnaa no asheenaꞌonon wuxii aalliyoyichiye” iꞌi cookiyeete.

1 Saameeli 5:8

Ebina Filsixeemee taateenaꞌo bullin boonoshi waan ceeggii ikkooch kiciꞌi, “Israꞌeelee Nuggishoochi taabootoon aabichibona?” iyeete. Boonoshiyoo “Israꞌeelee Nuggishoochi taabootoon Gaat daambote” iyeete. Ebich Israꞌeelee Nuggishoochi taabootoon Filsixeemeenaꞌochi bare katemoo tuneti Gaat daammiyeete.

1 Saameeli 7:14

Filsixeemeenaꞌo Israꞌeeleenaꞌo waanee deqqiti, Eqiroonee tiijjiꞌi Gaat beddaahaa beeti katemeenaꞌo Israꞌeeleenaꞌoyich wotteheete. Wotta Israꞌeeleenaꞌo ebi katemeenaꞌochi guudoona beeti boonoshi showoon Filsixeemeenaꞌo kishoochee wochiiheete. Arooba Israꞌeeleenaꞌonaa Amooreenaꞌonochi daggooch shunoo beetone.