Yaasi 14:6 - Kafa Linguistics Project

⁶ Arooba Yihudee asheenaꞌo Galigalaa Yaas waan giddeheete. Boonoshi daggoochee Qenizi yaroo tuneti, Yefuuni bushoo Kaaleebi Yaasich ishichiye: “Yeer asho Muusich Qadeesh Barinaa neennaa taannochon Doono Yeeri gettiton ariyaabeeto neene.

Yaasi 14:6 ပူးပေါင်းရင်းမြစ်များ

1 Taateenaꞌo 13:1

Yeroboꞌami ixaanoon shookka deejjee gudee gaꞌooch neexee bi beetaa, ikke Yeer asho Doono Yeeri gettiti qaaroona Yihudee showoochee Beeteel waahe.

1 Taateenaꞌo 13:14

are Yeer ashoon dabbiye. Aroochee ikke ooge michi baatooch kotee bi beetaa daneꞌi, “Yihudee showoochee waati, Yeer asho, neene?” iꞌi echehe. Uroo, “Eeha taane” iꞌi wochiye.

2 Taateenaꞌo 4:16

Elisayiyoo ureyich, “Waabeeti natooch, ebi goora anaami bushoon shiyiree tiqqemmi neene” iye. Ureyoo, “Ebi toonoone, Yeer ashoocho, ta doonocho, ne gonnee taach koottaahine” iyan.

2 Taateenaꞌo 4:42

Ikke areddoon ikke uro Baꞌaal Shalishee qaabbe maayoochee kachiti, hiye xekee sheqee koshonaa maayi moochoonon bi mollexxoona yechii, Yeer asho waan waahe. Elisayiyoo bi aafee bushoyich, “Boonoshi maayemmoyich, asheenaꞌoyich imbe” iye.

2 Taateenaꞌo 4:9

Ureyoo bi kenoyich, “Ebi wochii wochii no maaxona besheebeeti uro yaafeeti, Yeer asho bi tunoon ariiti taane.

2 Taateenaꞌo 8:11

Hazaheeli yeellemmi wottoon, koyikoyaayiꞌi Elisayi biin ciinniye. Aroocheenoo Yeer asho girgittii eeppiye.

2 Taateenaꞌo 8:7

Elisayi Damaasiqa hammiye. Ebiyooba Sooriyee taatoo Been Hadaadi biiyetone. Taatoyichoo, “Yeer asho hiniich waatone” iꞌi gettiyeete.

1 Kiinoo 23:14

Yeer asho Muusichi anaami bushiisheenaꞌoo Leweenaꞌona tookkii haddeeheete.

Shoddo 90:1

Doono Yeero, shiijjeroochee shiijjerooch beddaahaa, ne nooch deebo neene.

Erimiyaasi 35:4

Yeer asho tuneti Igidalichi bushoo Hanaani bushiisheenaꞌochi gatooch, Doono Yeerichi yaafee kexooch boonoshin deebo; ebi gato bi beeto iraasheenaꞌochi gatee gaꞌooch, kellechi Shaluumichi bushoo Maseyaahichi gatoyee dambane.

Haddoo 13:26

Qiiddechinaꞌo Muusi, Harooninaa Israꞌeeleenaꞌochi iitoo bullina beeti Faraani barahooch, Qadeesh waaheete. Woroonoo boonoshinaa iitoo bullinoyich gettiyeete. Are showeexi manjeebeeti michi aafoon boonoshich bekkiiheete.

Haddoo 13:30

Kaaleebi, asheenaꞌo Muusi aafoochaa cikki ellemmoyich tuniiꞌi, “Ikke wottoona tiyi keyone. Showoon woraashoyich kochaa yeshon hakkemmo noone” iye.

Haddoo 13:6

Yihudi yoodoochee Yefuuni bushoo Kaaleebi;

Haddoo 14:24

Tunebaani ta guuno Kaaleebi bariti ayaano biich bi beetoyich, ceeni mulloona taan bi dabbitoyich, hammii bi beeggiti showooch biin giijjemmo taane; bi shiijjereenaꞌoo woraashemminaꞌone.

Haddoo 14:30

Ittoshich imma ta wogeti showooch Yefuuni bushoo Kaaleebinaa Nuuni bushoo Yaasinoyee besh, ittoshi daggoochee ikkolla giyaachemmone.

Haddoo 14:6

Showoon qiidditinaꞌo daggoochee Nuuni bushoo Yaasinaa Yefuuni bushoo Kaaleebina boonoshi tahoon keexxiyeete.

Haddoo 26:65

Ebiyoo Doono Yeeri “Barahoochaa qitemminaꞌone” bi itoyich, Yefuuni bushoo Kaaleebinaa Nuuni bushoo Yaasinoyee besh, boonoshi daggoochee ikke asholla echeyaanoone.

Haddoo 32:12

Boonoshi ceeni mulloona Doono Yeeri taan dabbiti, Qenizee asho Yefuuni bushoo Kaaleebinaa Nuuni bushoo Yaasinoyee besh boonoshi daggoochee ikkolla beegaachemmone’ iye.

Yibbaatoo 33:1

Yeer asho Muusi bi qitoyee shiichiꞌi, Israꞌeeleenaꞌon bi diiriti diiroo ebine.

Yibbaatoo 34:10

Doono Yeeri biinna tookkii baroona daneꞌi yibbaateti, Muusiyoommi keemecho aroyee gubb Israꞌeelee showooch ciroona tiyaanoone.

Yibbaatoo 34:5

Ebina Doono Yeeri gettitoommon, Doono Yeeri guuno Muusi ebi are Moꞌabee showoochaa qitiye.

1 Ximootiyoosi 6:11

Tunebaani haano Yeerichi ashoocho, ebi mooyo bulliichee wohe. Cadiqoon, Yeerin oogiibeeti beemon, Kiristoosi toommooch mullee tooꞌiyoona manjoon, maneenaꞌon shunon, haaꞌiyoon, shiimecho tunoonoo dabbiree yeshe.

2 Ximootiyoosi 3:17

Ebina Yeerich maddeebeeti asho deꞌe shuunoo bullin shuunoyich bedditonaa qannitonon tunemmone.

Yaasi 10:43

Ebiyee gubb, Yaasi Israꞌeelee ginechinaꞌo bullina tookkii Galigala beeti, kaambooch wottehe.

Yaasi 14:14

Ebina Israꞌeelee Nuggishoo Doono Yeerin mulloochee tiijjiꞌi bi dabbitoyich, Kebirooni Qenizi yaroo tuneti, Yefuuni bushoo Kaaleebichi iristo tunehe. Hanaach beddaahaa bi shiijjereenaꞌo arooch beetinaꞌone.

Yaasi 15:17

Ebich Kaaleebi manoochi bushoo Otineeli are katemoon kochii yechiye. Biyoo Qenaazi bushoone. Kaaleebiyoo bi bushee Akisaahin biich immiye.

Yaasi 4:19

Ikkinnee ageno giyiti aashirinnee qemooba, asheenaꞌo Yoordaanoosin kimmiꞌi, Yaarikaa aabi-keyo waani gocooch, Galigala boonoshi kaamboon geddii koteheete.