Yaasi 13:5 - Kafa Linguistics Project

⁵ Gebaaleenaꞌo showoonaa Hermooni guudi baatooch beeti Baꞌaal Gaadee tiijjiꞌi, Hamaat beshe kaattooch beddaahaa beeti, aabi-keyo waan beeti Libanoosee showoo bullinane.

Yaasi 13:5 ပူးပေါင်းရင်းမြစ်များ

1 Taateenaꞌo 5:18

Kechi haggechi, Solomooninaa Kiraaminochi asheenaꞌonaa Gebaalee asheenaꞌona yaafee kechi shuunoyich qaawiibeeti mixon boorii xariꞌi, xaqqoonoo baddeꞌi qanniiheete.

1 Taateenaꞌo 8:65

Arooba Solomooni biinna tookkii beeti Israꞌeeleenaꞌo bullina tookkii, ebiyoo Hamaati katemooch beshe kaattoochee tiijjii Gibitsee aacooch beddaahaa beeti showoochee kiceeti ooge iitoona tookkii, no Nuggishoo Doono Yeeri aafooch shabaatte qemi baaroon baariye.

Shoddo 83:7

Gebaaleenaꞌo, Amooneenaꞌonaa Amaleeqeenaꞌona, Filsixeemeenaꞌonaa Xirooseenaꞌonane.

Isiyaasi 10:9

Karikemishin no aalliyoommon Kalinoonin aalliito noone; Arifaadin no aalliyoommon Hamaatin aalliito noone; Damaasiqin no aalliyoommon Shamaarin aalliito noone.

Erimiyaasi 52:9

Aroochee taatoon yechiꞌi, Baabloonee taatoo waan Hamaatee showooch beeti Ribili katemooch deebiyeete. Aroochaa Nabukadinatsori bi toommooch nalliye.

Hiziqeeli 27:9

Ne daggooch beeti ariyechi Gebaalee geeneenaꞌo ne tiishoon qeerii beetinaꞌone; markabechinaꞌo bulli markaboona ne waan waaꞌi, neenna tookkii giixee beeheete.

Amootsi 6:2

Ittoshiyoo ittoshi asheenaꞌoyich, “Eke Kalini katemooch hambote; aricheti katemoo tuneti Hamaat hambote; wotta Filsixeemeenaꞌochi katemoo tuneti Gaat hambote. Ebi areenaꞌo Yihudee showoonaa Israꞌeelee showoonoyee besheheete? Boonoshi showoo ittoshi showoyee beshehe?” iyote.

Haddoo 13:21

Ebich kechii hammiꞌi, showoon Tsiini barahoochee tiijjii, Hamaat beshe kaattooch beeti Rehoob beddaahaa qiiddiyeete.

Haddoo 34:8

Ebiyoommon wotta Hoori guudoochee Hamaati katemooch beshe kaattooch beddaahaa malletoon gedote. Aroochee ebi daaro Tsedaad beddemmone.

Yibbaatoo 1:7

Tiyi qaxiribote. Geppechi Amooreenaꞌo showoonaa bi guudoona beeti showoo bullinooch hambote. Yoordaanoosi bambooch, geppe showoonaa worebe showoonooch, Negeebi barahoonaa Meditiraanee baharee gashoonooch hambote. Kanaaneenaꞌo showoo bulliich, Libanoosi guudinaꞌonaa Efiraaxisi ooge aaconooch beddaahaa qaxiribote.

Yibbaatoo 3:25

Yoordaanoosin kimiree, gaawe showoon, geppechi gaawe showoonaa Libanoosi guudonon ta beeggemmoyich neen qollehoye’ iyo.

Yaasi 11:17

Ebiyoommon Seyiree showee gaꞌooch beeti Halaaqi guudoochee tiijjiꞌi, Hermooni guudi baatooch beeti Libanoosi bambooch beeti Baꞌaal Gaad beddaahaa beeti showoo bullin kochii yechiye. Boonoshi taateenaꞌo bullin yechiye; eboshinoo qeccee wuxiye.

Yaasi 11:3

Wotta aabi-keyo waaninaa aabi-gimo waanina beeti Kanaaneenaꞌo waan, Amooreenaꞌo waan, Hiteenaꞌo waan, Ferizeenaꞌo waan, geppe showooch beeti Yebuseenaꞌo waan, ebiyoommon wotta Hermooni guudi baatooch, Mitsiphee showooch beeti Hiweenaꞌo waan wochoon daachiihe.

Yaasi 12:7

Yaasinaa Israꞌeeleenaꞌona kochii wochiti taateenaꞌo, Yoordaanoosi aacoochaa aabi-gimo waan, Libanoosi bambee daggooch beeti Baꞌaal Gaadee tiijjiꞌi, Seyiree showee gaꞌooch beeti Halaaqi guudooch beddaahaa beeti showoo bullin hajjiti taateenaꞌone. Yaasiyoo ebi taateenaꞌo showoon qoodii, Israꞌeeleenaꞌoyich boonoshi yoodi yoodoona maaccitone.