Yaasi 13:3 - Kafa Linguistics Project

³ Aweenaꞌo showoonane. Gibitsaa aabi-keyo waan beeti Shihoori aacoochee tiijjiꞌi, dambi-waan beeti Eqirooni katemee daarooch beddaahaa beeti showoo bulli Kanaaneenaꞌo showoo tuniitaa haddeetone. Gaazi, Ashidoodi, Ashiqelooni, Gaatinaa Eqirooninooch beechii hajjiti uuche Filsixeemee taateenaꞌo beetinaꞌone.

Yaasi 13:3 ပူးပေါင်းရင်းမြစ်များ

Halloo 10:6

Kaami bushiishoo: Kushi, Mitsirayimi, Fuuxinaa Kanaaninane.

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

1 Taateenaꞌo 8:65

Arooba Solomooni biinna tookkii beeti Israꞌeeleenaꞌo bullina tookkii, ebiyoo Hamaati katemooch beshe kaattoochee tiijjii Gibitsee aacooch beddaahaa beeti showoochee kiceeti ooge iitoona tookkii, no Nuggishoo Doono Yeeri aafooch shabaatte qemi baaroon baariye.

1 Kiinoo 13:5

Ebich Daawiti taabootoon Qiriyaat Yeꞌariimee deeboyich Gibitsee danooch beeti Shihooree tiijjii Hamaati katemooch beshe kaattooch beddaahaa koteti Israꞌeelee asho bullin kiciye.

Isiyaasi 23:3

Shihoori maayo, Abbaayi aachi gashoochee qecheti maayo, wodde aacinaꞌo toommona waaꞌi neech giyii beehe; newoo aageteenaꞌoyich giixee xaaꞌee tunehine.

Erimiyaasi 2:18

Sihoori aacon uyoyich Gibitsee showooch ne hammeto amoon daneyane? Efiraaxisi aacon uyoyich Asooree showooch ne hammeto amoon daneyane?

Yibbaatoo 2:23

Meditiraanee baharee gashoona Gaaza beddaahaa beeti showooch koteti Aweenaꞌo toommooch shaggito, ebiyoommi mooyone. Kafitooree showoochee waati Kafitooreenaꞌo boonoshin aalliiꞌi, boonoshi showoon woraashiyeete.

Yaasi 13:13

Tunebaani Israꞌeeleenaꞌo Geshuureenaꞌonaa Maꞌakeenaꞌonon boonoshi showoochee yookkii aalliyaaneenaꞌo boonoshi tunetoyich, hanaach beddaahaa Israꞌeeleenaꞌo daggooch beetinaꞌone.

Woraaferasheenaꞌo 16:5

Filsixeemee taateenaꞌo ure waan hammiꞌi, “Ebi shaahoon giidecho bi tuneto amoona gaata, nowoo biin giishiyoyich, cuyiree aabichi no kishooch biin no dichemmo gaata, biin dachoona eche waayebe. Ebin ne tuniigaata, no ikkikkoona humaa ikke balle sheqeelee birewoon neech immemmo noone” iyeete.

1 Saameeli 5:1

Filsixeemeenaꞌo Yeerichi taabootoon boonoshi keccitoyee gubb, Ebenezeeree Ashidood shaaggiꞌi daammiyeete.

1 Saameeli 5:10

Ebich Yeerichi taabootoon Filsixeemeenaꞌochi bare katemoo tuneti Eqiroon daachiiheete. Tunebaani Yeerichi taabooto Eqiroon waammona, are katemeexi asheenaꞌo “Israꞌeelee Nuggishoochi taabootoon no waan boonoshi deebito, noonnaa no asheenaꞌonon wuxii aalliyoyichiye” iꞌi cookiyeete.

1 Saameeli 5:8

Ebina Filsixeemee taateenaꞌo bullin boonoshi waan ceeggii ikkooch kiciꞌi, “Israꞌeelee Nuggishoochi taabootoon aabichibona?” iyeete. Boonoshiyoo “Israꞌeelee Nuggishoochi taabootoon Gaat daambote” iyeete. Ebich Israꞌeelee Nuggishoochi taabootoon Filsixeemeenaꞌochi bare katemoo tuneti Gaat daammiyeete.

1 Saameeli 6:4

Asheenaꞌoo “Xuꞌoyich tunemmi, no daachiyemmi nummoo, amoone?” iꞌi echeheete. Boonoshiyoo ishichiyeete: “Ittoshinaa ittoshi taateenaꞌonon yexxiti naxo ikkoo bi tunetoyich, Filsixeemee taateenaꞌochi haddoona, gaaboon shaahiitaa aachoochee shuuneeti uuche mooyonaa aachoochee shuuneeti uuche iiccoonon daachiibote.