Yaasi 13:27 - Kafa Linguistics Project

²⁷ Wotta Heshiboni katemoochaa taateti, Amooreenaꞌo taatoo Sihooni hajjiti showoon, ebiyoo Yoordaanoosi bambee daggooch beeti, Beet Haraami, Beet Nimiraahi, Sukootinaa Tsafooninane. Aabi-gimo waani boonoshi showee daaro Kinerootee baharooch beddaahaa beeti Yoordaanoosine.

Yaasi 13:27 ပူးပေါင်းရင်းမြစ်များ

Halloo 33:17

Tunebaani Yaaqobi Seyir hamaanoon, Kanaanee showooch beeti, Sukoot hammiye. Arooch biich kexon haggiye; bi gijjeenaꞌoyichoo bashoon bashiye. Ebich ebi xaaꞌoo, Sukooti getaa shigehe.

1 Taateenaꞌo 7:46

Taatoo Solomooni eboshin bi shuuniito, Yoordaanoosi bambeexi Sukootinaa Tsaretaaninochi gutte daggooch beeti, nuuqqoo acheebeeti xaaꞌoochaanane.

Shoddo 60:6

Yeeri bi yaafee kexoochaa ishichiye: “Emiroona Shekeemin qeellemmo taane; Sukooti bamboon qoodemmo taane.

Haddoo 32:3

“Doono Yeeri Israꞌeeleenaꞌo koyi yechemmoyich tuniiti showeexi katemeenaꞌo, Axarooti, Diibooni, Yazeeri, Nimiraahi, Heshiboni, Elaleehi, Sebaami, Neebinaa Beꞌoonina gijjoyich gaawetinaꞌone. Ne guunoo noochoo meeti gijjoo beetone.

Haddoo 32:36

Beet Nimiraahinaa Beet Haraaninon xaqqee uxerechi katemoo tuniiꞌi shuuneheete. Miinji maggoonoo shuuneheete.

Haddoo 34:11

Ebi daaro Shefaamee tiyi Ayinaa aabi-keyo waan beeti Ribila beddaahaa kindiree, Kinerootee baharoyee aabi-keyo waan beeti geppooch shaggemmone.

Luqaasi 5:1

Ikke areddoon Yesuusi Genshareexee baharee gashooch neexee beehe; ebi baharee gashooch beeti gutte gishiishi markabeenaꞌon beeggiye. Haashe yesheenaꞌoo aroochee kindiꞌi boonoshi haashe yeshe dabboon aacona machii beeheete. Arooba arooch wotta dofee asheenaꞌo Yeerichi qaaroon waayoyich Yesuusin guuddiꞌi xuꞌee beeheete.

Yibbaatoo 3:17

Ebi keejje yoodeenaꞌo showee daaro aabi-gimo waanaa Yoordaanoos aacooch bedoone. Wotta dambi-waanaa Kinerootee baharoochee tiijjiꞌi deshi-waan dugilla beeti Kiikki baharoonaa aabi-keyo waan beeti Fisigi guudi baatoonooch beddaahaa bedoone.

Yaasi 11:2

Ebiyoommon wotta dambi-waan beeti geppe showooch, Kinerootee baharoochee deshi-waan beeti Yoordaanoosi bambooch, worebe showoonaa aabi-gimo waan Doori katemee gaꞌooch beeti baharee gasheexi showoonooch beeti taateenaꞌo waan wochoon daachiihe.

Yaasi 12:3

Ebiyoommon Kinerootee baharoochee tiijjiꞌi, aabi-keyo waan beeti Kiikki baharee gaꞌooch beeti, Beet Yeshimooti katemoonaa aroochee deshi-waan beeti, Fisigi guudi baatoonooch beddaahaa beeti Yoordaanoosi bamboo bullin hajjitone.

Yaasi 13:26

Heshibonee tiijjiꞌi, Ramaat Mitsiphinaa Betoniiminooch beddaahaa beeti showoonaa Mahanayimee tiijjiꞌi Debiiree showee daarooch beddaahaa beeti showoonane.

Yaasi 13:28

Gaadi yoodo boonoshi yari yaroona boonoshi maacheti showoo, are showooch beeti katemeenaꞌonaa ebi katemeenaꞌochi guudoona beeti gafeenaꞌona eboshine.