Yaasi 13:14 - Kafa Linguistics Project

¹⁴ Muusi Lewi yoodoyich iristoon imaanoone. Doono Yeeri Muusich bi gettitoommon, boonoshi iristo Israꞌeelee Nuggishoo Doono Yeerich michaa giddeebeeti deejjoone.

Yaasi 13:14 ပူးပေါင်းရင်းမြစ်များ

Hiziqeeli 44:28

“Ta, qeesheenaꞌoyich iristo ta tunetoyich Israꞌeelee daggooch boonoshich showoon immaahote; ta boonoshich iristo taane.

Hiziqeeli 44:29

Maayi buuroon, axaaxee deejjoonaa xuꞌee deejjoonon maayemminaꞌone; Israꞌeeleenaꞌo daggoochee bariitaa taach kechiti mooyo bulli boonoshicho tunemmone.

Yibbaatoo 10:9

Ebich Lewi yoodoyich bi maneenaꞌo daggooch bi qoodoo woyee iristo aalloone. Ne Nuggishoo Doono Yeeri biich bi gettitoommon, bi iristo Doono Yeerine.

Yibbaatoo 12:12

Aroochaa ittoshi anaami bushiishoonaa ittoshi maache bushiishoona tookki, ittoshi guuninaꞌonaa ittoshi gonneenaꞌona tookki, wotta boonoshi qoodeeti woyee woraashiti showoo aallo bi tunetoyich, ittoshi beeti katemeenaꞌooch koteti Lewee asheenaꞌona tookki, Doono Yeeri aafoochaa emiribote.

Yibbaatoo 12:19

Ne showooch ne beemmi yemeeno bullin, Lewee ashoon ne dufaachemmoyich ne qelloon ariibe!

Yaasi 13:13

Tunebaani Israꞌeeleenaꞌo Geshuureenaꞌonaa Maꞌakeenaꞌonon boonoshi showoochee yookkii aalliyaaneenaꞌo boonoshi tunetoyich, hanaach beddaahaa Israꞌeeleenaꞌo daggooch beetinaꞌone.

Yaasi 13:15

Muusi Roobeeli yoodoyich boonoshi yari yaroona boonoshi qoodee showoon qoodiꞌi, maacciye.

Yaasi 13:33

Tunebaani Lewi yoodoyich Muusi iristoon imaanoone. Doono Yeeri boonoshich bi gettitoommon, Leweenaꞌochi iristo Israꞌeelee Nuggishoo Doono Yeerine.

Yaasi 18:7

Tunebaani Leweenaꞌo Doono Yeerich boonoshi maddeebeeti qeeshittinee maddoo boonoshi qoodoo bi tunetoyich, ittoshi daggoochee showee qoodoon daneyaachemminaꞌone. Gaadinaa Roobeelinochi yoodeenaꞌoyich, wotta Minaasi yoodoochee qatinaꞌoyich, Doono Yeeri guuno Muusi Yoordaanoosi aacoochaa aabi-keyo waanee boonoshi qoodee showoon shiichiꞌi boonoshich immitone” iye.