Yaasi 13:11 - Kafa Linguistics Project

¹¹ Wotta Gilaadee showoo, Geshuureenaꞌo showoonaa Maꞌakeenaꞌo showoona, Hermooni guudo bullinaa Saleeki katemooch beddaahaa beeti Bashaanee showoo bullinoniye.

Yaasi 13:11 ပူးပေါင်းရင်းမြစ်များ

Halloo 37:25

Maayoon maaya koteechii, wokkii ciinniꞌi, Gilaadee showoochee waabeeti, giixechi Ishmaꞌeeleenaꞌon beeggiyeete. Ebi are giixechinaꞌo shitto, huuteebeeti attoonaa hareboonon boonoshi gaaleenaꞌooch xaaniꞌi, Gibitsee showooch dugilla hammii beeheete.

1 Kiinoo 2:23

Tunebaani Geshuuree taatoonaa Araamee taatoona Yaꞌiiri gafoon, Qenaatinaa bi guudooch beeti gafoonon geddiꞌi shiche gishiishi katemoon kochiꞌi yechiyeete. Ebi arooch beetinaꞌo Gilaadi nihoo Makirichi shiijjereenaꞌone.

1 Kiinoo 5:11

Gaadi yoodo Roobeeli yoodoochi ciinooch, ebiyoo Saleeki katemooch beddaahaa beeti Bashaanee showooch kotehe.

Haddoo 32:29

“Gaadi yoodoonaa Roobeeli yoodoona boonoshi ikkikkoona ginooch qanniree Doono Yeeri aafooch ittoshina tookki Yoordaanoosin kimmemminaꞌo boonoshi tunegaata, showoon kochiꞌi ittoshi yeshigaata, Gilaadee showoon boonoshich iristo tunii imbote.

Yibbaatoo 3:10

Nowoo Bashaanee taatoo Oogichi showoo bullin yechehon. Ebiyoo guudi toommeexi naqqe showooch beeti katemeenaꞌo bullin, Saleeki katemoonaa Edireyi katemoonooch beddaahaa beeti Gilaadee showoonaa Bashaanee showoononiye” iye.

Yaasi 11:3

Wotta aabi-keyo waaninaa aabi-gimo waanina beeti Kanaaneenaꞌo waan, Amooreenaꞌo waan, Hiteenaꞌo waan, Ferizeenaꞌo waan, geppe showooch beeti Yebuseenaꞌo waan, ebiyoommon wotta Hermooni guudi baatooch, Mitsiphee showooch beeti Hiweenaꞌo waan wochoon daachiihe.

Yaasi 13:10

Ebiyoommon wotta Heshiboni beechii qeejjiti, Amooneenaꞌo showee daarooch beddaahaa hajjiti, Amooreenaꞌo taatoo Sihoonichi katemeenaꞌo bulliniye.

Yaasi 13:2

“Yecheyaanoon batt echeti showoo ebine: Filsixeemeenaꞌo showoo bulli, Geshuureenaꞌo showoo bullinaa

Yaasi 13:25

Boonoshi showoo, Yazeeri katemoonaa Gilaadee showooch beeti katemeenaꞌo bullina, Raabi katemoochaa aabi-keyo waan beeti, Aroꞌeeri katemooch beddaahaa beeti Amooneenaꞌo showee qato,

Yaasi 17:5

Ebina Minaasi yoodoyich aashire kishee showoo ichehe. Ebiyoo Yoordaanoosi aacoochaa aabi-keyo waan beeti Gilaadee showoonaa Bashaanee showoonoyee baroone.

1 Saameeli 13:7

Boonoshi daggoochee ikkikkeenaꞌo Yoordaanoosin kimmiꞌi Gaadee showoonaa Gilaadee showoonooch hammiyeete. Tunebaani Saaꞌooli andoo Galigaliye bi beeto. Biinna tookkii beeti ginee naayinaꞌo shatoochee tiyitona qewee beeheete.