Yaasi 12:2 - Kafa Linguistics Project

² Heshibon beechii qeejjiti, Amooreenaꞌo taatoo Sihooni, Arinooni bambee gocooch beeti Aroꞌeeri katemoonaa bambee daggoochee tiijjiꞌi, Amooneenaꞌochi daaro tuneti Yaabooqi aacooch beddaahaa beeti showoonon hajjitone; ebiyoo Gilaadee showee qatone.

Yaasi 12:2 ပူးပေါင်းရင်းမြစ်များ

Halloo 32:22

Arooba xumoona Yaaqobi tiyiꞌi, bi gutte mecheenaꞌonaa bi gutte gonneenaꞌonon, aaraa ikke bi anaami bushiishoonoo yechii Yaabooqi aacon kimmiye.

1 Kiinoo 5:8

Yoꞌeelichi yaroo, Shemayi bushoochi bushoo, Azaazi bushoo Belaahinane. Bi yareenaꞌo koteto Aroꞌeer, wotta aroochee tiijjiꞌi Neebinaa Baꞌaal Meꞌooninooch beddaahaa beeti showoochiye.

Nehimi 9:22

“Taatittineenaꞌonaa aageteenaꞌonon beshii immaꞌa, wohooch beeti showee danoon boonoshicho tuniihine. Heshiboni katemooch koteechii hajjiibeeti, taatoo Sihooni showoon, Bashaanee taatoo Oogi showoonoo woraashiyeete.

Shoddo 135:11

Amooreenaꞌochi taatoo Sihoonin, Bashaanee taatoo Oogin Kanaanee taateenaꞌo bullin wuxiye;

Erimiyaasi 48:19

Aroꞌeer beetinaꞌote, gommi gashooch neexaachi ciinote! Woccii beetonaa muriccaa beetinon ‘Amo shaggiye?’ geti echebote.

Yibbaatoo 1:4

Ebiyoo bi tuneto, Muusi Heshibon beechii qeejjiti, Amooreenaꞌo taatoo Sihooninaa Ashitarooti katemoonaa Edireyi katemoonooch beechii qeejjiti, Bashaanee taatoo Ooginon kochii wochiꞌi bi wottetoyee gubbiye.

Woraaferasheenaꞌo 11:13

Amoonee taatoo wocheyechinaꞌoyich ishichiye: “Ebin ta tuniyaabeeto, Israꞌeeleenaꞌo Gibitsee kechiꞌi boonoshi waa beehooba, Arinooni aacoochee tiijjiꞌi Yaabooqi aaconaa Yoordaanoosi aaconooch beddaahaa beeti ta showoon boonoshi deqqitoyichiye. Illa and diggoona wochibote” iye.

Woraaferasheenaꞌo 11:22

Arinooni aacoochee Yaabooqi aacooch beddaahaa, wotta barahoochee Yoordaanoosi aacooch beddaahaa beeti Amooreenaꞌo showoo bullin woraashiyeete.