Yaasi 11:3 - Kafa Linguistics Project

³ Wotta aabi-keyo waaninaa aabi-gimo waanina beeti Kanaaneenaꞌo waan, Amooreenaꞌo waan, Hiteenaꞌo waan, Ferizeenaꞌo waan, geppe showooch beeti Yebuseenaꞌo waan, ebiyoommon wotta Hermooni guudi baatooch, Mitsiphee showooch beeti Hiweenaꞌo waan wochoon daachiihe.

Yaasi 11:3 ပူးပေါင်းရင်းမြစ်များ

Halloo 31:49

Labaani daakkiꞌi ishichiye: “Barbaraꞌa no beehooba, Doono Yeeri neennaa taanna daggooch mooyo tiyaachemmoyich quyebe” iꞌi ebi are xaaꞌoon, “Mitsiphi” ii ceeggiye.

2 Saameeli 24:16

Doono Yeerichi maraakoo Yerusaalemin aalliiya bi kishoon bi yaggimmona Doono Yeeri ebi qaaꞌi mooyoyich ayiniꞌi, ebi aalliibeeti maraakoon, “Beddiye; ne kishoon wochibe” iye. Areegaata, are maraakoo beeto, Yebusee asho Orinaani maayi buchi xaaꞌee gaꞌoochiye.

2 Saameeli 24:7

Aroochee deshi-waan beeti, xaqqee uxerechi Xiroosi katemooch, Hiwee showoonaa Kanaanee showoonooch beeti katemeenaꞌo bulliich hammiyeete. Ciiroochaa Yihudee showoochaa deshi-waan beeti Beershaab shaggiyeete.

1 Taateenaꞌo 15:22

Aroochee taatoo Aasi, ikke asholla echeyaachemmoyich, Yihudee showoo bulliich awaajjoon gettiihe. Asheenaꞌo Baꞌaashi mishigoon shuunoyich Raama bi kiciti xaqqoonaa mixonon qacciyeete. Taatoo Aasiyoo eboshina Mitsiphi katemoonaa Biiniyaamee showooch beeti Geebi katemoonooch mishigoon shuunehe.

1 Taateenaꞌo 9:20

Israꞌeeleenaꞌo tuneyaani asheenaꞌon, eboshiyoo Israꞌeeleenaꞌo boonoshin aalliyoon mawiiti, boonoshi showoochoo echeti, Amooreenaꞌochi, Hiteenaꞌochi, Ferizeenaꞌochi, Hiweenaꞌonaa Yebuseenaꞌonochi shiijjereenaꞌon Solomooni maddee maddechinaꞌo tuniihe; boonoshiyoo hanaach beddaahaa guuninaꞌone.

Shoddo 133:3

Hermooni guudi toommooch kindiibeeti doshoo (caagibano), Tsiyooni guudi toommooch kindoommone. Ebiyoo Doono Yeeri bi diiroon, kashoonoo bulli yemeenoon arooch bi tuniitoyichiye.

Shoddo 89:12

Dambi-waaninaa deshi-waaninon hallito neene; Taaboorinaa Hermoonina ne shigoyich emiroona shoddeheete.

Solomooni 4:8

Ta woꞌeene, Libanoosee taanna tookki hambone; Libanoosee taanna tookki hambone. Daahereenaꞌochi gofo, maaheenaꞌochi guudo tuneti, Amaani guudoochee, Seniiri guudonaa Hermooni guudi cullulloonoochee, kindibe.

Erimiyaasi 40:10

tawoo, no waan woyemmi Baabloonee asheenaꞌo aafooch ittoshi qoodooch neexoyich Mitsipha kotemmo taane; tunebaani ittoshi woyinoon, manjeebeeti michi aafoonaa zayitoonon kicibote; ittoshi qiicoochoo gedote; ittoshi yechiti katemoochoo kotebote” iye.

Erimiyaasi 40:6

Aroochee Erimiyaasi Ahiqaamichi bushoo Gedaliyi beetooch, Mitsipha, hammiye; biinna tookkii are showooch echeti asheenaꞌo daggooch kotehe.

Erimiyaasi 41:14

Ebina Ishmaꞌeeli Mitsiphee kecciti macceenaꞌo bulla gubb wotteheete; Qareehi bushoo Yohanaan waanoo hammiyeete.

Erimiyaasi 41:3

Ishmaꞌeeli Gedaliyina tookkii Mitsipha beeti Ayihudo bullinaa arooch daneti Baabloonee ginee naayinaꞌo bullinon wuxiye.

Haddoo 13:29

Amaleeqeenaꞌo Negeebi kotetinaꞌone; Hiteenaꞌo, Yebuseenaꞌonaa Amooreenaꞌona geppe showooch kotetinaꞌone; Kanaaneenaꞌoo baharee gashoonaa Yoordaanoosi aachi gashoonooch kotetinaꞌone” iyeete.

Yibbaatoo 4:48

Ebi showoo beeto, Arinooni bambee gocooch beeti Aroꞌeeri katemoochee tiijjiꞌi Siriyooni guudooch, ebi geto Hermooni guudooch, beddaahaane.

Yibbaatoo 7:1

Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.

Yaasi 11:17

Ebiyoommon Seyiree showee gaꞌooch beeti Halaaqi guudoochee tiijjiꞌi, Hermooni guudi baatooch beeti Libanoosi bambooch beeti Baꞌaal Gaad beddaahaa beeti showoo bullin kochii yechiye. Boonoshi taateenaꞌo bullin yechiye; eboshinoo qeccee wuxiye.

Yaasi 11:8

Doono Yeeriyoo boonoshin Israꞌeeleenaꞌo kishooch beshiiꞌi immiye. Boonoshiyoo ooge katemoo Sidooninaa Misrefoot Mayimi katemoonooch beddaahaa, wotta aabi-keyo waan beeti Mitsiphi bambooch beddaahaa wuxiibee yookkiyeete. Boonoshi daggoochee kashoona echeto ikkolla aalloone.

Yaasi 13:11

Wotta Gilaadee showoo, Geshuureenaꞌo showoonaa Maꞌakeenaꞌo showoona, Hermooni guudo bullinaa Saleeki katemooch beddaahaa beeti Bashaanee showoo bullinoniye.

Yaasi 13:5

Gebaaleenaꞌo showoonaa Hermooni guudi baatooch beeti Baꞌaal Gaadee tiijjiꞌi, Hamaat beshe kaattooch beddaahaa beeti, aabi-keyo waan beeti Libanoosee showoo bullinane.

Yaasi 15:63

Tunebaani Yihudee yoodeenaꞌo Yerusaalem beeti Yebuseenaꞌon yookkii kichoon hakkaaneenaꞌone. Ebich hanaach beddaahaa Yebuseenaꞌo Yihudee asheenaꞌona tookkii Yerusaalem beetinaꞌone.

Yaasi 3:10

boonoshich ishichiye: “Beeyechi Nuggishoo Yeeri ittoshi daggooch bi beemonaa aroo iberoon Kanaaneenaꞌon, Hiteenaꞌon, Hiweenaꞌon, Ferizeenaꞌon, Girigaasheenaꞌon, Amooreenaꞌonaa Yebuseenaꞌonon ittoshi aafoochee yookkemmo bi tunoonon ittoshi ariyemmo, ebinane.

Woraaferasheenaꞌo 20:1

Aroochee Daanee Beershaab beddaahaa beeti, wotta Gilaadee showooch beeti Israꞌeeleenaꞌo bulli ikke kashoon tuneꞌi kechiyeete. Mitsiphi katemooch Doono Yeeri aafooch kiceeheete.

Woraaferasheenaꞌo 21:5

Aroochee “Israꞌeelee yoodeenaꞌo daggoochee hini iitooch, Doono Yeeri aafooch waataano, konine?” iyeete. Ebiyoo “Mitsiphaa Doono Yeeri aafooch giddeyaano bulli qitibe” iꞌi kupphii boonoshi wogetoyichiye.

Woraaferasheenaꞌo 21:8

Boonoshiyoo “Israꞌeelee yoodeenaꞌo daggoochee Doono Yeeri aafooch, Mitsipha waataanoon echeto, konine?” iꞌi echeheete. Arooba Gilaadee showooch beeti Yabeeshi katemoochee ikke asholla arooch waataanoone.

Woraaferasheenaꞌo 3:5

Ebina Israꞌeeleenaꞌo Kanaaneenaꞌona tookkii, Hiteenaꞌona tookkii, Amooreenaꞌona tookkii, Ferizeenaꞌona tookkii, Hiweenaꞌonaa Yebuseenaꞌona tookkii koteheete.

1 Saameeli 10:17

Saameeli asheenaꞌo Doono Yeeri aafooch ikkooch boonoshi kiceyemmoyich Mitsipha ceeggiꞌi,