Yaasi 11:20 - Kafa Linguistics Project

²⁰ Doono Yeeri Muusich bi gettitoommon, Israꞌeeleenaꞌona koyeree, ikke ariqqaalloon ciroona wuxaa boonoshi aallemmoyich, ebi katemeenaꞌooch beeti asheenaꞌo mulloon muumiito, Doono Yeerine.

Yaasi 11:20 ပူးပေါင်းရင်းမြစ်များ

2 Saameeli 17:14

Aroochee Abisoloominaa Israꞌeeleenaꞌo bullina, “Akixofeeli boyeti boyoyee, Arikee asho Hushayi boyeto gaawiye” iyeete. Doono Yeeri Abisoloomi toommooch gonde mooyon tuniiya iꞌi gaaweto tuneti Akixofeeli boyo waayeyaachemmon tuniihe.

1 Taateenaꞌo 12:15

Doono Yeeri Shiloohee asho Akiyina, Nebaaxi bushoo Yeroboꞌamich bi gettiti qaaroon ceechoyich, Doono Yeer waanaa maacheto bi tunetoyich, taatoo asheenaꞌo mooyon waayeyaanoone.

2 Kiinoo 22:7

Akaziyaasi Yoraamin cacheyooch bi hammito, Yeeri ebin naboo tuniiree biin aalliiya bi daaggitoyichiye. Biyoo arooch beechii Nimishi bushoo Yehina daneya Yoraamina tookkii kechiye. Yehi Akaabichi yareenaꞌon aalliyoyich Doono Yeeri huuttiti ashoone.

2 Kiinoo 25:16

Tunebaani getooch bi beetaa taatoo, “Neen taatoochi mikkirecho tuniyaꞌa ukkiriito noone? Cikkibe; qitiya ne qaawaabeeto amoyichiye?” iye. Keemechoo cikkiye; aroochee, “Ebin ne tuniitoyich, ta ciicoonoo waayo ne qajjetoyich, Doono Yeeri neen aalliiya bi maacon and ariite” iye.

Keyo 10:1

Aroochee Doono Yeeri Muusich ishichiye: “Wotteree Faroon waan hambe. Ebi worganikkiti malleteenaꞌon boonoshi daggooch tuniyoyich, Farooninaa bi iraasheenaꞌonochi mulloon muumiito taane.

Keyo 11:10

Muusinaa Harooninoo ebi gaakkechi shuunoo bullin Faroon aafoochaa tuniitinaꞌone. Tunebaani Doono Yeeri Farooni mulloon muumiitone. Ebich Israꞌeeleenaꞌo bi showoochee keyiree hammemmoyich boonoshin gawukkaanoone.

Keyo 14:17

Gibitseenaꞌo mulloon ta muumiitaa, Israꞌeeleenaꞌon dabbiree giyemminaꞌone. Farooninaa bi ginee naayo bullinochi toommooch, bi gaarinaꞌonaa hareshechinaꞌonochi toommoochoo ta oogo bekkemmone.

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Keyo 14:8

Doono Yeeriyoo Gibitsee taatoo Farooni mulloon bi muumiitoyich, Gibitsee aafee kupphoona kechii hammiibeeti Israꞌeeleenaꞌon yookkii dabbiye.

Keyo 4:21

Doono Yeeriyoo Muusich ishichiye: “Gibits wottaa ne hamiyooba, neech ta immeti hakkoona ne shuunemmi, gaakkechi mooyo bullin Farooni aafoochaa ceechemmo ne tunoon batteyaahine. Tunebaani asheenaꞌon bi gawukkaachemmoyich, bi mulloon muumiyemmo taane.

Keyo 9:12

Tunebaani Doono Yeeri Farooni mulloon bi muumiitoyich, Doono Yeeri Muusich bi gettitoommon, Muusinaa Haroonina gettiton waayeyaanoone.

Keyo 9:16

tunebaani kashoona ne beeyemmoyich ta tuniito, ta giidoon neech ta bekkiyemmonaa ta shigo showee toommo bulliich bi arichemmonoyichiye.

Isiyaasi 14:24

Beshe Mawe Doono Yeeri ishichii wogetone: “Ta gabitoommon tunemmone; ta maaccetoommonoo shuunooch heechemmone.

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Roomi 9:18

Illa Yeeri ikke uroon maariya bi qaawigaata, maariye; ikke uroonoo mulli manjoo tuniiya bi qaawigaata, mulli manjoo tuniihe.

Yibbaatoo 2:30

“Tunebaani Heshiboni taatoo Sihooni bi showoona no beshemmoyich daaggoon qajjiye. Ebiyoo no Nuggishoo Doono Yeeri and ebi bi tuniitoommon, no kishooch beshii biin imma iꞌi bi mulloon bi muumiitoyich, biinoo babberoo bi tuniitoyichiye.

Yibbaatoo 7:16

Ne Nuggishoo Doono Yeeri ne kishooch beshii immimmi asheenaꞌon wuxi aalliibe. Boonoshich ariqqeyaahine. Boonoshi nuggisheenaꞌoyich goyinneyaahine. Ebi neech olloon tunemmone.

Woraaferasheenaꞌo 14:4

Ebi yemeenooba Israꞌeeleenaꞌon qeejjii beetinaꞌo Filsixeemeenaꞌone. Ebich Filsixeemeenaꞌona tookki kaaro tiyemmoyich, ebi mooyo tunee bi beeto, Doono Yeer waanee bi tunoon bi nihoonaa bi indeena ariyaaneenaꞌone.

1 Saameeli 2:25

Ikke asho baroon bi xuꞌigaata, Yeeri shoobbii beetone. Tunebaani asho Doono Yeerin bi xuꞌigaata, shoobbemmo konine?” iye. Tunebaani bushiisheenaꞌo boonoshi nihoochi ciicoon waayemmon qajjiyeete; ebiyoo Doono Yeeri boonoshin aalliiya gabii maaccito bi tunetoyichiye.