Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaasi 11:12 - Kafa Linguistics Project

12 Yaasi ebi katemeenaꞌo bullinaa boonoshi taateenaꞌo bullinon kochii yechiye; Doono Yeeri guuno Muusi biich bi gettitoommon, goraadoona boonoshin ciroona wuxii aalliihe.

အခန်းကိုကြည့်ပါ။ ကော်ပီ




Yaasi 11:12
18 ပူးပေါင်းရင်းမြစ်များ  

Ne Nuggishoo Doono Yeeri boonoshin ne kishooch beshii bi imaa, koyi wochemmo neene. Ebiyooba boonoshin ciroona hidi aalliibe. Boonoshina tookki ikkotteya wogoon giyaahine. Boonoshichoo ariqqeyaahine.


Michii aalliibeeti qaaqqoochoommon ne aafooch shiichiꞌi hammiibeeto ne Nuggishoo Doono Yeeri bi tunoon hanaach ariibe. Biyoo boonoshin ne aafoochee koyi wochiree aalliyemmone. Doono Yeeri neech bi gibenikkitoommon, boonoshin yoohi kichemmo neene; kaateree boonoshi aallemmoyichoo tuniyemmo neene.


Ebich Yaasinaa Israꞌeelee ginechinaꞌona boonoshi etteenaꞌo hidaa aallemmi wottoon, wuxii ciichiyeete; tunebaani giishecheenaꞌo mishigechi boonoshi katemeenaꞌooch gimon hakkitinaꞌone.


Ebi arooba Yaasi Maqidin yechiye. Are katemeexi asheenaꞌonaa bi taatoonon goraadoona wuxiye. Ikke ashoonolla echiyaanoon katemee daggooch beeto bullin hidii aalliihe. Yaariki taatoo toommooch bi tuniitoommon, ebiyoommon hini are Maqidi taatoo toommooch tuniihe.


Doono Yeeri ebi katemoonaa bi taatoonon wotta Israꞌeeleenaꞌo kishooch beshiiꞌi immiye. Yaasi are katemee daggooch beeti asheenaꞌo bullin goraadoona wuxii aalliihe. Ikke ashoonolla echiyaanoone. Yaariki taatoo toommooch bi tuniitoommon, ebiyoommon hini are Libini taatoo toommooch tuniihe.


Doono Yeeriyoo Lakishin Israꞌeeleenaꞌo kishooch beshiiꞌi immiye. Yaasi guttinnee qemooba ebi katemoon yechiye. Libini toommooch bi tuniitoommon, ebiyoommon hini are Lakish beeto bullin goraadoona wuxii aalliihe.


Ebi arooba katemoon yechiyeete; are katemeexi asheenaꞌo bullinoo goraadoona wuxiyeete. Yaasi, Lakishi toommooch bi tuniitoommon, ebiyoommon hini are katemoonaa bi daggooch beeto bullinon ciroona wuxii aalliihe.


katemoon yechiyeete; bi taatoon, are katemoonaa bi guudeexi gafeenaꞌonooch beeti asho bullin goraadoona wuxiyeete. Yaasi, Egilooni toommooch bi tuniitoommon, ikke ashoonolla echiyaanoon, hini are katemoonaa bi daggooch beeto bullinon ciroona aalliihe.


Tunebaani Yaasi michiti Hatsooriyee besh, Israꞌeeleenaꞌo aroyee aaf happeechii, wochinnoon uxereeti katemeenaꞌon michaaneenaꞌone.


Ebiyee aaf Doono Yeeri bi guuno Muusich bi gettiton, Muusi Yaasich gettitone. Yaasiyoo ebi getoon ceechiye. Doono Yeeri Muusich gettito bulliichee Yaasi tuniyaani ikke mooyolla aalloone.


“Ebi showoo Libanoosee tiijjiꞌi, Misrefoot Mayimi katemooch beddaahaa beeti geppe showooch beeti, Sidooneenaꞌo bullichi showoone. Ta, ta qelloona ebi are aageteenaꞌon Israꞌeeleenaꞌo aafoochee yoohi kichemmo taane. Ne baach, neech ta gettetoommon, showoon qoodiree Israꞌeeleenaꞌoyich maace.


Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.


Doono Yeeri guuno Muusi Israꞌeeleenaꞌoyich gettitoommon, wotta Muusichi Sheeree Macaafooch bi kooreetoommon, deejjee gudoon bi shuuneto, xuuree qiico bi achooch shagaani, xareyaani xaqqoonane. Ebi aree toommooch Doono Yeerich micciibeeti deejjoon deejjiyeete; ikkittinee deejjoonoo deejjiyeete.


Katemoon ittoshi yeshiyooba, Doono Yeeri ittoshich gettitoommon, qaaqqoona michibote; ta ittoshich getteto taane” iye.


Boonoshiyoo Yaasich ishichiꞌi wochiyeete: “Ne Nuggishoo Doono Yeeri, bi guuno Muusi hini showoo bullin ittoshich bi immemmonaa arooch beeti asheenaꞌon ittoshi aafoochee wuxi bi aalliyemmonoyich, bi geto xiishaa ne guuno nooch getteetone. Ebich ittoshiichee tiyitona no kashoyich oogichaa shattaꞌa, ebin tuniito noone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ