Yaasi 10:8 - Kafa Linguistics Project

⁸ Arooba Doono Yeeri Yaasich “Boonoshin shattaahine; boonoshi bullin ne kishooch beshii immeto taane; boonoshi daggoochee neenna koyeree neen wochemmo ikkolla aalloone” iye.

Yaasi 10:8 ပူးပေါင်းရင်းမြစ်များ

1 Taateenaꞌo 20:13

Aroochee Israꞌeelee taatoo Akaab waan keemecho waaꞌi, “Doono Yeeri ‘Ebi mattiqutte ginee naayo bullin beeggaa beetine? And ne kishooch beshiiree immemmo taane. Ta, Doono Yeeri ta tunoonoo ariyemmo neene’ itone” iye.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Yibbaatoo 3:2

Tunebaani Doono Yeeri taach ishichiye: ‘Shattaahine; biin, bi asheenaꞌo bullinaa bi showoonon ne kishooch beshiyaꞌa immeto taane; Heshiboni katemooch beechii qeejjiibee echeti Amooreenaꞌo taatoo Sihooni toommooch ne tuniitoommon, ebiyoommon bi toommooch tuniibe’ iye.

Yibbaatoo 7:24

Boonoshi taateenaꞌonoo ne kishooch beshii immemmone. Boonoshi shigo showee toommoochee bi aallemmoyich tuniyemmo neene. Ne aafooch kuppheree neexemmo koniyoona aalloone. Bullinolla hidi aalliyemmo neene.

Yaasi 10:25

Yaasiyoo boonoshich ishichiye: “Shattaahote; keqqiyaahote; kupphe manjibote. Ittoshi kochemmi etteenaꞌo bulli toommooch Doono Yeeri ebiyoommon tuniyemmone” iye.

Yaasi 10:9

Yaasinaa bi ginechinaꞌona Galigalee tiyii, xumo bullin qaxiriibee qeyiꞌi, Amooreenaꞌo beetooch shaggii diqqoona kochiyeete.

Yaasi 11:6

Doono Yeeri Yaasin “Boonoshin shattaahine; eboshi bullin wuxemmo taane; yaach ebi goora Israꞌeeleenaꞌo kishooch beshiiree immemmo taane. Aroyee gubb boonoshi haresheenaꞌo tingoon qeccemmo neene; boonoshi gaarinaꞌonoo qaaqqoona michemmo neene” iye.

Yaasi 8:1

Aroochee Doono Yeeri Yaasich ishichiye: “Shattaahine; keqqiyaahine; ginechinaꞌo bullin yeshiree keyi, Aayin koye. Aayi taatoon, bi asheenaꞌon, bi katemoonaa bi showoo bullinon ne kishooch beshiyaꞌa immeto taane.

Woraaferasheenaꞌo 6:16

Doono Yeeriyoo wochiꞌi, “Iberoon ta neenna tookki tunemmo taane. Miidiyameenaꞌon ikke ashoon wuxoommon wuxi aalliyemmo neene” iye.

Woraaferasheenaꞌo 7:9

Aroobee xum Doono Yeeri Geediyoonich ishichiye: “Kaamboon geddiꞌi boonoshi beeti xaaꞌooch tiyi hamiree koye. Tawoo boonoshin ne kishooch beshiyaꞌa immeto taane.

1 Saameeli 17:47

hiniich kiceetinaꞌo bulli Doono Yeeri wodii bi beeto, goraadoonaa ginoona tunee bi qayonoo ariyemminaꞌone. Doono Yeeri kochii wochecho bi tunetoyich, ittoshin no kishooch beshiiree immemmone” iye.