Yaasi 10:40 - Kafa Linguistics Project

⁴⁰ Ebiyoommi gommona Yaasi showoo bullin kochiꞌi yechiye; geppe showooch, Negeebi barahooch, worebe showoonaa geppee gaadoonooch beeti taateenaꞌo bullin kochiꞌi, Israꞌeelee Nuggishoo Doono Yeeri gettitoommon, bullin ciroona hidii wuxii aalliihe; ikke ashoonolla echiyaanoone.

Yaasi 10:40 ပူးပေါင်းရင်းမြစ်များ

1 Taateenaꞌo 15:29

Bi taateti qeecooch, Yeroboꞌami kechi asho bullin wuxiye. Doono Yeeri Shiloohee asho tuneti Akiyina bi gettitoommon, Yeroboꞌami kechi ashoochee ikke kashee hiinnoonolla echiyaanoon, wuxii aalliihe.

Nehimi 9:24

Ebich boonoshi shiijjereenaꞌo giyiꞌi woraashiyeete. Are showee asheenaꞌo tuneti Kanaaneenaꞌon koyi boonoshi wochemmoyich tuniihine. Kanaaneenaꞌo toommooch, boonoshi taateenaꞌonaa boonoshi showee asheenaꞌonochi toommooch boonoshi shunnimmon boonoshi shuunemmoyich, boonoshi kishooch beshiyaꞌa immehine.

Shoddo 9:17

Gondeenaꞌo maash hammemminaꞌone; Yeerin batteebeeti aageteenaꞌo arooch hammemminaꞌone.

Keyo 34:12

Ne hammaabeeti showeexi asheenaꞌona tookki wogoon ne giyaachemmoyich, ne qelloon ariibe! Ebin ne tuniigaata, neech olloon tunemminaꞌone.

Haddoo 13:17

Kanaanee showoon boonoshi qiiddemmoyich Muusi boonoshin wochee daachiihe. Biyoo boonoshich ishichiye: “Negeebi barahoon kuxi besheree geppe showooch hambote.

Yibbaatoo 1:7

Tiyi qaxiribote. Geppechi Amooreenaꞌo showoonaa bi guudoona beeti showoo bullinooch hambote. Yoordaanoosi bambooch, geppe showoonaa worebe showoonooch, Negeebi barahoonaa Meditiraanee baharee gashoonooch hambote. Kanaaneenaꞌo showoo bulliich, Libanoosi guudinaꞌonaa Efiraaxisi ooge aaconooch beddaahaa qaxiribote.

Yibbaatoo 2:34

Ebi arooba katemoo bullin yechaꞌa happaa aalliihon; arooch beeti asheenaꞌon, anaamon, maacheenaa bushiishoonon wuxaa aalliihon; ikkoonolla kashoona echiyaano noone.

Yibbaatoo 7:24

Boonoshi taateenaꞌonoo ne kishooch beshii immemmone. Boonoshi shigo showee toommoochee bi aallemmoyich tuniyemmo neene. Ne aafooch kuppheree neexemmo koniyoona aalloone. Bullinolla hidi aalliyemmo neene.

Yaasi 10:35

Ebi arooba katemoon yechiyeete; are katemeexi asheenaꞌo bullinoo goraadoona wuxiyeete. Yaasi, Lakishi toommooch bi tuniitoommon, ebiyoommon hini are katemoonaa bi daggooch beeto bullinon ciroona wuxii aalliihe.

Yaasi 10:37

katemoon yechiyeete; bi taatoon, are katemoonaa bi guudeexi gafeenaꞌonooch beeti asho bullin goraadoona wuxiyeete. Yaasi, Egilooni toommooch bi tuniitoommon, ikke ashoonolla echiyaanoon, hini are katemoonaa bi daggooch beeto bullinon ciroona aalliihe.

Yaasi 10:39

Katemoon, bi taatoonaa bi guudeexi, gishiishi katemeenaꞌonon kochii yechiyeete; are katemeenaꞌooch beeto bullin goraadoona wuxii ciroona aalliiheete; ikke ashoonolla echiyaaneenaꞌone. Yaasi, Kebirooni toommooch, Libininaa bi taatoonochi toommooch bi tuniitoommon, ebiyoommon hini are Debiirinaa bi taatoonochi toommooch tuniihe.

Yaasi 11:16

Yaasi showoo bullin kochii yechiye; ebiyoo geppe showoonaa geppee baatooch beeti showoo bullinon, Negeebi barahoo bullin, Gooshenee showoo bullin, aabi-gimo waani woreboonaa Yoordaanoosi bamboonon kochii yechiye.

Yaasi 12:8

Boonoshich bi maacciti showoo, Hiteenaꞌocho, Amooreenaꞌocho, Kanaaneenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showoo, ebiyoo geppe showoo, worebe showoo, Yoordaanoosi bambeexi showoo, sharebe showoonaa Negeebi baraheexi showoonone.

Yaasi 18:21

Biiniyaami yoodoyich boonoshi yari yaroona icheti aaraa gutte katemeenaꞌo eboshine: Yaariki, Beet Hogili, Emeeq Qeziizi, Beet Arabi, Tsemarayimi, Beeteeli, Awiimi, Faari, Ofiri, Kefaramooni, Ofininaa Geebinane; ebi katemeenaꞌo bullichi guudoona gafeenaꞌo beetinaꞌone.

Yaasi 6:17

Katemoonaa bi daggooch beeto bullina Doono Yeerich yaafeeto bi tunetoyich, ciroona aalliibote; no wochetaa hammiti qiiddechinaꞌon bi aachitoyich, yahechi Rahaabinaa biinna tookkii bi kexooch beetinaꞌona baach echebeete.

Yaasi 8:2

Yaarikinaa bi taatoonochi toommooch ne tuniitoommon, ebiyoommon Aayinaa bi taatoonochi toommooch tuniyemmo neene. Tunebaani ebiyooba kecoonaa miimo bullinon ittoshi qellich tuniyemmo ittoshine. Katemee gubbaa aasheree oti quyemmi ginechinaꞌon qanniibe” iye.

Yaasi 8:27

Israꞌeeleenaꞌo Doono Yeeri Yaasich gettitoommon, katemoochee boonoshi daneti gijjeenaꞌonaa kecoonon boonoshich tuniiheete.

Yaasi 9:24

Boonoshiyoo Yaasich ishichiꞌi wochiyeete: “Ne Nuggishoo Doono Yeeri, bi guuno Muusi hini showoo bullin ittoshich bi immemmonaa arooch beeti asheenaꞌon ittoshi aafoochee wuxi bi aalliyemmonoyich, bi geto xiishaa ne guuno nooch getteetone. Ebich ittoshiichee tiyitona no kashoyich oogichaa shattaꞌa, ebin tuniito noone.