Yaasi 10:31 - Kafa Linguistics Project

³¹ Aroochee Yaasinaa biinna tookkii beeti Israꞌeelee ginechinaꞌo bullina Libinee Lakish besheꞌi, giichii kochiyeete.

Yaasi 10:31 ပူးပေါင်းရင်းမြစ်များ

2 Taateenaꞌo 14:19

Asheenaꞌo biin wuxoyich Yerusaalemaa koceeheete. Aroochee Amasiyaasi Lakish muriccii hammiye. Tunebaani boonoshi bi hillooch ashoon daachiiꞌi, aroochaa biin wuxiiheete.

2 Taateenaꞌo 19:8

Asooree taatoo Lakishee tiyii hammiꞌi, Libini katemoon kochiibeeto bi tunoon Rabishaqi waayeꞌi, arooch hammiye.

2 Kiinoo 11:9

Adorayimi, Lakishi, Azeqi,

Isiyaasi 37:8

Asooree taatoo Lakishee tiyii hammiꞌi, Libini katemoon kochiibeeto bi tunoon Rabishaqi waayeꞌi, arooch hammiye.

Mikiyaasi 1:13

Lakishi katemee asheenaꞌote, ittoshi gaarinaꞌochi haresheenaꞌon xandibote! Israꞌeeleenaꞌo shuunetoommi gondoon shuuneto ittoshine; Yerusaalemi asheenaꞌo shuunemmoyichoo tuniito ittoshine.

Yaasi 10:3

Ebich Yerusaalemi taatoo Adon Tsedeeqi Kebirooni taatoo Hohaam waan, Yarimuuti taatoo Firaam waan, Lakishi taatoo Yafiyinaa Egilooni taatoo Debiirina waan ishichiibeeti wochoon daachiihe:

Yaasi 10:30

Doono Yeeri ebi katemoonaa bi taatoonon wotta Israꞌeeleenaꞌo kishooch beshiiꞌi immiye. Yaasi are katemee daggooch beeti asheenaꞌo bullin goraadoona wuxii aalliihe. Ikke ashoonolla echiyaanoone. Yaariki taatoo toommooch bi tuniitoommon, ebiyoommon hini are Libini taatoo toommooch tuniihe.

Yaasi 10:32

Doono Yeeriyoo Lakishin Israꞌeeleenaꞌo kishooch beshiiꞌi immiye. Yaasi guttinnee qemooba ebi katemoon yechiye. Libini toommooch bi tuniitoommon, ebiyoommon hini are Lakish beeto bullin goraadoona wuxii aalliihe.

Yaasi 10:5

Arooba uuche Amooree taateenaꞌo, boonoshiyoo Yerusaalemi taatoo, Kebirooni taatoo, Yarimuuti taatoo, Lakishi taatoonaa Egilooni taatoona ikkottee boonoshi ginechinaꞌo bullin kiciꞌi, Gibeꞌoonin giichii kochiyeete.

Yaasi 12:11

Yarimuuti taatoo, Lakishi taatoo,