Yaasi 10:3 - Kafa Linguistics Project

³ Ebich Yerusaalemi taatoo Adon Tsedeeqi Kebirooni taatoo Hohaam waan, Yarimuuti taatoo Firaam waan, Lakishi taatoo Yafiyinaa Egilooni taatoo Debiirina waan ishichiibeeti wochoon daachiihe:

Yaasi 10:3 ပူးပေါင်းရင်းမြစ်များ

Halloo 23:2

Kanaanee showooch beeti Qiriyaat Aribaa, ebiyoo Kebiroonaa qitiyan. Abrahami oogeton eeppii muushenehe.

Halloo 37:14

Yaaqobiyoo Yooseefin “Hamiree ne maneenaꞌonaa boonoshi quyeebeeti gijjeenaꞌonochi diggoon beegiree wobe” ii Kebirooni bamboochee wochee daachiihe. Yooseefiyoo Shekeem hammii shaggiye.

2 Saameeli 2:11

Daawiti Kebiroon beechii Yihudee yoodeenaꞌo toommooch bi taateto, shabaatte nattaa qatone.

2 Taateenaꞌo 18:14

Ebich Yihudee taatoo Hiziqiyaasi Lakishi katemooch beeti Asooree taatoyich, “Xuqqeto taane; ta waanee wottebe; taan ne echemmo bullin immemmo taane” iꞌi wochoon daachiihe. Asooree taatoo, Yihudee taatoo Hiziqiyaasich, “Aashire hume kiilo giraamee birewoonaa hume kiilo giraamee aachoonon taach deejjibe” iye.

2 Taateenaꞌo 18:17

Asooree taatoo bi ginee iraasheenaꞌo tuneti Taritaanin, Rabisarisinaa Rabishaqinon meeti ginee naayinaꞌona tookkii Lakishee Yerusaalem, taatoo Hiziqiyaas waan daachiihe. Boonoshiyoo kechii Yerusaalem waaꞌi, dambee kote aaco kindiibeeti, woretee gaꞌeexi qoredda machechochi goyo waan daammiibeeti gommooch neexeheete.

2 Kiinoo 11:9

Adorayimi, Lakishi, Azeqi,

Erimiyaasi 34:7

Ebiyooba Baabloonee taatoochi ginee naayinaꞌo Yerusaalemi katemoonaa echeti Yihudee katemeenaꞌo Lakishinaa Azeqinon kochii beetinaꞌone; ebiyoo Yihudee katemeenaꞌoochee echeti manje katemeenaꞌo eboshi baach bi tunetoyichiye.

Mikiyaasi 1:13

Lakishi katemee asheenaꞌote, ittoshi gaarinaꞌochi haresheenaꞌon xandibote! Israꞌeeleenaꞌo shuunetoommi gondoon shuuneto ittoshine; Yerusaalemi asheenaꞌo shuunemmoyichoo tuniito ittoshine.

Haddoo 13:22

Negeebi barahoona beshee hammiꞌi, Kebiroon shaggiyeete. Anaaqee yareenaꞌo tuneti Ahimaani, Sheshaayinaa Talimayina arooch beetinaꞌone. Kebirooni katemoo shuuneeto, Gibits beeti Tsoꞌaani katemoo shuuneyoyee shabaatte naton shiichiꞌiniye.

Yaasi 10:1

Yaasi Yaarikinaa bi taatoonochi toommooch bi tuniitoommon, Aayin yechiꞌi ciroona bi aalliyoon Yerusaalemi taatoo Adon Tsedeeqi waayehe. Wotta Gibeꞌooni asheenaꞌo Israꞌeeleenaꞌona tookkii wogoon boonoshi gimonaa Israꞌeeleenaꞌo daggooch boonoshi beemonon waayehe.

Yaasi 10:23

Ebi uuche taateenaꞌon, eboshiyoo Yerusaalemi taatoon, Kebirooni taatoon, Yarimuuti taatoon, Lakishi taatoonaa Egilooni taatoonon kichii deebiyeete.

Yaasi 10:34

Aroochee Yaasinaa biinna tookkii beeti Israꞌeelee ginechinaꞌo bullina Lakishee Egiloon besheꞌi, giichii kochiyeete.

Yaasi 10:5

Arooba uuche Amooree taateenaꞌo, boonoshiyoo Yerusaalemi taatoo, Kebirooni taatoo, Yarimuuti taatoo, Lakishi taatoonaa Egilooni taatoona ikkottee boonoshi ginechinaꞌo bullin kiciꞌi, Gibeꞌoonin giichii kochiyeete.

Yaasi 14:15

Ebiyee aaf Kebirooni Qiriyaat Aribi gettee beetone; ebi Aribi Anaaqeenaꞌo bulliyee beshe aricheti uroone. Aroyee gubb showoo ginoochee kashehe.

Yaasi 15:63

Tunebaani Yihudee yoodeenaꞌo Yerusaalem beeti Yebuseenaꞌon yookkii kichoon hakkaaneenaꞌone. Ebich hanaach beddaahaa Yebuseenaꞌo Yihudee asheenaꞌona tookkii Yerusaalem beetinaꞌone.