Yaasi 10:24 - Kafa Linguistics Project

²⁴ Ebi taateenaꞌon boonoshi kichii deebimmona, Yaasi Israꞌeeleenaꞌo bullin bi waan ceeggiꞌi, ginooch biinna tookkii hammiti ginee iraasheenaꞌon “Hach aaf gidderee, ebi taateenaꞌo qettooch neexote” iye. Boonoshiyoo aaf giddeꞌi, boonoshi baatoona ebi taateenaꞌo qettooch neexxiyeete.

Yaasi 10:24 ပူးပေါင်းရင်းမြစ်များ

2 Saameeli 22:39

Boonoshin aalliihoye; yexxaa dichaanoo iyoye; boonoshiyoo aroochee tiyaaneenaꞌone; ta aafooch dihiꞌi echeheete.

2 Saameeli 22:41

Ta etteenaꞌo boonoshi hilla wotteree woccemmoyich tuniihine; taan shixxii beetinaꞌon aalliihoye.

Shoddo 107:40

iraasheenaꞌo toommooch yeelloon woniihe; gommo aalli barahooch boonoshi yallyallimemmoyich tuniihe.

Shoddo 110:1

Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

Shoddo 110:5

Doono ne qannoochiye; bi kaaree aabooba taateenaꞌon buriccemmone.

Shoddo 18:40

Ta etteenaꞌo boonoshi hilla wotteree woccemmoyich tuniihine; taan shixxii beetinaꞌon aalliihoye.

Shoddo 91:13

Daaheroonaa dingeroonon neexxemmo neene; more daaheroonaa dareboonochi toommona shaꞌemmo neene.

Isiyaasi 51:23

Ebi aroon, neen xuuxii beetinaꞌo kishooch, ‘Ne toommona no beshemmoyich yite’ ii beetinaꞌo kishooch, geddemmo taane; newoo ne gubboon, neecheebeeti showoommon, hammeebeeti gommoommon, tuniiti neene” iye.

Milikiyaasi 4:3

Ta shuunemmi aabooba gondeenaꞌo ittoshi baatee dechiich tulloon tunemminaꞌone. Ittoshiyoo boonoshin neexxemmo ittoshine” iye Beshe Mawe Doono Yeeri.

Roomi 16:20

Diggee Nuggishoo Sheexaanoon kaate yexi dichiree ittoshi baatee dechiich yiikkemmone. No Doono Yesuus Kiristoosichi wojjoo ittoshina tookki tunebe.

Yibbaatoo 33:29

Israꞌeelo, diireeto neene; Doono Yeerina woditi asho neenoommo, konine? Gaachoochoommon bi neen quyee beetone; goraadoochoommon ne etteenaꞌon qeccee beetone. Ne etteenaꞌo maaroon qollebee ne waan woyemminaꞌone; tunebaani ne boonoshi shimetoon neexxemmo neene” iye.

Hibireena'o 1:13

Tunebaani maraakeenaꞌo daggoochee konichiye Yeeri, “Ne etteenaꞌon ne baatee dechiich ta tuniimmi wottoon, ta qannooch kotebe” bi ito?

Woraaferasheenaꞌo 8:20

Aroochee bi gutenee bushoo Yeteerin “Tiyiree eboshin wuxibe” iye. Tunebaani Yeteeri batt bushoo bi tunetoyich, shattiꞌi goraadoon kaaccemmon qajjiye.